Naalakkersuinikkut Ingerlatsinermi Immikkoortortaqarfik aktiaateqarluni ingerlatseqatigiiffinnut Namminersorlutik Oqartussanit pigineqartunik piginnittuunermut tunngatillugu Naalakkersuisunut allattoqarfiuvoq, siulersuisuni qaffasissumik sulinissamut qulakkeerinneqataalluni, Naalakkersuisullu anguniagaasa aktiaateqarluni ingerlatseqatigiiffinni Namminersorlutik Oqartussanit pigineqartuni atuutsilersinneqarsimanerinik nakkutilliineq.

Immikkoortortaqarfik aktiaateqarluni ingerlatseqatigiiffiit aningaasatigut ineriartornerannik inuiaqatigiinnullu pisussaaffiinik nakkutilliinissamik akisussaaffeqarpoq, tamatumalu saniatigut Naalakkersuisut naalakkersuisoqarfiisa akornanni Namminersorlutik Oqartussallu aktiaateqarluni ingerlatseqatigiiffiutaasa akornanni suliniutinik suleqatigiiffiusunik isumagisaqarluni.

Naalakkersuinikkut Ingerlatsinermi Immikkoortortaqarfik, siuariartornerup aamma politikikkut suliat pingaartinneqartut naammassineqarnissaasa qulakkeerneqarnissaat suliniutillu allat annertunerusut ingerlatallu politikimut attuumassutillit, aaqqissuussaaneq akimorlugu ingerlanneqartut aallaffiup pingaartillugit suliarisarpai.