Naalakkersuisut Siulittaasuata Naalakkersuisoqarfia

Aqutsinissamut tunngavissami Naalakkersuisut qitiusumik allaffeqarfianni pitsaasumik ersarissumillu aqutsinissat qulakkeerniarlugit aqutsisutut suliassat pingaarnerit allaaserineqarput:

• Suliffeqarfimmi naalakkersuinikkut aqunneqartumi aqqutissiuussisarpunga
• Maligassiuisuuvunga
• Aqutsinikkut periarfissakka nalunngilakka
• Sulisut aquppakka ineriartortillugillu
• Suliffeqarfik tamaat sulininni aallaavigaara
• Avatangiisikka peqataatippakka
• Angusaqarnissaq sunniuteqarnissallu akisussaaffigaakka
• Suliassanik suliarinninnerit ineriartortitseqataaffigaakka

Aqutsinissamut tunngavissaq aqutsisutut ingerlanissamut pujorsiutitut isigineqassaaq. Tamatuma sunik naatsorsuutiginnittoqarneranik takunninnissatsinnik periarfissippaatigut aamma nammineq allallu aqutseriaatsit pillugit oqaloqatigiinnilernernut qisuariarnissanullu atorneqassaaq.

Ersarissumik piginnaasaqartumillu aqutsineq suliffimmik pilerinartumik pilersitsinissamut piumasaqaataavoq, tamatumani pitsaasumik inuuneqarnissaq angusallu qitiutinneqarlutik.

Aqutsinissamut tunngavissaq