Aningaasaqarnermut Naligiissitaanermullu Naalakkersuisoq aamma Naalakkersuisut politikikkut sullinneqarnerat, aamma nuna tamakkerlugu (sanaartorfissanik) pilersaarusiortarnermut tunngasut, nunatsinnilu nunaminertanik ingerlatsineq pillugu sullissineq. Nuna tamakkerlugu pilersaarusiortarnermut immikkoortortaqarfik pisortaqarfiup ataani makku ingerlatsinerit suliarisarpai:

• Maalaarutit, tassunga ilanngullugit maalaaruteqartut amerlassusiisa nalunaarusiorneri aamma kommuninut tunngasunik malitseqartitsinerit.
• Suliat Ombudsmandimut tunngasut.
• ”Kommuninut pilersaarusiornermi Namminersorlutik Oqartussat soqutigisaanut takussutissiaq” nutartertarnera.
• Asimi nunaminertanik atugassanngortitsisarnerni tusarniaanermut akissutit. 
• Nunami allanngutsaaliukkami nunaminertanik akuersissusiortarneq.
• Sanaartorfissanik pilersaarusiorneq pillugu inatsisinik kommuninut tamakkiisunik siunnersuisarneq.
• Kommunini sanaartorfissanik pilersaarusiornerit pillugit misissuineq aamma tusarniutaasunik akissuteqartarneq.  
• Inatsisinut allanut tusarniutigineqartunut akissuteqartarneq. 
• Naalakkersuisunut aamma Namminersorlutik oqartussani pisortaqarfinnut allanut sanaartorfissanik pilersaarusiorneq nunaminertanillu inatsiseqarneq pillugu siunnersuisarneq ilitsersuisarnerlu.
• Kommunit sanaartorfissanik pilersaarusiornermut tunngasunut pisortaqarfiinik nakkutilliiartortarneq.

Aningaasaqarnermut Naligiissitaanermullu Naalakkersuisumut tamakkiisutigut nammaqatigiissumik ineriartorneq pillugu politikikkut siunnersuineq. Agenda 2030 – Naalagaaffiit peqatigiit nammaqatigiissumik ineriartorneq pillugu nunarsuarmut anguniagai 17-it – tassaapput nunatsinni ataatsimoorussamik siunnerfeqarneq aamma ataqatigiinneq qulakkeerniarlugu nuna tamakkerlugu pilersaarusiortarnermut sakkussat pingaaruteqartut,– aamma politiki atorneqartup naalakkersuisoqarfiit akisussaaffeqarfiillu akimorlugit ataavartumik nakkutiginissaat aamma malitseqartitsiffigisarnissaat. 

Nuna tamakkerlugu pilersaarusiortarnermut immikkoortortaqarfik tamakkiisutigut nammaqatigiissumik ineriartortitsinermi sammisaqarfiusuni nunami, nunani avannarlerni aamma nunarsuarmi tamani suleqatigiinni ataqatigiiaanilu peqataasarpoq, taassuma ataani:

• Nunani avannarlerni nammaqatigiissumik ineriartortitsinermut immikkut ilisimasallit peqatigiit.

Aningaasaqarnermut Naligiissitaanermullu Naalakkersuisoq aamma Naalakkersuisut tamakkiisut politikikkut sullinneri pisortaqarfitsigut sammisaqarfiusunut, nunamik assiliornermut aamma nunap sannaa pillugu paasissutissanik tunngasunik (sumiiffinnut aalajangersimasunik paasissutissat). Nunap assingi pillugit suliaq pisortaqarfitsigut Kalaallit Nunaata aamma Danmarkip akornani avinneqarsimavoq. Namminersorlutik Oqartussat akisussaaffigaat illoqarfiit nunaqarfiillu nunap assiliornissaat, Danmarkilli akisussaaffigalugu illoqarfiit nunaqarfiillu avataaniittut asimiittut nunap assiliornissai.   

Nuna tamakkerlugu pilersaarusiortarnermut immikkoortortaqarfiup ilaatigut makku nunap assinginut aamma nunap sannaanut paasissutissanut tunngasunut ingerlatsinermut suliassat akisussaaffigai:

• Maalaaruteqartarnermut suliassat – ingammik najugarisat nalunaarsornerinut  tunngasut.
• EA (Enterprise Agreement) pillugu pisortat ataatsimoorlutik nunap sannaa pillugu qarasaasiamut software Esri-minngaanneersoq pisiarinissaanut nunat akornanni isumaqatigiissummik ataqatigiissaarineq. 
• Nunap sannaanut tunngasunik suliaqarnermik aamma aalajangersimasumik sumiissusersisamik paasissutissanik kommuninut siunnersuineq, tassunga ilanngullugu tunngaviusumik paasissutissanik sulinermut tunngasunik ilitsersuineq.
• Nuna tamakkerlugu nunap sannaanut tunngasunut nittartakkatigut isaariaq NunaGIS ingerlanneqarnera.
• Nunap assiliornermut aamma nunap sannaanut tunngasunut apeqqutinut Naalakkersuisunut aamma Naalakkersuisut pisortaqarfiinut siunnersuineq ilitsersuinerlu.
• Kommunit nunap sannaanik- aamma najukkanik nalunaarsuinermik pisortaqarfiinik nakkutilliiartortarneq.

Inuiaqatigiit digitalinngoriartornerisa ilutigisaanik nutaanik nuna pillugu ilisimasaqarnermut paasissutissanik allatut atuinissamik periarfissaqalerpoq  – taamaattumik nunatsinni aamma nunani allarpassuarni nunap sannaanut tunngasunut paasisaqarnissaq atuinissamillu ineriartortitsinissamik soqutiginninneq annertusiartorpoq. Nunap sannaanut tunngasut tassaapput nunap assingi, najugarisanut paasissutissat, sumiiffiit aqqi, piniariarfiit, sumiiffiit illersorneqartut, kommunit pilersaarutaat il.il.

Paasissutissat nunap sannaanut tunngasunut katersorneqartarput digitalimillu nunap sannaanik paasissutissanut aaqqissuussamik takutinneqartarlutik, taaneqartartumik GIS. Kalaallit Nunaata nunap sannaanut tunngasunut nittartakkatigut isaariaa taaneqartarpoq NunaGIS.

Nuna tamakkerlugu pilersaarusiortarnermut immikkoortortaqarfiup nunap sannaanut tunngasunut paasissutissat pingaartitarai, ataavartumillu inerniliussanik suliaqartarluni, nuna tamakkerlugu nunatsinni pilersaarusiornermut naapertuuttumik.

Nuna tamakkerlugu pilersaarusiortarnermut immikkoortortaqarfik pisortatigut nunap assiliornernut aamma nunap sannaanut tunngasunut nunami, nunani avannarlerni aamma nunarsuarmi tamani suleqatigiinni ataqatigiiaanilu peqataasarpoq.