Qummoroortaatinik toqqortaqartarnermut nalunaarutip nutaap tusarniaassutigineqarnera.
Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfiup matumuuna Qummoroortaatinik toqqortaqartarneq pillugu Namminersorlutik Oqartussat nalunaarutaat tusarniaassutigalugu nassiuppaa.
Nassuiaat:
Qummoroortaatinik toqqortaqartarneq pillugu Namminersornerullutik Oqartussat nalunaarutaat nr. 19, 9. december 2004-meersoq suliarineqarmat, qummoroortaatit nalunaarutigineqartarnerinut oqimaassuseq tamakkiisoq atorneqartarpoq. Tamatuma kingorna nunarpassuit oqimaassutsimut NEM-imut nuupput, qummoroortaatit ulorianartorsiortitsisinnaanerinik naatsorsuinermi eqqornerummat.
Qummoroortaatinut nalunaarutissatut siunnersuummi nutaami oqimaassutsip Kilogrammimik taagorneqarnera oqimaassutsimut NEM-imut allanngortinneqarpoq, taamaalillunilu maleruagassat tuniniagaqartut oqimaassusiliisarnerinut naleqqussarneqarput.
Tusarniaanermi killissarititaq:
Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmit inussiarnersumik qinnutigineqarpoq, tusarniaanermi akissuteqaatit kingusinnerpaamik 31. 10. 2022-mi nal. 12 tunniunneqassasut. Tusarniaanermi akissuteqaatit Naalakkersuisoqarfiup mail-ianut pingaarnermut nassiuteqquneqarput, uunga: pan@nanoq.gl