Imarisassat tusarnaarlugit atuarlugitESU-mut tunngasut misissuiffigineqarneri 2011-2025
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Aalisarnermut piniarnermullu inuussutissarsiutinut ukiuni 2011-2025 tapiissuteqartarnerit aqqutigalugit sinerissap qanittuani aalisarneq ineriartortinneqarsinnaasimavoq, nunatsinnilu tamarmi imminut pilersorsinnaanissaq tunngavissinneqartarsimalluni.
Inuussutissarsiutinik siuarsaanissamut inatsit aqqutigalugu aalisartut piniartullu nunaqarfinni illoqarfinnilu assigiinngitsuni 41-ni najugaqartut 189-it umiatsiaarartaarsinnaanissamut 2014-imit 2025-mut tapiiffigineqartarsimapput. Qaanaarmiut qinnuteqarsimasunit amerlanersaallutik katillugit 25-t umiatsiaarartaarnissamut tapiiffigineqartarsimapput, Tunumili aalisartut piniartullu aamma tapiiffigineqangaatsiartarsimapput soorlu Tasiilameersut 15-it Sermiligaameersullu 11-t tapiiffigineqarsimasut. Qaqortumeersut 14-t tapiiffigineqarsimapput. Tamanna isumatusaarneruvoq, inatsimmimi najukkani aalisariuteqarfiorpianngitsunut salliussilluni tapiissuteqartarnissaq siunertaammat - taamaasiornikkullu Qaanaarmiut, Tunumiut Kujataamiullu tapiissutigineqarsinnaasut tamarmiusut 84%-iinik tapiiffigineqarsimallutik.
Aalisarnermut aningaasaliissutissatut immikkoortitat aqqutigalugit ukiuni 2011-2025 sinerissap qanittuani aalisariutinut 6 meterinit anginerusunut katillugit 100-nut tapiissuteqartoqarsimavoq. Tassunga atatillugu ukiuni 2019-2025 aalisartunit piumaneqaleraluttuinnartunut Poca 770-mik itaartussanut 28-nut tapiissuteqartoqarsimavoq. Pineqartut saniatigut aalisariutinut anginerusunik sinerissap qanittuani aalisartussanut tapiissuteqartoqartarsimavoq, ukiuni 2011-2025 tapiissutigineqartut annertunersaat 20-t angallatinut qaleralinniartussanut tapiissutigineqarsimallutik.
Aalisarnermut aningaasaliissutissatut immikkoortitat aqqutigalugit sinerissap qanittuani aalisariutit nutarterneqarnissaat siunertaralugu pisoqqanik isaterinissamut tapiissuteqartoqarsinnaavortaaq. Ukiuni 2011-2025 aalisariutit ukiunit 25-nit pisoqaanerusut 57-it isaternissaanut tapiissuteqartoqarsimavoq.
ESU-p misissuiffigineratigut ESU-mut tunngatillugu inatsisitigut atugassarititat ineriartorsimaneri piffissallu ingerlanerani inatsimmi allannguutaasarsimasut erseqqissumik takuneqarsinnaalerput. Tamatumalu saniatigut aningaasanut inatsimmi aningaasaliissutaasarsimasut piffissallu ingerlanerani tapiissutaasarsimasut takuneqarsinnaalerlutik. Misissuinermi inatsimmik atuuttumik allannguisinnaaneq ilanngullugu nalilersorneqarsimavoq tapeeriaatsillu nalilersorneqarlutik.
Misissuinermi paasisat inatsisip allanngortitsinissami inatsisissamillu nutaamik tassungalu atatillugu nalunaarutissanik Aalisarnermut, Piniarnermut, Nunalerinermut Imminullu Pilersornissamut Naalakkersuisoqarfimmi suliaqarnissami tunngavigineqassapput. Inatsisissatut siunnersuummik Inatsisartut 2027-mi ataatsimiinnerani saqqummiisoqarnissaa naatsorsuutigineqarpoq.
Misissuisimanerit uani atuarneqarsinnaapput
Annertunerusumik paasisaqarusuttut Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut ugguuna saaffiginnissinnaapput; apn@nanoq.gl
Inuussutissarsiutinik siuarsaanissamut inatsit aqqutigalugu aalisartut piniartullu nunaqarfinni illoqarfinnilu assigiinngitsuni 41-ni najugaqartut 189-it umiatsiaarartaarsinnaanissamut 2014-imit 2025-mut tapiiffigineqartarsimapput. Qaanaarmiut qinnuteqarsimasunit amerlanersaallutik katillugit 25-t umiatsiaarartaarnissamut tapiiffigineqartarsimapput, Tunumili aalisartut piniartullu aamma tapiiffigineqangaatsiartarsimapput soorlu Tasiilameersut 15-it Sermiligaameersullu 11-t tapiiffigineqarsimasut. Qaqortumeersut 14-t tapiiffigineqarsimapput. Tamanna isumatusaarneruvoq, inatsimmimi najukkani aalisariuteqarfiorpianngitsunut salliussilluni tapiissuteqartarnissaq siunertaammat - taamaasiornikkullu Qaanaarmiut, Tunumiut Kujataamiullu tapiissutigineqarsinnaasut tamarmiusut 84%-iinik tapiiffigineqarsimallutik.
Aalisarnermut aningaasaliissutissatut immikkoortitat aqqutigalugit ukiuni 2011-2025 sinerissap qanittuani aalisariutinut 6 meterinit anginerusunut katillugit 100-nut tapiissuteqartoqarsimavoq. Tassunga atatillugu ukiuni 2019-2025 aalisartunit piumaneqaleraluttuinnartunut Poca 770-mik itaartussanut 28-nut tapiissuteqartoqarsimavoq. Pineqartut saniatigut aalisariutinut anginerusunik sinerissap qanittuani aalisartussanut tapiissuteqartoqartarsimavoq, ukiuni 2011-2025 tapiissutigineqartut annertunersaat 20-t angallatinut qaleralinniartussanut tapiissutigineqarsimallutik.
Aalisarnermut aningaasaliissutissatut immikkoortitat aqqutigalugit sinerissap qanittuani aalisariutit nutarterneqarnissaat siunertaralugu pisoqqanik isaterinissamut tapiissuteqartoqarsinnaavortaaq. Ukiuni 2011-2025 aalisariutit ukiunit 25-nit pisoqaanerusut 57-it isaternissaanut tapiissuteqartoqarsimavoq.
ESU-p misissuiffigineratigut ESU-mut tunngatillugu inatsisitigut atugassarititat ineriartorsimaneri piffissallu ingerlanerani inatsimmi allannguutaasarsimasut erseqqissumik takuneqarsinnaalerput. Tamatumalu saniatigut aningaasanut inatsimmi aningaasaliissutaasarsimasut piffissallu ingerlanerani tapiissutaasarsimasut takuneqarsinnaalerlutik. Misissuinermi inatsimmik atuuttumik allannguisinnaaneq ilanngullugu nalilersorneqarsimavoq tapeeriaatsillu nalilersorneqarlutik.
Misissuinermi paasisat inatsisip allanngortitsinissami inatsisissamillu nutaamik tassungalu atatillugu nalunaarutissanik Aalisarnermut, Piniarnermut, Nunalerinermut Imminullu Pilersornissamut Naalakkersuisoqarfimmi suliaqarnissami tunngavigineqassapput. Inatsisissatut siunnersuummik Inatsisartut 2027-mi ataatsimiinnerani saqqummiisoqarnissaa naatsorsuutigineqarpoq.
Misissuisimanerit uani atuarneqarsinnaapput
Annertunerusumik paasisaqarusuttut Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut ugguuna saaffiginnissinnaapput; apn@nanoq.gl