Imarisassat tusarnaarlugit atuarlugitPlastikkinik mingutsitsineq imaanilu eqqakkat pillugit nunatta aamma EU-p suleqatigiinnertik nukittorsarpaat
Nassiussisuuvoq:
Plastikkinik mingutsitsineq imaanilu eqqakkat pillugit nunatta aamma EU-p suleqatigiinnertik nukittorsarpaat
Avatangiisinut, Pinngortitamut, Nukissiuutinut Ilisimatusarnermullu Naalakkersuisoqarfik Europa-Kommissionip Joint Research Centre-a (JRC) kiisalu ilisimatusartut pineqartumi suliaqartut peqatigalugit isumasioqatigiissitsivoq. Plastikkinik mingutsitsineq, qassutaarsiutit, imaanilu eqqakkat kiisalu nunatsinni siunissami suliniutit nukittorsarneqarnissaannut aaqqiissutissatut periarfissaasinnaasut isumasioqatigiinnermi sammineqarput.
Plastikkinik mingutsitsineq, imaanilu eqqakkat nunarsuaq tamakkerlugu avatangiisinut ajornartorsiutaapput, aamma issittup imartaanut sunniuteqarlutik. Taamaattumik Naalakkersuisut, ilisimatusarfiit nunallu tamalaat akornanni suleqatit peqatigalugit mingutsitsinaveersaarnissaq mingutsitsinerullu iliuuseqarfiginissaa nukittorsarusuppaat.
“Imartarput inuunitsinnut annertuumik pingaaruteqarpoq. Nerisatta annerpaartaat imartatsinneersuupput, tamannalu inooriaatsitsinnut ulluinnarnilu inuunitsinnut pingaaruteqarluinnarpoq. Taamaattumik plastikki imaanilu mingutsitsineq uagutsinnut ajornartorsiutaanngitsutut isigisinnaanngilarput. Ajornartorsiut tamatsinnut attuumassuteqarpoq tamattalu akisussaaffimmik tigusinitsigut suleqatigiissutigalugu iluarsiniagassaraarput,” oqarpoq Avatangiisinut, Pinngortitamut, Nukissiuutinut Ilisimatusarnermullu Naalakkersuisoq, Jørgen Rosbach.
Suliniummut tassunga atatillugu Avatangiisinut, Pinngortitamut, Nukissiuutinut Ilisimatusarnermullu Naalakkersuisoqarfik Europa-Kommissionip Joint Research Centre-a (JRC) suleqatigalugu ulluni pingasuni isumasioqatigiisitsivoq. JRC suliassaqarfinni assigiinngitsuni arlaqartuni arlaannaannulluunniit attuumassuteqanngitsumik, ilisimatusarnermik uppernarsaatinillu tunngaveqartumik ilisimasanik tunniussaqartartuuvoq. Isumasioqatigiinnermi nunatsinni plastikkimik mingutsitsineq imaanilu eqqakkat pillugit ilisimasanik misilittakkanillu avitseqatigiittoqarpoq, pingaartumik qassutaarsiutit taakkununngalu aaqqiissutissatut periarfissaasinnaasut immikkut sammineqarlutik.
Isumasioqatigiinnermi JRC-mit sinniisut kiisalu Pinngortitaleriffimmit, Aarhus Universitetimit Danmarks Tekniske Universitetimillu (DTU) ilisimatusartut peqataapput. Ilisimatusarfinnit taakkunannga pingasunit sinniisut ilisimatusarnermik suliniut Imarput ataatsimoorlutik siulersorpaat. Suliniummi Kalaallit Nunaanni sumiiffinni misissuisarnikkut plastikkimik mingutsitsineq kiisalu nunatta imartaani avatangiisinik mingutsitsineq pillugit ilisimasanik katersinermut siammarterinermullu tapertaasoqarpoq.
Naalakkersuisoq Jørgen Rosbach naggasiivoq:
“Plastikkimik mingutsitsineq imaanilu eqqakkat ajornartorsiutaapput kisimiilluta iluarsisinnaanngisagut. Iluarsiissuteqarfiginissaanut suleqatigiinneq, ilisimasat tigussaasumillu iluarsiissutissat pisariaqartinneqarput. Isumasioqatigiinnermi ilisimatusartut attuumassuteqartut nunallu tamalaat akornanni suleqatigisavut katersorpavut, ajornartorsiutit pillugit ataatsimoorluta paasinninnerput annertusarniarlugu aammalu nunatsinni suliniutit qanoq nukittorsarsinnaanerlugit misissorniarlugu.”
Taamaalilluni isumasioqatigiinneq nunatta EU-llu akornanni suliatigut suleqatigiinnerup qaninnerulernissaanut, kiisalu nunatsinni plastikkimik mingutsitsinermut imaanilu eqqakkanut akiuiniarluni suliniutit nukittorsarneqarnissaannut alloriarneruvoq.
Attaveqarfissaq
Annertunerusumik paasisaqarusunnermi naalakkersuisup allattaa Malik Schmidt 34 58 38-mut imaluunniit e-mail: pan@nanoq.gl aqqutigalugu attaveqarfigine-qassaaq.
Avatangiisinut, Pinngortitamut, Nukissiuutinut Ilisimatusarnermullu Naalakkersuisoqarfik Europa-Kommissionip Joint Research Centre-a (JRC) kiisalu ilisimatusartut pineqartumi suliaqartut peqatigalugit isumasioqatigiissitsivoq. Plastikkinik mingutsitsineq, qassutaarsiutit, imaanilu eqqakkat kiisalu nunatsinni siunissami suliniutit nukittorsarneqarnissaannut aaqqiissutissatut periarfissaasinnaasut isumasioqatigiinnermi sammineqarput.
Plastikkinik mingutsitsineq, imaanilu eqqakkat nunarsuaq tamakkerlugu avatangiisinut ajornartorsiutaapput, aamma issittup imartaanut sunniuteqarlutik. Taamaattumik Naalakkersuisut, ilisimatusarfiit nunallu tamalaat akornanni suleqatit peqatigalugit mingutsitsinaveersaarnissaq mingutsitsinerullu iliuuseqarfiginissaa nukittorsarusuppaat.
“Imartarput inuunitsinnut annertuumik pingaaruteqarpoq. Nerisatta annerpaartaat imartatsinneersuupput, tamannalu inooriaatsitsinnut ulluinnarnilu inuunitsinnut pingaaruteqarluinnarpoq. Taamaattumik plastikki imaanilu mingutsitsineq uagutsinnut ajornartorsiutaanngitsutut isigisinnaanngilarput. Ajornartorsiut tamatsinnut attuumassuteqarpoq tamattalu akisussaaffimmik tigusinitsigut suleqatigiissutigalugu iluarsiniagassaraarput,” oqarpoq Avatangiisinut, Pinngortitamut, Nukissiuutinut Ilisimatusarnermullu Naalakkersuisoq, Jørgen Rosbach.
Suliniummut tassunga atatillugu Avatangiisinut, Pinngortitamut, Nukissiuutinut Ilisimatusarnermullu Naalakkersuisoqarfik Europa-Kommissionip Joint Research Centre-a (JRC) suleqatigalugu ulluni pingasuni isumasioqatigiisitsivoq. JRC suliassaqarfinni assigiinngitsuni arlaqartuni arlaannaannulluunniit attuumassuteqanngitsumik, ilisimatusarnermik uppernarsaatinillu tunngaveqartumik ilisimasanik tunniussaqartartuuvoq. Isumasioqatigiinnermi nunatsinni plastikkimik mingutsitsineq imaanilu eqqakkat pillugit ilisimasanik misilittakkanillu avitseqatigiittoqarpoq, pingaartumik qassutaarsiutit taakkununngalu aaqqiissutissatut periarfissaasinnaasut immikkut sammineqarlutik.
Isumasioqatigiinnermi JRC-mit sinniisut kiisalu Pinngortitaleriffimmit, Aarhus Universitetimit Danmarks Tekniske Universitetimillu (DTU) ilisimatusartut peqataapput. Ilisimatusarfinnit taakkunannga pingasunit sinniisut ilisimatusarnermik suliniut Imarput ataatsimoorlutik siulersorpaat. Suliniummi Kalaallit Nunaanni sumiiffinni misissuisarnikkut plastikkimik mingutsitsineq kiisalu nunatta imartaani avatangiisinik mingutsitsineq pillugit ilisimasanik katersinermut siammarterinermullu tapertaasoqarpoq.
Naalakkersuisoq Jørgen Rosbach naggasiivoq:
“Plastikkimik mingutsitsineq imaanilu eqqakkat ajornartorsiutaapput kisimiilluta iluarsisinnaanngisagut. Iluarsiissuteqarfiginissaanut suleqatigiinneq, ilisimasat tigussaasumillu iluarsiissutissat pisariaqartinneqarput. Isumasioqatigiinnermi ilisimatusartut attuumassuteqartut nunallu tamalaat akornanni suleqatigisavut katersorpavut, ajornartorsiutit pillugit ataatsimoorluta paasinninnerput annertusarniarlugu aammalu nunatsinni suliniutit qanoq nukittorsarsinnaanerlugit misissorniarlugu.”
Taamaalilluni isumasioqatigiinneq nunatta EU-llu akornanni suliatigut suleqatigiinnerup qaninnerulernissaanut, kiisalu nunatsinni plastikkimik mingutsitsinermut imaanilu eqqakkanut akiuiniarluni suliniutit nukittorsarneqarnissaannut alloriarneruvoq.
Attaveqarfissaq
Annertunerusumik paasisaqarusunnermi naalakkersuisup allattaa Malik Schmidt 34 58 38-mut imaluunniit e-mail: pan@nanoq.gl aqqutigalugu attaveqarfigine-qassaaq.