Nannut pillugit nalunaarut nutaaq Naalakkersuisunit akuerineqartoq arlalippassuarnik pingaarutilinnik allannguuteqarpoq

Nannunik piniarneq illersuinerlu pillugit Namminersorlutik Oqartussat nalunaarutaat 14. sep-tember 2018-imeersoq Aalisarnermut Piniarnermullu Naalakkersuisoqarfimmit nutarterneqar-poq, taamaammat nalunaarut nutaaq nutartigaq Naalakkersuisunit marsip 6-anni 2023-mi akuerineqarpoq.

Nannunik piniarneq illersuinerlu pillugit nalunaarut piffissami decembarip 16-iannit 2022 janu-aarip 20-at 2023 ilanngullugu tamanut tusarniutigineqarpoq.

Nalunaarummi allannguutit ilassutillu pingaarnersiorlugit ukuupput:

• Tunup Kujataani nanoqatigiit nutaat nalunaarummut ilanngunneqarput, taamatullu uumasoqatigiit killeqarfiinut takussutissiamut ilanngunneqarlutik. Nanoqatigiit nutaat eqqissisimatitaapput.
• Piniarnertaqanngitsumik akiliisitsilluni nannunik takornariartitsineq nalunaarummut ilanngunneqarpoq, taamaaliornikkullu inuussutissarsiummik nutaamik periarfissatut ammaassisoqarpoq. Tamanna taamaallaat inunnut Kalaallit Nunaanni nunaqavis-sunut tassungalu akuersissuteqartunut imaluunniit koncessioneqartunut periarfis-saalerpoq.
• Nannunut ajornartorsiutaasunut malittarisassat pisariinnerulerput, taamaammallu nannumik ajornartorsiutaasumik toqutsisoqassappat Naalakkersuisoqarfimmiit akuer-sissummik peqqaarnissaq pisariaqarunnaarpoq. Taamaakkaluartoq nannunik inoqar-finnut qaninngoortunik inoqarfinnit qimaatitsiniarnerni tamani Naalakkersuisoqarfik su-li attavigineqartassaaq.
• Nanoq ajornartorsiutaasutut nalilerneqartoq inuussutissarsiutigalugu piniartumit atuut-tumik akuersissutilimmit toqunneqarsinnaappat nannuttup pigiinnassavaa.
• Nannut ajornartorsiutaasut pillugit malittarisassat nutaat arnavissanut piaralinnut atuutinngillat.
• Piniartut ilisimasaat Naalakkersuisut ukiumoortumik nannuttassiissutinik aalajangiisar-nerinut atatillugit ilanngunneqarpoq, taamaammat tamanna aamma isiginiarneqarta-lissaaq.
• Nanoqatigiit killeqarfeqarnerat akimorlugu piniartoqaqqusaanngitsoq ilanngunneqar-poq.
• Kommunip allaffiata imaluunniit nunaqarfimmi kommunip allaffiata matoqqanerani nannuttanik tuniniaasoqarsinnaalerpoq, ammaqqinnerani ingerlaannartumik pisamik nalunaaruteqartoqarpat.
• Kommunit ningerneq pillugu ileqqoreqqusaliorsinnaalerput.
• Ilisimatusarnermik misissuinernut atatillugit assiliinissamut/filmiliornissamut immikkut akuersissuteqartoqarsinnaanissaa periarfissaalerpoq.

Aalisarnermut Piniarnermullu Naalakkersuisup Karl Tobiassenip nannunik piniarneq illersuiner-lu pillugit nalunaarummi pingaarutilinnik allannguuteqartoq nuannaarutigaa.

Nalunaarummi nutaami piniartut ilisimasaat ilanngunneqarnerat ajunngilluinnarpoq, Naalak-kersuisut taamaalillutik ukiumoortumik nannuttassiissutinik aalajangiisarnerini tamanna aam-ma isiginiassavaat, Aalisarnermut Piniarnermullu Naalakkersuisoq Karl Tobiassen erseqqissaavoq.

Nannunik piniarneq illersuinerlu pillugit nalunaarut nutaaq taaneqareersutut ullormi marsip 6-anni 2023-mi Naalakkersuisunit akuerineqarpoq ullormilu marsip 7-anni 2023-mi atuutilersin-neqarluni.

Sukumiinerusumik paasisaqarusukkaanni immikkoortortaqarfimmi pisortamut Amalie Jessen-mut saaffiginnittoqarsinnaavoq, tlf. 345304 aamma mail amalie@nanoq.gl