Imarisassat tusarnaarlugit atuarlugitPeqqinnissakkut suliassaqarfiup iluani namminersortutut suliaqarsinnaanissap siammarterneqarnissaanut periarfissat iluaqutaasinnaasut ajoqutaasinnaasullu pillugit nassuiaat saqqummiunneqarpoq
Nassiussisuuvoq: Peqqissutsimut inunnullu Innarluutilinnut Naalakkersuisoqarfik
Naalakkersuisut nunatsinni peqqinnissakkut suliassaqarfiup iluani namminersortutut siammarterneqarnissaanut periarfissat pillugit nassuiaat Inatsisartunut agguaateqqammerpaat. Nassuiaat taanna peqqinnissaqarfiup pitsanngorsarnissaanut attavigiuminarnerulernissaanullu suut aaqqiissutissaqqinnerussanersut politikkikkut sukumiisumik oqallisiginissaannut tunngavissiisussaassaaq.
Peqqinnissakkut suliassaqarfiup iluani namminersortutut suliaqarsinnaanissamut periarfissat pillugit nassuiaasiorneq Peqqissutsimut tunngatillugu 2023-mi isumaqatigiissutip politikkikkut ukkatarineqarneranik aallaaveqarpoq. Peqqissutsikkut katsorsaanermi eqaannerusumik aaqqiissuteqarnissaq sulissutigineqassasoq peqqinnissakkullu suliassaqarfiup iluani sullissisunik namminersortutut ingerlatsinissamut periarfissat qulaajartariaqartut, isumaqatigiissummi tassani allaqqavoq.
Inatsit maanna atuuttoq peqqinnissakkut suliassaqarfiup iluani namminersortutut ingerlatsisinnaanermut piginnaatitsivoq, tamannalu Nuummi ilaatigut kigutilerisutut namminersortutut ataatsimik timimillu sungiusaasutut namminersortutut arlalinnik ingerlatsisoqarneratigut assersuutissaqareerpoq. Nakorsatut namminersortutut suli ingerlatsisoqalernikuunngilaq.
Peqqinnissakkut suliassaqarfiup iluani namminersortutut Nuummi ingerlatsisinnaaneq inatsisitigut periarfissaalereeraluartoq, tamatumani inatsimmi tunngavissat namminersortutut ingerlatsisut aamma peqqinnissaqarfiup pisortanit ingerlanneqartup akornanni suleqatigiinnermut aamma tunngasortaqanngillat, soorluttaaq malittarisassanut, pitsaassutsimik qulakkeerinninnermut innuttaasunillu sullissinermut tunngasortaqanngitsut.
Nuuk nunatsinni kisiartaalluni nakorsatut namminersortutut ingerlatsiffiusinnaanera illoqarfiup taassuma inuisa amerlassusaannik tunngaveqartoq, nassuiaammi erseqqissarneqarpoq. Peqqinnissaqarfimmut attuumassuteqarnerpaassangatinneqartunik nalinginnaasumik katsorsaanerup iluani nakorsatut namminersortutut ingerlatsisinnaanermut periarfissat ingammik ukkatarineqarput.
Peqqinnissakkut suliassaqarfiup iluani namminersortutut suliaqarsinnaanissap tapersersorneqarnissaanut siammarterneqarnissaanullu periarfissat kiisalu pitsaaqutaasinnaasut aporfiusinnaasullu misissorneqarnissaat nalunaarusiortitsinermi siunertaavoq. Misissueqqissaarneq nunani tamalaani allaaserisanik, peqqinnissaq pillugu politikkikkut aningaasaqarnikkullu naliliinernik tunngaveqarpoq.
Inunnik qitiusumik inissisimasunik oqaloqateqarnernik aamma tunngaveqarpoq, peqqinnissakkullu suliassaqarfiup iluani namminersortutut ingerlatsisinnaanermut periarfissat ernumassutillu taakkunannga erseqqissarneqarput, tamatumani naligiinngitsumik atuinissap pisinnaanerata aarlerinaateqarneranut sulisutigullu unammilleqatigiinnermut tunngasut ilanngullugit. Soorluttaaq inatsisitigut aaqqissuussaanikkullu tunngavissanik erseqqissunik pisariaqartitsinermut tunngasut taakkunannga aamma erseqqissarneqartut.
Namminersortutut ingerlatseriaasiusinnaasutut periarfissat pingasut nassuiaammi saqqummiunneqarput:
• pituttorsimanngitsumik ingerlatsineq
• akuleriissitsilluni ingerlatsineq
• ataqatigiissitsilluni ingerlatsineq
Periarfissat taakku nalilersuinermi tunngavissat 16-iusut, soorlu katsorsarneqarnissamik naligiimmik periarfissaqarnermut, aningaasaqarnermut taamatuttaaq Dronning Ingridip Napparsimmavissuanut oqilisaataasinnaasunut tunngasut, najoqqutaralugit nalilersorneqarput.
Periarfissat tamarmik immikkut assigiinngitsunik pitsaaquteqarlutillu akornuteqarput, periarfissallu ilaat atuutilersinneqassagaluarpat periarfissat tamarmik immikkut politikkikkut erseqqissumik aalajangiiffigineqarnissaat, tunngavissiuunnissaat erseqqissarnerunissaat pisariaqassasoq, nalunaarusiami aamma erseqqissarneqarpoq.
Nunatta inuisa peqqissusiannik ilisimatusarfik peqqissutsimut tunngasuni aningaasaqarnermik inatsisilerinermillu immikkut ilisimasallit suleqatigalugit nassuiaasiortuuvoq, suleqataalu taakku aningaasaqarnermut inatsisilerinermullu tunngasuni ingerlatsinermi aningaasalersueriaasissanik ingerlatsinissamullu periarfissanik ineriartortitseqataapput.
Nassuiaat uani atuarneqarsinnaavoq: Peqqinnissakkut suliassaqarfiup iluani namminersortutut suliaqarsinnaanissamut periarfissat. Nunani tamalaani allaaserisat aamma misilittakkat, peqqinnissaq pillugu politikkikkut aamma aningaasaqarnikkut misissueqqissaarneq, aamma inuit qitiusumik inissisimasut isiginninnerat tunngavigalugit avataaneersunit nassuiaat
Paasisaqarnerorusunnermi attavissaq:
Peqqissutsimut inunnullu Innarluutilinnut Naalakkersuisoqarfik, e:mail: pn@nanoq.gl, oqarasuaat +299 34 50 00.
Peqqinnissakkut suliassaqarfiup iluani namminersortutut suliaqarsinnaanissamut periarfissat pillugit nassuiaasiorneq Peqqissutsimut tunngatillugu 2023-mi isumaqatigiissutip politikkikkut ukkatarineqarneranik aallaaveqarpoq. Peqqissutsikkut katsorsaanermi eqaannerusumik aaqqiissuteqarnissaq sulissutigineqassasoq peqqinnissakkullu suliassaqarfiup iluani sullissisunik namminersortutut ingerlatsinissamut periarfissat qulaajartariaqartut, isumaqatigiissummi tassani allaqqavoq.
Inatsit maanna atuuttoq peqqinnissakkut suliassaqarfiup iluani namminersortutut ingerlatsisinnaanermut piginnaatitsivoq, tamannalu Nuummi ilaatigut kigutilerisutut namminersortutut ataatsimik timimillu sungiusaasutut namminersortutut arlalinnik ingerlatsisoqarneratigut assersuutissaqareerpoq. Nakorsatut namminersortutut suli ingerlatsisoqalernikuunngilaq.
Peqqinnissakkut suliassaqarfiup iluani namminersortutut Nuummi ingerlatsisinnaaneq inatsisitigut periarfissaalereeraluartoq, tamatumani inatsimmi tunngavissat namminersortutut ingerlatsisut aamma peqqinnissaqarfiup pisortanit ingerlanneqartup akornanni suleqatigiinnermut aamma tunngasortaqanngillat, soorluttaaq malittarisassanut, pitsaassutsimik qulakkeerinninnermut innuttaasunillu sullissinermut tunngasortaqanngitsut.
Nuuk nunatsinni kisiartaalluni nakorsatut namminersortutut ingerlatsiffiusinnaanera illoqarfiup taassuma inuisa amerlassusaannik tunngaveqartoq, nassuiaammi erseqqissarneqarpoq. Peqqinnissaqarfimmut attuumassuteqarnerpaassangatinneqartunik nalinginnaasumik katsorsaanerup iluani nakorsatut namminersortutut ingerlatsisinnaanermut periarfissat ingammik ukkatarineqarput.
Peqqinnissakkut suliassaqarfiup iluani namminersortutut suliaqarsinnaanissap tapersersorneqarnissaanut siammarterneqarnissaanullu periarfissat kiisalu pitsaaqutaasinnaasut aporfiusinnaasullu misissorneqarnissaat nalunaarusiortitsinermi siunertaavoq. Misissueqqissaarneq nunani tamalaani allaaserisanik, peqqinnissaq pillugu politikkikkut aningaasaqarnikkullu naliliinernik tunngaveqarpoq.
Inunnik qitiusumik inissisimasunik oqaloqateqarnernik aamma tunngaveqarpoq, peqqinnissakkullu suliassaqarfiup iluani namminersortutut ingerlatsisinnaanermut periarfissat ernumassutillu taakkunannga erseqqissarneqarput, tamatumani naligiinngitsumik atuinissap pisinnaanerata aarlerinaateqarneranut sulisutigullu unammilleqatigiinnermut tunngasut ilanngullugit. Soorluttaaq inatsisitigut aaqqissuussaanikkullu tunngavissanik erseqqissunik pisariaqartitsinermut tunngasut taakkunannga aamma erseqqissarneqartut.
Namminersortutut ingerlatseriaasiusinnaasutut periarfissat pingasut nassuiaammi saqqummiunneqarput:
• pituttorsimanngitsumik ingerlatsineq
• akuleriissitsilluni ingerlatsineq
• ataqatigiissitsilluni ingerlatsineq
Periarfissat taakku nalilersuinermi tunngavissat 16-iusut, soorlu katsorsarneqarnissamik naligiimmik periarfissaqarnermut, aningaasaqarnermut taamatuttaaq Dronning Ingridip Napparsimmavissuanut oqilisaataasinnaasunut tunngasut, najoqqutaralugit nalilersorneqarput.
Periarfissat tamarmik immikkut assigiinngitsunik pitsaaquteqarlutillu akornuteqarput, periarfissallu ilaat atuutilersinneqassagaluarpat periarfissat tamarmik immikkut politikkikkut erseqqissumik aalajangiiffigineqarnissaat, tunngavissiuunnissaat erseqqissarnerunissaat pisariaqassasoq, nalunaarusiami aamma erseqqissarneqarpoq.
Nunatta inuisa peqqissusiannik ilisimatusarfik peqqissutsimut tunngasuni aningaasaqarnermik inatsisilerinermillu immikkut ilisimasallit suleqatigalugit nassuiaasiortuuvoq, suleqataalu taakku aningaasaqarnermut inatsisilerinermullu tunngasuni ingerlatsinermi aningaasalersueriaasissanik ingerlatsinissamullu periarfissanik ineriartortitseqataapput.
Nassuiaat uani atuarneqarsinnaavoq: Peqqinnissakkut suliassaqarfiup iluani namminersortutut suliaqarsinnaanissamut periarfissat. Nunani tamalaani allaaserisat aamma misilittakkat, peqqinnissaq pillugu politikkikkut aamma aningaasaqarnikkut misissueqqissaarneq, aamma inuit qitiusumik inissisimasut isiginninnerat tunngavigalugit avataaneersunit nassuiaat
Paasisaqarnerorusunnermi attavissaq:
Peqqissutsimut inunnullu Innarluutilinnut Naalakkersuisoqarfik, e:mail: pn@nanoq.gl, oqarasuaat +299 34 50 00.