AtuartigukPeqqinnissamut Naalakkersuisoqarfik
Suliniutinut allattoqarfik
2023-mi novembarimit Peqqissutsimut tunngatillugu isumaqatigiissummi suliniutit piviusunngortinneqarnissaat isumagissallugu Peqqissutsimut Naalakkersuisoqarfimmi Suliniutinut allattoqarfiup pingaarnertut suliassaraa.
Peqqinnissaqarfimmi nunanit allammiunik sulisartunik sulisussarsiornermi sinaakkutissanik pilersitsinissaq suliniutit ilaata siunertaraa. Suliniutinut allattoqarfiup tapersiissuteqarluni ingerlatsinerit eqqortut qulakkiissavai, suliniutigineqartut piviusunngortinneqarnissaat iluatsissinnaaqqullugu. Iliuuseqarnerit ingerlanerisa aamma pitsaassutsip qaffasissut assersuutigalugu akuersissuteqarnerit, ilinniarneq, sulisussarsiorneq, ilinniartitsineq, oqaatsitigut kulturikkullu paasinninneq pillugit sinaakkutit isumaginissaat, ilaatigut pineqarpoq.
Tamatuma saniatigut Peqqissutsimut Ataatsimiititaliarsuup innersuussutaanik arlalinnik 2023-mi maajimeersunik piviusunngortitsiniarluni Suliniutinut allattoqarfik suliaqarpoq.
Suliniutinut allattoqarfik utaqqiisaagallartumik suliniutinut immikkoortortaqarfittut pilersinneqarpoq, 2027-p naanerani atorunnaassalluni.
Peqqinnissaqarfimmi nunanit allammiunik sulisartunik sulisussarsiornermi sinaakkutissanik pilersitsinissaq suliniutit ilaata siunertaraa. Suliniutinut allattoqarfiup tapersiissuteqarluni ingerlatsinerit eqqortut qulakkiissavai, suliniutigineqartut piviusunngortinneqarnissaat iluatsissinnaaqqullugu. Iliuuseqarnerit ingerlanerisa aamma pitsaassutsip qaffasissut assersuutigalugu akuersissuteqarnerit, ilinniarneq, sulisussarsiorneq, ilinniartitsineq, oqaatsitigut kulturikkullu paasinninneq pillugit sinaakkutit isumaginissaat, ilaatigut pineqarpoq.
Tamatuma saniatigut Peqqissutsimut Ataatsimiititaliarsuup innersuussutaanik arlalinnik 2023-mi maajimeersunik piviusunngortitsiniarluni Suliniutinut allattoqarfik suliaqarpoq.
Suliniutinut allattoqarfik utaqqiisaagallartumik suliniutinut immikkoortortaqarfittut pilersinneqarpoq, 2027-p naanerani atorunnaassalluni.
-
Suliassaqarfiit
Suliniutinut allattoqarfiup 2023-mi novembarimit Peqqissutsimut tunngasunik isumaqatigiissummi suliassatut aalajangersakkat aamma 2023-mi maajimit Peqqissutsimut Ataatsimiititaliarsuup isumaliutissiissutaani inassuteqaatit aallaavigalugit Peqqissutsimut suliassaqarfimmi ineriartortitsinermik suliaqarneq suliniutitut aqutaq siulliullugu suliarivaa.
Tamatuma saniatigut immikkoortortaqarfiit akimorlugit suleqatigiinneq pillugu suliassat assigiinngitsut Suliniutinut allattoqarfiup isumagisarai. Tassami peqqinnissaqarfiup ataavartumik malunnartumillu inuit peqqissuunissaasa nukittorsarnissaa kisiat suliarinngilaa. Inuiaqatigiit ilaanni allarpassuarni, soorlu ilinniartitaanermi, ineqarnermi, attaveqaasersuutini, isumaginninnermut tunngasuni aamma kommunit peqqinnissaqarfiullu akornanni suleqatigiinnermi peqqissutsip ilanngullugu eqqarsaatiginissaa pisariaqarpoq.
Peqqinnissaq pillugu Ataatsimiititaliarsuaq
2020-mi septembarimi Naalakkersuisut Peqqinnissaq pillugu ataatsimiititaliarsuaq pilersippaat, peqqinnissaqarfimmi ingerlatsinerup naleqqussarnissaanut pitsanngorsarnissaanullu innersuussutinik suliaqarnissaq siunertarineqarluni, matumani ilanngullugit peqqinnissaqarfiup ataatsimut aaqqissuussaanera, sulisussarsiortarnera sulisullu tigummiinnarnissaannut kiisalu Danmarkimiit nunanillu allanit suleqateqarneq pillugu innersuussinerup suliarineqarnissaat.
2023-mi majimi Peqqissutsimut Ataatsimiititaliarsuup isumaliutissiissutini tamanut saqqummiuppaa, tamakkerluni atuarneqarsinnaasoq uani.
Peqqissutsimut Ataatsimiititaliarsuup isumaliutissiissutaata tamanut saqqummiunneqarnera annerusumik atuaruk uani
Peqqissutsimut Ataatsimiititaliarsuup isumaliutissiissutaa tunuliaqutaralugu peqqinnissaqarfimmut tunngatillugu isumaqatigiissuteqarnissaq pillugu Naalakkersuisut tulliullugu Inatsisartuni partiit isumaqatigiinniarneri aallartippaat. Ukiunut qulinut tulliuttunut Peqqissutsimut tunngasunik isumaqatigiissut pillugu partiit Inuit Ataqatigiit, Siumut, Naleraq aamma Atassut 2023-mi novembarimi politikkikkut isumaqatigiissuteqarput. Siunissami peqqinnissaqarfiup ineriartornissaanut sinaakkusiussat isumaqatigiissuteqarnerup qulakkeerpai.
-
Qiterpaarnerani nalunaarusiaq
Peqqinnissaq pillugu Ataatsimiititaliarsuaq marsimi 2022-imi nalunaarusiaagallartumik saqqummersitsipput, tassani ataatsimiisitaliarsuup maluginiarsimasaat isumaliutaallu saqqummiunneqarlutik.
Nalunaarut uani atuarneqarsinnaavoq.