Kalaallit Nunaani inuusuttunut Gaming Discord-serveri nutaaq

Nunat Avannarliit suliniutaasa ilaattut Kalaallit Nunaanni inuusuttunut atugassiaq nutaavissuaq Discord-server Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup atugassanngortippaa!
Serverinittartagaq ataatsimoorfiusoq aqqutigalugu gaming, ilinniarneq, ulluinnarni pisut, siunissamullu takorluukkatit pillugit avitseqateqarsinnaalissaatit..

Taanna aqqutigalugu inuppaasuit nunatsinni illoqarfinneersut nunaqarfinneersullu ilisarisimalersinnaassavaatsit.
Digitali atorlugu oqallittarfimmik toqqissisimanartumik, nuannersumik akuutitsisumillu kikkulluunniit tikilluaqqusaallutik peqataaffigisinnaasaannik, misilittakkaminnik paarlaasseqatigiiffigisartagassaannik, tapersersoqatigiiffigisartagassaannik, nutaanik ikinngutitaartorfissaannik il.il. pilersitsinissaq siunertaavoq.

OQALLITTARFIMMI AQUTSISUSSANIK OQALLINNERNILLU AQUTSISUSSANIK PISSARSIORPUGUT
Oqallittarfimmik torrallataasumik toqqissisimanartumillu ingerlatseqataarusuppit?
Naalakkersuisoqarfik tunniusimalluartumik oqallittarfimmik aqutsisussarsiorlunilu oqallinnernik aqutsisussarsiorpoq oqallittarfimmi torersumik oqallittoqartarnissaanik oqallittarfiullu ingerlalluarnissaanik suleqataasussanik.

Suliassat nammineq kajumissuseq naapertorlugu suliassaapput. Kalaallisut danskisullu oqalussinnaanissaq piumasaqaatituaavoq.
Soqutiginartippiuk? Soqutiginnikkuit Came@nanoq.gl -imut attaveqarit, piukkunnassutsillu nassuiarlugu naatsumik allaaseralugu.

Oqallittarfiup atulernissaanut tikilluaqqussallusi qilanaarpugut!


Inuusuttut allat oqaloqatigikkit qarasaasiakkullu unamminernut peqataallutit, Discord server: https://discord.gg/zEMDEUZN9t atorlugu
Eqqaamajuk Facebook aamma Instagram aqqutigalugit Naalakkersuisoqarfik malinnaaffigissallugu

Annertunerusumik paasisaqarusunnermi saaffigineqarsinnaavoq Cathrine Meldgaard Jensen, Toqq/direkte 34 50 00, came@nanoq.gl