Naalakkersuisut kujataanut angalalerput

Nutartigaq nal. 15.30

Múte Bourup Egede, Vivian Motzfeldt, Jess Svane aammalu Kalistat Lund innuttaasunik naapitsiartorlutik ullumi ataasinngornermi 6. martsimiit Kujataanut angalassapput.

"Innuttaasunik naapitsinissarput pingaaruteqarpoq. Innuttaasunut ammasumik aaqqissuussinissatta saniatigut suliffeqarfinnut assigiinngitsunut pulaarnissarput pilersaarutigaarput aamma Kommune
kujallermi borgmesteri Stine Egede soorunami aamma ataatsimeeqatigissavarput”, naalakkersuisut siulittaasuat Múte Bourup Egede oqarpoq.

Siulittaasup angalanermini Nunalerinermut, Imminut Pilersornermut, Nukissiuutsinut Avatangiisinullu Naalakkersuisoq Kalistat Lund, Isumaginninnermut, Suliffeqarnermut Nunamullu Namminermut
Naalakkersuisoq Jess Svane kiisalu Nunanut Allanut, Inuussutissarsiornermut Niuernermullu Naalakkersuisoq Vivian Motzfeldt angalaqatigissavai.

Naalakkersuisuni ilaasortat sisamaasut Narsarsuaq, Nanortalik, Qaqortoq, Narsaq kiisalu Alluitsup Paa tikissamaarpaat.

Naalakkersuisunut ilaasortat aggerlutit naapikkit. Ammasumik aaqqissuussinerit makkunani ingerlanneqassapput:

Narsarsuaq: 6. marts, Hotel Narsarsuaq, nal. 19.30-imit 21.00-imut.

Qaqortoq: 7. marts, Hotel Qaqortoq, nal. 16-imit 19-imut.

Alluitsup Paa. 8. marts, klubbimi nal. 9.00-mit 10.30-mut.

Nanortalik: 8. marts, katersortarfik nal. 15-imit 17.30-mut

Narsaq: 9. marts, katersortarfik nal. 15-imit 17.30-imut