Imarisassat tusarnaarlugit atuarlugitTasersiaq aamma Tarsartuup Tasersua pillugit neqerooruteqartitsinissamut piukkunnartussarsiorneq ulloq 24. novembari 2026 ammarneqassaaq.
Nassiussisuuvoq: Avatangiisinut, Pinngortitamut, Nukissiuutinut Ilisimatusarnermullu Naalakkersuisoqarfik
”Nukissiuutinut Naalakkersuisunngoramali qilanaarisimavara suliniummik uuminnga piukkunnartussarsiornissap ammarneqarnissaa. Suliniut nunatsinnut pingaaruteqarluinnarpoq, neriuutigaaralu suliniut aqqutigalugu erngup nukinganik atuinissamut periarfissarpassuavut annertuut iluaqutigalugit nunatsinni ineriartorneq aningaasaqarnikkullu siuariarneq pilersinneqaru-maartut.
Suliuniut sivisuumik ingerlanneqarpoq. Nalunngilara amerlasuut suliniutip inuiaqatigiinni piviusumik suliniutinngortinneqarnissaa iliuuseqarfigineqar-nisaalu utaqqigaat. Taamaattumik nuannaarutigaara maanna piukkunnartussarsiornerup aallartinnissaanut piareeratta.” Avatangiisinut, Pinngortitamut, Nukissiuutinut Ilisimatusarnermullu Naalakkersuisoq, Jørgen ”Juulut” Rosbach, oqarpoq.
2027-ip ingerlanerani ingerlatseqatigiiffiit erngup nukinganik suliniummik naammassinnissinnaanissamut teknikkikkut aningaasaqarnikkullu piginnaa-saqartut toqqarneqassapput. Ingerlatseqatigiiffiit taakku inaarutaasumik unam-milleqatigiilluni neqerooruteqartitsineq peqataaffigissavaat.
Naalakkersuisut 2025-imi decembarimi suliniummut tunngatillugu periusis-siamik Government Take-mik taaneqartartumik aalajangiipput. Government Take-mik periusissiaq erngup nukinganit nukissiorfinnut taamaallaat atuutissaaq, nukissamik atuilluni suliffissuarnut atuunnani.
Government Take-mik taallugu ilusiliaq akileraarutinik aaqqissuussinermut atuuttumut saniatigut immikkoortunik marlunnik imaqarpoq:
• Nukissamik tunisassiarineqartumik ataatsimut naatsorsorneqartumik pisuussutinik atuinermut akiliut
• Aningaasaliissuteqarnissaq piumasaqaataatinnagu piginneqataassutitigut immikkut pisinnaatitaaneq .
Immikkoortut taakku marluk neqerooruteqartitsinermi unammilleqatigiissutinut ilaatinneqassapput.
Piukkunnartussarsiornerup ammarneqarneranut atatillugu Naalakkersuisut neqe-rooruteqartitsinermi tulliuttumi unammissutigineqartussatut naatsorsuutigi-neqartunut sinaakkutissat kiisalu taakku qanoq oqimaaqatigiissinneqarnissaat aalajangersarsimavaat. Unammillersinnaanermut tunngaviit ilaatigut innuttaa-sunik ataatsimiititsinernit, Avatangiisinut, Pinngortitamut, Nukissiuutinut Ilisimatusarnermullu Naalakkersuisup 2026-mi upernaakkut aaqqissugaanit kiisalu Qeqqata Kommunianik oqaloqatiginninnernit aallaaveqarput.
Neqeroorutit unammissutigineqartunut tunngaviusut tulliuttut naapertorlugit nalilersorneqassapput, taakkulu neqerooruteqartitsinermut atortussani inaarutaa-suni kingusinnerusukkut tamanut saqqummiunneqartussani sukumiinerusumik allaaserineqassapput:
1) Government Take-mik periuseq aqqutigalugu Namminersorlutik Oqartussat isertitassaat, siunissami Namminersorlutik Oqartussat isertitassaattut naatsorsuutigineqartunut tunngasoq
2) Nukissamik atuilluni suliffissuaqarnerup najugaqarfiusunut qanittumi inissinneqarnissaa, najukkamilu aningaasaqarnerup siuarsarnissaa, siunissami innuttaasut suliffissaqarnissaat pingaartillugu, ullut tamaasa angerlarsimaffimmit suliffimmut angallassinnaanermut kiisalu najukkami ulluinnarni inuunerup attatiinnarneqarnissaanut periarfissaqartitsisoq.
3) Suliniutip piviusunngortinneqarsinnaassusaa, tassunga ilanngullugu unammisitsinermi aaqqiissutissatut siunnersuutit saqqummiunneqartut imaluunniit siunnersuutip ataatsip arlallilluunniit patajaassusaat
Piukkunnartussarsiornermut atortussat pillugit paasissutissat sukumiinerusut, tassunga ilanngullugit pitsaassutsimut piumasaqaatit, qinnuteqarnissamut killi-gititaq il.il. kingusinnerusukkut saqqummiunneqassapput.
Paasissutissat sukumiinerusut pissarsiarineqarsinnaapput pan@nanoq.gl saaffiginninnikkut.
Suliuniut sivisuumik ingerlanneqarpoq. Nalunngilara amerlasuut suliniutip inuiaqatigiinni piviusumik suliniutinngortinneqarnissaa iliuuseqarfigineqar-nisaalu utaqqigaat. Taamaattumik nuannaarutigaara maanna piukkunnartussarsiornerup aallartinnissaanut piareeratta.” Avatangiisinut, Pinngortitamut, Nukissiuutinut Ilisimatusarnermullu Naalakkersuisoq, Jørgen ”Juulut” Rosbach, oqarpoq.
2027-ip ingerlanerani ingerlatseqatigiiffiit erngup nukinganik suliniummik naammassinnissinnaanissamut teknikkikkut aningaasaqarnikkullu piginnaa-saqartut toqqarneqassapput. Ingerlatseqatigiiffiit taakku inaarutaasumik unam-milleqatigiilluni neqerooruteqartitsineq peqataaffigissavaat.
Naalakkersuisut 2025-imi decembarimi suliniummut tunngatillugu periusis-siamik Government Take-mik taaneqartartumik aalajangiipput. Government Take-mik periusissiaq erngup nukinganit nukissiorfinnut taamaallaat atuutissaaq, nukissamik atuilluni suliffissuarnut atuunnani.
Government Take-mik taallugu ilusiliaq akileraarutinik aaqqissuussinermut atuuttumut saniatigut immikkoortunik marlunnik imaqarpoq:
• Nukissamik tunisassiarineqartumik ataatsimut naatsorsorneqartumik pisuussutinik atuinermut akiliut
• Aningaasaliissuteqarnissaq piumasaqaataatinnagu piginneqataassutitigut immikkut pisinnaatitaaneq .
Immikkoortut taakku marluk neqerooruteqartitsinermi unammilleqatigiissutinut ilaatinneqassapput.
Piukkunnartussarsiornerup ammarneqarneranut atatillugu Naalakkersuisut neqe-rooruteqartitsinermi tulliuttumi unammissutigineqartussatut naatsorsuutigi-neqartunut sinaakkutissat kiisalu taakku qanoq oqimaaqatigiissinneqarnissaat aalajangersarsimavaat. Unammillersinnaanermut tunngaviit ilaatigut innuttaa-sunik ataatsimiititsinernit, Avatangiisinut, Pinngortitamut, Nukissiuutinut Ilisimatusarnermullu Naalakkersuisup 2026-mi upernaakkut aaqqissugaanit kiisalu Qeqqata Kommunianik oqaloqatiginninnernit aallaaveqarput.
Neqeroorutit unammissutigineqartunut tunngaviusut tulliuttut naapertorlugit nalilersorneqassapput, taakkulu neqerooruteqartitsinermut atortussani inaarutaa-suni kingusinnerusukkut tamanut saqqummiunneqartussani sukumiinerusumik allaaserineqassapput:
1) Government Take-mik periuseq aqqutigalugu Namminersorlutik Oqartussat isertitassaat, siunissami Namminersorlutik Oqartussat isertitassaattut naatsorsuutigineqartunut tunngasoq
2) Nukissamik atuilluni suliffissuaqarnerup najugaqarfiusunut qanittumi inissinneqarnissaa, najukkamilu aningaasaqarnerup siuarsarnissaa, siunissami innuttaasut suliffissaqarnissaat pingaartillugu, ullut tamaasa angerlarsimaffimmit suliffimmut angallassinnaanermut kiisalu najukkami ulluinnarni inuunerup attatiinnarneqarnissaanut periarfissaqartitsisoq.
3) Suliniutip piviusunngortinneqarsinnaassusaa, tassunga ilanngullugu unammisitsinermi aaqqiissutissatut siunnersuutit saqqummiunneqartut imaluunniit siunnersuutip ataatsip arlallilluunniit patajaassusaat
Piukkunnartussarsiornermut atortussat pillugit paasissutissat sukumiinerusut, tassunga ilanngullugit pitsaassutsimut piumasaqaatit, qinnuteqarnissamut killi-gititaq il.il. kingusinnerusukkut saqqummiunneqassapput.
Paasissutissat sukumiinerusut pissarsiarineqarsinnaapput pan@nanoq.gl saaffiginninnikkut.