Imarisassat tusarnaarlugit atuarlugitUtoqqartatsinnut ulloq
1. oktober 2026 Naalagaaffiit Peqatigiit Utoqqarnut Ullorititaat malunnartinneqassaaq. Naalakkersuisut utoqqaat inuiaqatigiinnut pingaaruteqarnerannik nersorinninnermut atussavaat.
Nassiussisuuvoq: Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoqarfik
Utoqqaat inuiaqatigiinni pingaarutilimmik inissisimapput, ullumikkullu inuiaqatigiittut tunngavitsinnik pilersitseqataasimallutik. Naalakkersuisut FN-ip utoqqaat ulluannut atatillugu utoqqaat pillugit pilersaarutitik saqqummiutissavaat.
”Ullumikkut utoqqartagut nersorniarpagut. Utoqqartagut inuunertik tamaat ilaquttatsinnik, najukkatsinni inuiaqatigiinnik nunatsinnilu sanaartueqataallutillu ineriartortitseqataasimapput. Misilittakkasi, ilisimasasi naleqartitasilu inuiaqatigiittut tunngavitsinnut pingaaruteqarluinnarput. Naalakkersuisut kikkut tamaasa kajumissaarpaat ullup ilaa utoqqartaminnik peqateqaqqullugit,” Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoq Maritha Broberg oqarpoq, nangillunilu:
”Utoqqaat inuiaqatigiinnut pingaaruteqarput. Naalakkersuisut innarluutilinnut inatsisissamik nutaamik siunnersuuteqarput, taassumalu utoqqaat ikiorneqarnissamut tapersersorneqarnissamullu periarfissaat nukittorsassavai. Ukiup tulliani Naalakkersuisut utoqqaat pillugit inatsisissamik nutaamik saqqummiussissapput, utoqqaat immikkut ittunik pisinnaatitaaffeqalernissaannik qulakkeerinnittumik aammalu utoqqaat toqqissisimasumik pitsaasumillu utoqqalinissaannut tunngavissiisumik.”
Naalakkersuisut utoqqaat pisinnaatitaaffiisa nukittorsarneqarnissaat aamma utoqqaat pillugit suliassaqarfimmi sinaakkutit ineriartortinneqarnissaat anguniarlugu sulissuteqarput, taamaalillutik utoqqaat amerlanerusut, nunami sumi najugaqarnerat apeqqutaatinnagu, toqqissisimasumik pitsaasumillu utoqqalinissaminnut periarfissaqassallutik.
Utoqqaat pillugit inatsisissaq 2027-mi Inatsisartut upernaakkut ataatsimiinneranni saqqummiunneqarnissaa naatsorsuutigineqarpoq, 2028-milu januaarip 1-ani atuutilernissaa siunniunneqarluni. Inatsisip utoqqaat pillugit suliassaqarfimmi pinaveersaartitsineq sullissinerlu nukittorsassavai.
Attaveqarfissaq
Paasissutissat sukumiinerusut pillugit Naalakkersuisoqarfik e-mailikkut ISN@nanoq.gl-imut imaluunniit oqarasuaatikkut +299 34 50 00-imut attavigineqarsinnaavoq.
”Ullumikkut utoqqartagut nersorniarpagut. Utoqqartagut inuunertik tamaat ilaquttatsinnik, najukkatsinni inuiaqatigiinnik nunatsinnilu sanaartueqataallutillu ineriartortitseqataasimapput. Misilittakkasi, ilisimasasi naleqartitasilu inuiaqatigiittut tunngavitsinnut pingaaruteqarluinnarput. Naalakkersuisut kikkut tamaasa kajumissaarpaat ullup ilaa utoqqartaminnik peqateqaqqullugit,” Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoq Maritha Broberg oqarpoq, nangillunilu:
”Utoqqaat inuiaqatigiinnut pingaaruteqarput. Naalakkersuisut innarluutilinnut inatsisissamik nutaamik siunnersuuteqarput, taassumalu utoqqaat ikiorneqarnissamut tapersersorneqarnissamullu periarfissaat nukittorsassavai. Ukiup tulliani Naalakkersuisut utoqqaat pillugit inatsisissamik nutaamik saqqummiussissapput, utoqqaat immikkut ittunik pisinnaatitaaffeqalernissaannik qulakkeerinnittumik aammalu utoqqaat toqqissisimasumik pitsaasumillu utoqqalinissaannut tunngavissiisumik.”
Naalakkersuisut utoqqaat pisinnaatitaaffiisa nukittorsarneqarnissaat aamma utoqqaat pillugit suliassaqarfimmi sinaakkutit ineriartortinneqarnissaat anguniarlugu sulissuteqarput, taamaalillutik utoqqaat amerlanerusut, nunami sumi najugaqarnerat apeqqutaatinnagu, toqqissisimasumik pitsaasumillu utoqqalinissaminnut periarfissaqassallutik.
Utoqqaat pillugit inatsisissaq 2027-mi Inatsisartut upernaakkut ataatsimiinneranni saqqummiunneqarnissaa naatsorsuutigineqarpoq, 2028-milu januaarip 1-ani atuutilernissaa siunniunneqarluni. Inatsisip utoqqaat pillugit suliassaqarfimmi pinaveersaartitsineq sullissinerlu nukittorsassavai.
Attaveqarfissaq
Paasissutissat sukumiinerusut pillugit Naalakkersuisoqarfik e-mailikkut ISN@nanoq.gl-imut imaluunniit oqarasuaatikkut +299 34 50 00-imut attavigineqarsinnaavoq.