Imarisassat tusarnaarlugit atuarlugitUlloq unnuarlu paaqqinniffinnik nutaanik qinnuteqarnermut ingerlariaatsip unitsikkallarneqarnera
Nassiussisuuvoq: Meeqqanut, Inuusuttunut Inatsisinut Atuutsinneqarnerannut Naligiissitaanermullu Naalakkersuisoqarfik
Isumaginninnermut Aqutsisoqarfik / Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfik aalajangerput maannamut meeqqanut ulloq unnuarlu paaqqinniffinnik nutaanik qinnuteqarnissamut ingerlariaatsinik nutaanik aallartitsisoqassanngitsoq.
Isumaginninnermut Aqutsisoqarfik / Naalakkersuisut meeqqanut ulloq unnuarlu paaqqiffinnut inissat pigineqartut amerlassusaannik ataatsimoortumik naatsorsuineq ingerlassimavaat. Naatsorsuinerup takutippaa ullumikkut inissaatigineqartut akuerineqarnikut ingerlasullu, inissiinissamut inissat pigineqartut pisariaqartinneqartut naammattut. Maannakkut ulloq unnuarlu inissat pillugit inissaqassutsip aammalu pisariaqartitsinerup uppernarsarneqarsimasup ataatsimut naliliiffigineqarnerat tunngavigalugu Naalakkersuisut naliliipput, maannakkut meeqqanut ulloq unnuarlu paaqqinniffinnik amerlanerusunik pisariaqartitsisoqanngitsoq.
Taamaattumik ulloq unnuarlu paaqqinniffinnik nutaanik pilersitsinissamut qinnuteqarnissamut ingerlariaatsit unitsinneqarallarput.
Meeqqat tapersersorneqarnissaannut Inatsisartut inatsissaat § 33, imm. 1, naapertorlugu Naalakkersuisut akisussaaffigaat qulakkiissallugu ulloq unnuarlu paaqqinniffinnik pisariaqartinneqartut amerlaqataanik inissaqartitsinissaq. Tamatuma saniatigut ulloq unnuarlu paaqqinniffiit tamarmik inatsimmi § 34 naapertorlugu akuerineqarsimassapput aamma meeqqat pillugit ulloq unnuarlu paaqqinniffiit pilersinneqartarnerannut ingerlatarineqartarnerannullu Namminersorlutik Oqartussat nalunaarutaanni piumasaqaatit naammassissallugit.
Aalajangerneq ulloq unnuarlu paaqqinniffinnut nutaanut taamaallaat atuuppoq, ulloq unnuarlu paaqqinniffinnut akuerineqareersunut ingerlanneqartunullu sunniuteqassanngilaq. Qinnuteqaatit tiguneqareernikut malittarisassat atuuttut naapertorlugit suliarineqassapput.
Naalakkersuisut aamma Isumaginninnermut Aqutsisoqarfiup suliassaqarfimmi ineriartorneq ataavartumik malinnaaffigissavaat. Inissaqassutsimik annertunerusumik imaluunniit immikkut pisariaqartitsisunut inissaqartitsinissamik uppernarsakkamik pisariaqartitsisoqalissappat, aalajangiineq nutaamik naliliivigineqassaaq. Tamannalu tusagassiatigut nalunaarutigineqarumaarluni. Qujavugut qinnuteqaatinik tigusaqartarnitsinnut.
Attavissaq
Sukumiisumik paasisaqarusukkuit MIIN@nanoq.gl attavigineqarsinnaavoq.
Isumaginninnermut Aqutsisoqarfik / Naalakkersuisut meeqqanut ulloq unnuarlu paaqqiffinnut inissat pigineqartut amerlassusaannik ataatsimoortumik naatsorsuineq ingerlassimavaat. Naatsorsuinerup takutippaa ullumikkut inissaatigineqartut akuerineqarnikut ingerlasullu, inissiinissamut inissat pigineqartut pisariaqartinneqartut naammattut. Maannakkut ulloq unnuarlu inissat pillugit inissaqassutsip aammalu pisariaqartitsinerup uppernarsarneqarsimasup ataatsimut naliliiffigineqarnerat tunngavigalugu Naalakkersuisut naliliipput, maannakkut meeqqanut ulloq unnuarlu paaqqinniffinnik amerlanerusunik pisariaqartitsisoqanngitsoq.
Taamaattumik ulloq unnuarlu paaqqinniffinnik nutaanik pilersitsinissamut qinnuteqarnissamut ingerlariaatsit unitsinneqarallarput.
Meeqqat tapersersorneqarnissaannut Inatsisartut inatsissaat § 33, imm. 1, naapertorlugu Naalakkersuisut akisussaaffigaat qulakkiissallugu ulloq unnuarlu paaqqinniffinnik pisariaqartinneqartut amerlaqataanik inissaqartitsinissaq. Tamatuma saniatigut ulloq unnuarlu paaqqinniffiit tamarmik inatsimmi § 34 naapertorlugu akuerineqarsimassapput aamma meeqqat pillugit ulloq unnuarlu paaqqinniffiit pilersinneqartarnerannut ingerlatarineqartarnerannullu Namminersorlutik Oqartussat nalunaarutaanni piumasaqaatit naammassissallugit.
Aalajangerneq ulloq unnuarlu paaqqinniffinnut nutaanut taamaallaat atuuppoq, ulloq unnuarlu paaqqinniffinnut akuerineqareersunut ingerlanneqartunullu sunniuteqassanngilaq. Qinnuteqaatit tiguneqareernikut malittarisassat atuuttut naapertorlugit suliarineqassapput.
Naalakkersuisut aamma Isumaginninnermut Aqutsisoqarfiup suliassaqarfimmi ineriartorneq ataavartumik malinnaaffigissavaat. Inissaqassutsimik annertunerusumik imaluunniit immikkut pisariaqartitsisunut inissaqartitsinissamik uppernarsakkamik pisariaqartitsisoqalissappat, aalajangiineq nutaamik naliliivigineqassaaq. Tamannalu tusagassiatigut nalunaarutigineqarumaarluni. Qujavugut qinnuteqaatinik tigusaqartarnitsinnut.
Attavissaq
Sukumiisumik paasisaqarusukkuit MIIN@nanoq.gl attavigineqarsinnaavoq.