AtuartigukPeqqinnissaq pillugu Ataatsimiititaliarsuup innersuussutini saqqummiuppai
- sulisussarsiortarnermik ilinniagaqarnermik, peqqinnerulersitsiniarnermik kiisalu atuisunik peqataanerutitsinissamik qitiutitsivoq.
Nassiussisuuvoq:
Peqqinnissaq pillugu Ataatsimiititaliarsuup isumaliutissiissutini ataasinngornermi ulloq 22.maaji 2023 tusagassiortunik katersortitsinermi saqqummiuppaa.
Tusagassiortunik katersortitsineq toqqaannartumik aallakaatinneqarpoq uanilu takuneqarsinnaalluni
Peqqinnissaq pillugu Ataatsimiititaliarsuup isumaliutissiissutaa uani atuarneqarsinnaavoq
Ulrik Blidorf, Peqqinnissaq pillugu Ataatsimiititaliarsuarmi siulittaasoq ima oqarpoq:
”Peqqinnissaq pillugu Ataatsimiititaliarsuup massakkut isumaliutissiissutini Naalakkersuisunut tamanullu saqqummiussimalerpaa. Neriuppunga peqqinnissaqarfimmi pingaarnersiuineq pitsanngorsaanerlu pillugit oqallinnermut iluaqutaasinnaassasoq. Innuttaasunut tamanut iluaqutaasumik pitsaanerusumik peqqinnissaqarfimmik peqassagutta iliuuseqartoqarnissaa pisariaqartipparput."
Peqqinnissaq pillugu Ataatsimiititaliarsuup innersuussutai
Peqqinnissaq pillugu Ataatsimiititaliarsuup isumaliutissiissutaa peqqinnissaqarfimmi pingaarnerpaat ilaannik erseqqissaavoq aammalu pitsanngorsaatissatut naleqqussaatissatullu innersuussutit 100-t sinnerlugit saqqummiunneqarlutik. Innersuussutit aningaasaqarnikkut periarfissat pioreersut aallaavigalugit innersuusiortoqassasoq Ataatsimiititaliarsuaq peqquneqarsimavoq. Taamaattumik aallartinneqarsinnaasut aningaasaqarnikkullu pingaarnersiorneqarsinnaasut piviusorsiortumik innersuusiorfigineqarput.
Ulrik Blidorf, Peqqinnissaq pillugu Ataatsimiititaliarsuarmi siulittaasoq ima oqarpoq:
“Oqaluttuarisaaneq eqqarsaatigalugu peqqinnissaqarfipput tatineqarpoq. Peqqinnissakkut sullissisut piginnaasaqarluartut amigaataapput sulisullu amerlavallaat piffissami sivikitsuinnarmi atorfeqartarput. Ikippallaat ilinniakkamik peqqinnissamut tunngasumik toqqaasarput naammassinnittarlutillu. Tamatuma peqatigisaanik innuttaasut peqqinnissaqarfiup sullissineranut naatsorsuutaat piumasaallu qaffakkiartorput. Innuttaasut katitigaanikkut ineriartornerisa kingunerisaanik siunissami utoqqaat amerlanerulissapput inuussutissarsiorsinnaasutullu ukiullit ikiliartorlutik. Aningaasaqarnikkut atugassiissutit killeqareerput sulisoqarniarnikkullu ilungersunartorsiornerit suli ajornerulissapput. Peqqinnissaq pillugu Ataatsimiititaliarsuup 100-t sinnerlugit innersuussutai soorunami ataatsikkut aallartinneqarsinnaanngillat, taamaattorli peqqinnissaqarfimmik pitsanngorsaanissamut tamarmik pisariaqarput.”
Peqqinnissaq pillugu Ataatsimiititaliarsuup innersuussutaasa ilamerngi immikkoortumi ataaniipput.
Peqqinnissaqarfimmi sulisussarsiortarneq sulisullu sulisoriinnarnissaat unammillernarnerpaat ilagaat. Taamaattumik nunanit allanit (Kalaallit Nunaata EU-llu avataanit) nakorsanik sulisussarsiornerunissaq Peqqinnissaq pillugu Ataatsimiititaliarsuarmit innersuussutigineqarpoq. Ilaatigut sulinermik ineriartortitsinissamut periarfissat, sulisunik aqutsinermik ilaatitsineq aammalu sulisut aallartilluarnissaannik ingerlatsinerit aqqutigalugit peqqinnissaqarfimmi suliinnarnissamik pilerinarsaanerunikkut pitsaanerusumik sulisunik atorfeqartuartitsinissaq qulakkeerneqassaaq.
Siunissami sulisoqarniarneq pitsanngorsaaffiginiarlugu peqqinnissamut tunngatillugu ataqatigiissumik ilinniartitaanikkut pilersaarusiortoqartariaqarpoq (tassunga ilanngullugit piginnaanngorsaaneq ilinniartitseqqinnerlu) kiisalu inuusuttut ilinniakkamik peqqinnissamut tunngasunut kajungilersinniarnissaannut ilinniarnissaannullu periusissiortoqartariaqarluni. Pisuusaartitsinermik tunngaveqarluni ilinniartitsisoqarluni piviusorpaluttumik atuaatigaluni sungiusartoqarnerusoqartariaqarpoq, ilaatigut illumik sungiusartarfimmik taaneqartunik pilersitsinikkut.
Peqqinnissaqarfiup kommunillu akornanni pitsaanerusumik suleqatigiittoqarnissaanut periarfissaqarluartoq Peqqinnissaq pillugu Ataatsimiititaliarsuarmit nalilerneqarpoq, tamannalu napparsimasunut innuttaasunullu assut iluaqutaassaaq. Taamaattumik suliassaqarfinni assigiinngitsuni akisussaaffimmik agguaanermut, tassunga ilanngullugit pinaveersaartitsinermut peqqinnerulersitsiniarnermullu, utoqqarnik susassaqarfimmut, piginnaanngorsaqqiinermut kiisalu tarnikkut napparsimasunik sullissinermut tunngatillugu qulaajaasoqarnissaa Peqqinnissaq pillugu Ataatsimiititaliarsuarmit innersuussutigineqarpoq. Kommuninut peqqinnissaqarfimmullu ataatsimut ataqatigiissarneqartumik suleqatigiiffimmik pilersitsisoqassasoq Ataatsimiititaliarsuarmit aamma siunnersuutigineqarpoq, tassami nuna tamakkerlugu unammilligassarpassuit assigiiaarmata.
Peqqinnissaq pillugu Ataatsimiititaliarsuarmit innersuussutigineqarpoq arlaannaanulluunniit attuumassuteqanngitsunik peqqinnissatigut siunnersuisoqatigiinnik pilersitsisoqassasoq, taakku peqqinnissaqarfimmi ineriartornermik malinnaallutillu nalilersuisassapput kiisalu pitsanngorsaatissanik periarfissanilluunniit nutaanik tikkuaasassallutik. Taamaaliornikkut ataatsimiititaliarsuup innersuussutai kiisalu peqqinnissaqarfimmut periusissiat assigiinngitsut malitseqartinneqarnissaat qulakkeerneqassaaq.
Peqqinnissaqarfik inuiaqatigiinni suliffeqarfiit pingaarnerpaat ilagaat taannalu atuisut sulisullu akornanni atassuteqarluarnissamut tunngaviuvoq. Taamaattumik napparsimasunik atuisunillu peqataatitsinissaq annerusumik pingaarnersiorneqartariaqarpoq. Taamaattumik nittartakkakkut attaveqaatit oqallittarfiillu allat aqqutigalugit innuttaasunik oqaloqateqarnerup pitsanngorsarneqarnissaa innersuussutigineqarpoq.
Peqqinnissaqarfimmik nutarterinermi aammalu peqqinnissakkut sullissinermi naligiimmik sullinneqarnissamut periarfissat eqqarsaatigalugit qarasaasiakkut nakorsiartitsinermik atuinerulerneq sakkussaavoq pingaarutilik. Taamaattumik qarasaasiakkut nakorsiartitsisarnermi aaqqiissutit sutigut tamatigut siammarnissaat tamaviaarullugu sulissutigineqartariaqarpoq. Aaqqiissutinik sulissuteqarnermi piginnaasat pisariaqartut ineriartortinneranni sulisut suleriaasianni aaqqissugaasumik ilanngunneqarnissaat ilanngullugit eqqarsaatigineqassapput.
Peqqinnissaqarfik amerlasuutigut paasissutissanik amigaateqarpoq, tamannalu paasissutissat tutsuiginartut pissarsiariuminartullu tunngavigalugit iliuuseqartoqarsinnaannginnera pingaarnersiuisoqarsinnaannginneralu pissutigalugit peqqinnissaqarfimmi ulluinnarni aqutsinermut kigaallassaataavoq. Taamaattumik napparsimasut, aningaasaqarneq sulisoqarnerlu pillugit paasissutissanik ajornannginnerusumik aqutsisunit pissarsiarineqarsinnaasut iluaqutigalugit paasissutissat tunngavigalugit aamma ammasumik peqqinnissaqarfik ingerlanneqarnerussasoq Peqqinnissaq pillugu Ataatsimiititaliarsuarmit innersuussutigineqarpoq.
Attaviginninneq
Peqqinnissaq pillugu Ataatsimiititaliarsuaq 2020-mi upernaakkut Naalakkersuisuinit pilersinneqarpoq. Ataatsimiititaliarsuup innersuussutai peqqinnissaqarfimmi aaqqissuusseqqinnissamut tunngavissaapput.
Paasisaqarnerorusukkuit Peqqinnissaq pillugu Ataatsimiititaliarsuup allatseqarfia e-mailikkut ugguuna mhol@nanoq.gl imaluunniit oqarasuaatikkut ugguuna attaveqarfigineqarsinnaavoq. + 299 345527
Ulrik Blidorf
Peqqinnissaq pillugu Ataatsimiititaliarsuarmi siulittaasoq
Tusagassiortunik katersortitsineq toqqaannartumik aallakaatinneqarpoq uanilu takuneqarsinnaalluni
Peqqinnissaq pillugu Ataatsimiititaliarsuup isumaliutissiissutaa uani atuarneqarsinnaavoq
Ulrik Blidorf, Peqqinnissaq pillugu Ataatsimiititaliarsuarmi siulittaasoq ima oqarpoq:
”Peqqinnissaq pillugu Ataatsimiititaliarsuup massakkut isumaliutissiissutini Naalakkersuisunut tamanullu saqqummiussimalerpaa. Neriuppunga peqqinnissaqarfimmi pingaarnersiuineq pitsanngorsaanerlu pillugit oqallinnermut iluaqutaasinnaassasoq. Innuttaasunut tamanut iluaqutaasumik pitsaanerusumik peqqinnissaqarfimmik peqassagutta iliuuseqartoqarnissaa pisariaqartipparput."
Peqqinnissaq pillugu Ataatsimiititaliarsuup innersuussutai
Peqqinnissaq pillugu Ataatsimiititaliarsuup isumaliutissiissutaa peqqinnissaqarfimmi pingaarnerpaat ilaannik erseqqissaavoq aammalu pitsanngorsaatissatut naleqqussaatissatullu innersuussutit 100-t sinnerlugit saqqummiunneqarlutik. Innersuussutit aningaasaqarnikkut periarfissat pioreersut aallaavigalugit innersuusiortoqassasoq Ataatsimiititaliarsuaq peqquneqarsimavoq. Taamaattumik aallartinneqarsinnaasut aningaasaqarnikkullu pingaarnersiorneqarsinnaasut piviusorsiortumik innersuusiorfigineqarput.
Ulrik Blidorf, Peqqinnissaq pillugu Ataatsimiititaliarsuarmi siulittaasoq ima oqarpoq:
“Oqaluttuarisaaneq eqqarsaatigalugu peqqinnissaqarfipput tatineqarpoq. Peqqinnissakkut sullissisut piginnaasaqarluartut amigaataapput sulisullu amerlavallaat piffissami sivikitsuinnarmi atorfeqartarput. Ikippallaat ilinniakkamik peqqinnissamut tunngasumik toqqaasarput naammassinnittarlutillu. Tamatuma peqatigisaanik innuttaasut peqqinnissaqarfiup sullissineranut naatsorsuutaat piumasaallu qaffakkiartorput. Innuttaasut katitigaanikkut ineriartornerisa kingunerisaanik siunissami utoqqaat amerlanerulissapput inuussutissarsiorsinnaasutullu ukiullit ikiliartorlutik. Aningaasaqarnikkut atugassiissutit killeqareerput sulisoqarniarnikkullu ilungersunartorsiornerit suli ajornerulissapput. Peqqinnissaq pillugu Ataatsimiititaliarsuup 100-t sinnerlugit innersuussutai soorunami ataatsikkut aallartinneqarsinnaanngillat, taamaattorli peqqinnissaqarfimmik pitsanngorsaanissamut tamarmik pisariaqarput.”
Peqqinnissaq pillugu Ataatsimiititaliarsuup innersuussutaasa ilamerngi immikkoortumi ataaniipput.
Peqqinnissaqarfimmi sulisussarsiortarneq sulisullu sulisoriinnarnissaat unammillernarnerpaat ilagaat. Taamaattumik nunanit allanit (Kalaallit Nunaata EU-llu avataanit) nakorsanik sulisussarsiornerunissaq Peqqinnissaq pillugu Ataatsimiititaliarsuarmit innersuussutigineqarpoq. Ilaatigut sulinermik ineriartortitsinissamut periarfissat, sulisunik aqutsinermik ilaatitsineq aammalu sulisut aallartilluarnissaannik ingerlatsinerit aqqutigalugit peqqinnissaqarfimmi suliinnarnissamik pilerinarsaanerunikkut pitsaanerusumik sulisunik atorfeqartuartitsinissaq qulakkeerneqassaaq.
Siunissami sulisoqarniarneq pitsanngorsaaffiginiarlugu peqqinnissamut tunngatillugu ataqatigiissumik ilinniartitaanikkut pilersaarusiortoqartariaqarpoq (tassunga ilanngullugit piginnaanngorsaaneq ilinniartitseqqinnerlu) kiisalu inuusuttut ilinniakkamik peqqinnissamut tunngasunut kajungilersinniarnissaannut ilinniarnissaannullu periusissiortoqartariaqarluni. Pisuusaartitsinermik tunngaveqarluni ilinniartitsisoqarluni piviusorpaluttumik atuaatigaluni sungiusartoqarnerusoqartariaqarpoq, ilaatigut illumik sungiusartarfimmik taaneqartunik pilersitsinikkut.
Peqqinnissaqarfiup kommunillu akornanni pitsaanerusumik suleqatigiittoqarnissaanut periarfissaqarluartoq Peqqinnissaq pillugu Ataatsimiititaliarsuarmit nalilerneqarpoq, tamannalu napparsimasunut innuttaasunullu assut iluaqutaassaaq. Taamaattumik suliassaqarfinni assigiinngitsuni akisussaaffimmik agguaanermut, tassunga ilanngullugit pinaveersaartitsinermut peqqinnerulersitsiniarnermullu, utoqqarnik susassaqarfimmut, piginnaanngorsaqqiinermut kiisalu tarnikkut napparsimasunik sullissinermut tunngatillugu qulaajaasoqarnissaa Peqqinnissaq pillugu Ataatsimiititaliarsuarmit innersuussutigineqarpoq. Kommuninut peqqinnissaqarfimmullu ataatsimut ataqatigiissarneqartumik suleqatigiiffimmik pilersitsisoqassasoq Ataatsimiititaliarsuarmit aamma siunnersuutigineqarpoq, tassami nuna tamakkerlugu unammilligassarpassuit assigiiaarmata.
Peqqinnissaq pillugu Ataatsimiititaliarsuarmit innersuussutigineqarpoq arlaannaanulluunniit attuumassuteqanngitsunik peqqinnissatigut siunnersuisoqatigiinnik pilersitsisoqassasoq, taakku peqqinnissaqarfimmi ineriartornermik malinnaallutillu nalilersuisassapput kiisalu pitsanngorsaatissanik periarfissanilluunniit nutaanik tikkuaasassallutik. Taamaaliornikkut ataatsimiititaliarsuup innersuussutai kiisalu peqqinnissaqarfimmut periusissiat assigiinngitsut malitseqartinneqarnissaat qulakkeerneqassaaq.
Peqqinnissaqarfik inuiaqatigiinni suliffeqarfiit pingaarnerpaat ilagaat taannalu atuisut sulisullu akornanni atassuteqarluarnissamut tunngaviuvoq. Taamaattumik napparsimasunik atuisunillu peqataatitsinissaq annerusumik pingaarnersiorneqartariaqarpoq. Taamaattumik nittartakkakkut attaveqaatit oqallittarfiillu allat aqqutigalugit innuttaasunik oqaloqateqarnerup pitsanngorsarneqarnissaa innersuussutigineqarpoq.
Peqqinnissaqarfimmik nutarterinermi aammalu peqqinnissakkut sullissinermi naligiimmik sullinneqarnissamut periarfissat eqqarsaatigalugit qarasaasiakkut nakorsiartitsinermik atuinerulerneq sakkussaavoq pingaarutilik. Taamaattumik qarasaasiakkut nakorsiartitsisarnermi aaqqiissutit sutigut tamatigut siammarnissaat tamaviaarullugu sulissutigineqartariaqarpoq. Aaqqiissutinik sulissuteqarnermi piginnaasat pisariaqartut ineriartortinneranni sulisut suleriaasianni aaqqissugaasumik ilanngunneqarnissaat ilanngullugit eqqarsaatigineqassapput.
Peqqinnissaqarfik amerlasuutigut paasissutissanik amigaateqarpoq, tamannalu paasissutissat tutsuiginartut pissarsiariuminartullu tunngavigalugit iliuuseqartoqarsinnaannginnera pingaarnersiuisoqarsinnaannginneralu pissutigalugit peqqinnissaqarfimmi ulluinnarni aqutsinermut kigaallassaataavoq. Taamaattumik napparsimasut, aningaasaqarneq sulisoqarnerlu pillugit paasissutissanik ajornannginnerusumik aqutsisunit pissarsiarineqarsinnaasut iluaqutigalugit paasissutissat tunngavigalugit aamma ammasumik peqqinnissaqarfik ingerlanneqarnerussasoq Peqqinnissaq pillugu Ataatsimiititaliarsuarmit innersuussutigineqarpoq.
Attaviginninneq
Peqqinnissaq pillugu Ataatsimiititaliarsuaq 2020-mi upernaakkut Naalakkersuisuinit pilersinneqarpoq. Ataatsimiititaliarsuup innersuussutai peqqinnissaqarfimmi aaqqissuusseqqinnissamut tunngavissaapput.
Paasisaqarnerorusukkuit Peqqinnissaq pillugu Ataatsimiititaliarsuup allatseqarfia e-mailikkut ugguuna mhol@nanoq.gl imaluunniit oqarasuaatikkut ugguuna attaveqarfigineqarsinnaavoq. + 299 345527
Ulrik Blidorf
Peqqinnissaq pillugu Ataatsimiititaliarsuarmi siulittaasoq