Nunamut Namminermut Immikkoortortaqarfik kommunini pissutsit, soorlu kommunini aqutsineq, kommunit aggornerat aamma kommunit aggornerisa avataaniittut nunaqqatigiit siunnersuisoqatigiivi pillugit inatsisinut akisussaasuuvoq. Tamatuma saniatigut Nunamut Namminermut Immikkoortortaqarfik Inatsisartunut, kommunalbestyrelsenut, najukkami ataatsimiititalianut, nunaqqatigiit siunnersuisoqatigiivinnut, nunaqarfiit aqutsisuinut aamma ilagiit sinniisaannut qinersinernut kiisalu eqqartuussivikkoortumik nalunaarsuineq aamma taarsiissuteqarluni arsaarinninnermut inatsisit pillugit akisussaasuuvoq.

Nunamut Namminermut Immikkoortortaqarfik kommuninut siunnersuinissamut nakkutiginninnissamullu akisussaasuuvoq. Tamanna pillugu Nunamut Namminermut Immikkoortortaqarfiup kommunit aqutsinermi pissutsit, matuma ataani ataatsimiititaliat katitigaaneri, suliamut attuumassuteqannginnissaq pillugu apeqqutit kiisalu borgmesterit, kommunalbestyrelsenut ilaasortat, nunaqarfimmi aqutsisunut ilaasortat il.il. akissarsiai soraarnerussutisiassaallu pillugit siunnersortarpai. Qinikkatut Pisortanillu Toqqakkatut suliaqarneq pillugu malittarisassat pillugit aamma immikkoortortaq kommuninut siunnersuisarpoq.

Inatsisartunut kiisalu Pituffimmi nunaqqatigiit siunnersuisoqatigiivinnut qinersinernut atatillugu Nunamut Namminermut Immikkoortortaq qulakkeerinninnissamut akisussaasuuvoq. Aammattaaq immikkoortortaq qinersineq.gl-ip, Kalaallit Nunaanni qinersiartorfinnit tamanit taasinermi inernernik katersinermut atorneqartartup ingerlanneranut ineriartortinneranullu akisussaasuuvoq.

Kommunimut qinersinernut atatillugu kommunalbestyrelsenut, nunaqarfinni aqutsisuinut aamma ilagiit sinniisaannut qinersisoqartarpoq. Kommuninut qinersinernut akisussaaffik 1. januar 2013-imi kommuninut nuunneqarpoq.

Innuttaasut Kalaallit Nunaata avataaniikkallartut qinersisinnaatitaanerat

Qinersisartut allassimaffianni ilanngunneqarnissamut qinnuteqaat

Qinersisinnaatitaaneq pillugu ilitsersuut

 

Qinigassanngortittunik nalunaarutiginninneq –Inatsisartunut qinersineq

Partii avataani qinigassanngortittut

Partiit allaattuiffiani nalunaarutiginninneq

Partiimik nutaamik nalunaarutiginninneq

 

Qinigassanngortittunik nalunaarutiginninneq –kommunalbestyrelsinut, nunaqarfimmi aqutsisunut aamma ilagiit sinniisaannut qinersineq

Kommunini qinersinermut immersugassanut tunngatillugu innuttaasup kommuni najugaa innersuussutigineqarpoq.

Siunnersuisoqatigiinnut, ataatsimiititalianut il.il. arlalinnut Nunamut Namminermut Immikkoortortaq allattoqarfittut sullissinissamut akisussaasuuvoq:

Nakkutilliisoqarfik
Qinersinermut Ataatsimiititaliaq
Qinigaasinnaanermut Ataatsimiititaliaq
Naalakkersuinikkut Ataqatigiissaarisoqatigiit
Juni 2017-imi Uummannap eqqaani ajunaarnersuaqarnerata kingorna suliniarnermut aqutsisoqatigiit
Najugaqarfinnut minnernut malitseqartitsinermut suleqatigiissitat
Pigisanik aalaakkaasunik arsaarinnissuteqartarneq pillugu Ataatsimiititaliaq