AtuartigukAasianni Polar Raajamut aaqqiissut pillugu
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Aalisarnermut, Piniarnermut, Nunalerinermut, Imminut Pilersornermut Avatangiisinullu Naalakkersuisup Peter Borg-ip erseqqissaatigissavaa ulloq 25. februar 2026-mi Sermitsiaq-mi allaaserineqartumi allaqqasutut: : Peter Borg: Unammilleqatigiillutik raajarniartut oqaloqatigiissapput suliaq allanut ingerlateqqinngikkini – aamma § 37 naapertorlugu apeqqummut nr. 23-mut akissummi allaqqasutut, raajaqassuseq appariartortoq pillugu ataavartumik Polar Seafood Greenland A/S aamma Royal Greenland A/S oqaloqatigisarpai. Inussutissarsiortut aaqqiissutissatut periarfissanik siunnersuuteqartariaqarput, unamminartut soorlu Sermitsiami ulloq 26. februar 2026 allaaserisami: Bent Salling: Raajaleriffik pillugu Raajaleriffimmiit oqariartuut kingulleq allaqqasutut taamaallaat politikkikkut aaqqinneqarsinnaanngillat.
”Ingerlatseqatigiiffiit aaqqiissutissanik naassaarniarluta immikkut ataatsimullu suli oqaloqatigisarpakka. Polar Seafood Greenland A/S aaqqiissutissat periarfissat assigiinngitsut pillugit kingullermik ulloq 23. februar 2026 nassiussaqarpoq. Taamaammat taakku periarfissaasinnaasullu allat pillugit oqaloqatigiinnissamut piaartumik aggersaqqissallugit pilersaarutigaara. Aaqqiissutissat inuussutissarsiortunut oqaloqateqarnikkut nassaarineqassapput – tusagassiuutit aqqutiginagit.” Peter Borg oqarpoq.
Annertunerusunik paasisaqarusukkuit Aalisarnermut, Piniarnermut, Nunalerinermut Imminullu pilersornermut Naalakkersuisoqarfik ugguuna apn@nanoq.gl attaveqarfigiuk.