AtuartigukPeqqinnissamut Naalakkersuisoqarfik
Siunnersuisooqatigiit aamma inatsisit
Siunnersuisooqatigiinnut aamma inatsisinut immikkoortortaqarfik tassaavoq Naalakkersuisoqarfiup inatsisinut tunngassutilinnut tamanut immikkoortortaqarfia. Immikkoortortaqarfimmit Naalakkersuisoq inatsisitigut suliassanik siunnersorneqartarpoq immikkoortortaqarfinnullu allanut attaveqartarluni.
-
Suliassaqarfiit
Immikkoortortami Inatsisit peqqinnissaqarfimmut tunngasut nunatsinnut utertinneqarnikut suliarineqartarput kiisalu danskit oqartussaqaffiinut assigusunut ataqatigiissaarneqartarlutik. Naalakkersuisut takorluugaat kiisalu inatsisartut akuerisimasaat tunngavigalugit inatsisit suliarineqartarput.
Suliffeqarfinnut aamma inunnut Imigassanut aalakoornartortalinnut tuniniaanissamut sassaallernissamullu akuersissutilinut nakkutilliineq immikkoortortaqarfimmit ingerlanneqartarpoq.
Naalakkersuisut kissaataat naapertorlugit, peqqinnissaqarfimmut attuumassuteqartut pitsanngornissaat nunallu iluani assigiimmik maleruagassaqarnissaq qulakkeerumallugu immikkoortortaqarfik peqqissutsimut suliaqartunut suleqatigiissitani peqataasarpoq.