AtuartigukAkeqanngitsumik ajunngitsorsiat aningaasarsiatut A-tut akileraarusersorneqalissapput
Nassiussisuuvoq: Aningaasaqarnermut Naligiissitaanermullu Naalakkersuisoqarfik
Inatsisartunit aalajangerneqarpoq, akeqanngitsumik ajunngitsorsiat akileraaruserneqartarnerat allanngortinneqassasoq.Tamanna Inatsisartut inatsisaanni nr. 11, 1. december 2021-meersumi takuneqarsinnaavoq.
Ukioq aningaasarsiorfik 2023 aallarnerfigalugu, akeqanngitsumik biileqartitaaneq, akiliunneqarluni angalanerit, akeqanngitsumik oqarasuaateqarneq, akeqanngitsumik internetseqarneq, akeqanngitsumik nerisaqarneq, akeqanngitsumik inisimatinneqarneq aammalu akeqanngitsumik ineqartitaaneq il.il, sulisitsisumiit atorfeqartitanut atugassiissutigineqartut akileraarusersorneqarnerat allanngortinneqassapput.
Januaarip aallaqqaataani 2023-miit, akeqanngitsumik ajunngitsorsiat immikkut ittumik akileraarusersorneqalissapput. Tamanna ima isumaqarpoq, akeqanngitsumik ajunngitsorsiat isertitatut B-niit isertitatut A-ngorlugit allanngortinneqassammata.
Allannguutip matuma kingunerissavaa, ajunngitsorsiat sulisitsisumiit atugassiissutigineqartut qaammatikkaartumik aningaasarsiatut A-tut sulisitsisup nalunaarutigisalissammagit, maannakkutuut aningaasarsiatut B-tuungitsoq.
Allannguinermut pingaarnertut, assigiinnerusumik akileraarusersuinissaq siunertarineqarpoq, tassa aningaasarsiat aammalu akeqanngitsumik ajunngitsorsiat assigiimmik isertitatut A-tut akileraarusersorneqartalernerisigut pissaaq. Tamatuma saniatigut pineqartut nalingi inatsimmut ilanngunneqarmata taakkulu ukiukkaartumik naleqqussarneqartalissapput.
Innuttaasutut tamanna ilinnut qanoq isumaqarpa?
Innuttaasutut siumut (missingersuilluni) nalunaarsuinermi akeqanngitsumik ajunngitsorsiatit nalunaarsortarunnaassagakkit, taamatuttaaq nammineerluni nalunaarsuinermi aningaasarsiatut B-tut nalunaarutigisarunnaassavatit. Innuttaasutulli maluginiassavat akeqanngitsumik ajunngitsorsiatit sulisitsisunnit ingerlaannartumik akileraarusersorneqarnersut. Taamaattoqanngippat nammineerlutit, nammineerluni nalunaarsuiffimmut nalingi nalunaarutigissavatit.
Ukioq aningaasarsiorfik 2023 aallarnerfigalugu, akeqanngitsumik biileqartitaaneq, akiliunneqarluni angalanerit, akeqanngitsumik oqarasuaateqarneq, akeqanngitsumik internetseqarneq, akeqanngitsumik nerisaqarneq, akeqanngitsumik inisimatinneqarneq aammalu akeqanngitsumik ineqartitaaneq il.il, sulisitsisumiit atorfeqartitanut atugassiissutigineqartut akileraarusersorneqarnerat allanngortinneqassapput.
Januaarip aallaqqaataani 2023-miit, akeqanngitsumik ajunngitsorsiat immikkut ittumik akileraarusersorneqalissapput. Tamanna ima isumaqarpoq, akeqanngitsumik ajunngitsorsiat isertitatut B-niit isertitatut A-ngorlugit allanngortinneqassammata.
Allannguutip matuma kingunerissavaa, ajunngitsorsiat sulisitsisumiit atugassiissutigineqartut qaammatikkaartumik aningaasarsiatut A-tut sulisitsisup nalunaarutigisalissammagit, maannakkutuut aningaasarsiatut B-tuungitsoq.
Allannguinermut pingaarnertut, assigiinnerusumik akileraarusersuinissaq siunertarineqarpoq, tassa aningaasarsiat aammalu akeqanngitsumik ajunngitsorsiat assigiimmik isertitatut A-tut akileraarusersorneqartalernerisigut pissaaq. Tamatuma saniatigut pineqartut nalingi inatsimmut ilanngunneqarmata taakkulu ukiukkaartumik naleqqussarneqartalissapput.
Innuttaasutut tamanna ilinnut qanoq isumaqarpa?
Innuttaasutut siumut (missingersuilluni) nalunaarsuinermi akeqanngitsumik ajunngitsorsiatit nalunaarsortarunnaassagakkit, taamatuttaaq nammineerluni nalunaarsuinermi aningaasarsiatut B-tut nalunaarutigisarunnaassavatit. Innuttaasutulli maluginiassavat akeqanngitsumik ajunngitsorsiatit sulisitsisunnit ingerlaannartumik akileraarusersorneqarnersut. Taamaattoqanngippat nammineerlutit, nammineerluni nalunaarsuiffimmut nalingi nalunaarutigissavatit.