AtuartigukMeeqqat atuarfiat pillugu inatsisip allanngortinnissaanut Inatsisartut inatsisissaannut siunnersuut pillugu tusagassiuutinut nalunaarut (nukarliit alloriarfianni atuartitsissutit tiimillu ikilisinnissaat aamma klassit inuussutissarsiutinut sammitinneqartunut aaqqissuunneqarnissaat)
Nassiussisuuvoq: Ilinniartitaanermut, Kulturemut, Timersornermut Ilageeqarnermullu Naalakkersuisoqarfik
Meeqqanut, Inuusuttunut, Ilaqutariinnut, Nunamut Namminermut, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Nivi Olsen
Meeqqat atuarfiat pillugu inatsisip allanngortinnissaanut Inatsisartut inatsisissaattut siunnersuummut (nukarliit alloriarfianni atuartitsissutit tiimillu ikilineqarnissaannik klassillu inuussutissarsiutinut sammitinneqartunut aaqqissuunnissaannut imaqartumut) tunngatillugu Ilinniartitaanermut Naalakkersuisoq tusarniaanermi akissuteqaatinut tiguneqartunut, maannakkullu tusarniaanerup 10. februar 2026-imi naammassineqareernerani naalakkersuisoqarfiup sulissutigiligaanut, qujassuteqarpoq. Taamatuttaaq Naalakkersuisup akissuteqaatit isumaliutillu tamaasa qujassutigai, pingaartumillu maannakkut inatsisissatut siunnersuutaasumi nukarliit alloriarfiannik allanngortitsinissamut oqaaseqaataasut, tusagassiuutitigut inuillu attaveqatigiittarfiitigut innuttaasut qisuariaataat immikkut qujassutigerusuppai.
Ullumikkut nukarliit alloriarfianni atuartut atuartitsissutit assigiinngitsut amerlavallaartut skemaminniittut atuarfigisussaavaat. Atuartitsissutit amerlavallaartut nikittarnernik amerlavallaartunik pilersitsisarput, eqqissiviinnermik kinguneqarsinnaasunik, ammalu ukkatarinninnermik atuarnerullu ingerlanerani eqqissisimanissamik annikinnerulersitsisinnaasunik, aammalu atuartut atuartitsinerup qaapiaannagaasutut uippakajaarnartutullu misigisaqarfigisinnaasaannik. Meeqqat atuarfiat pillugu oqallinnermi atuartitsissutit tiimillu atuartitsiviusartut amerlassusaannik eqqartugaqartarneq atuarfik pillugu oqallinnerup ilagivaa pingaaruteqartoq. Naalakkersuisut atuartut artukkernagit uippakajaalersinnagillu ilikkariartornermut, atugarissaarnermut sammisanullu inerikkiartuutaasunut ikorfartuutaasumik atuartitsissutit tiimillu amerlassusaasa aalajangersorneqartariaqarnerat pingaartippaat. Pitsaassuseq oqimaaqatigiinnerlu – minnerunngitsumillu isumaliortaatsikkut peqqissuuneq – isiginiarneqartariaqarput, annertussuseq pingaarnerutinnagu. Atuartut atuartitsissutini tamani piginnaasaminnik ineriartortitsinissaminnut itisiliinissaminnullu pitsaanerpaanik periarfissaqartariaqarput.
”Meeqqat atuarfianni atuartut nukarliit atuartinneqarnerannut allannguutissatut siunnersuutaasunut annertuunut amerlasuut qisuariaataat paasilluarpakka. Isumaqarpunga meeqqanut atuarfitta oqallisiginerani kattuffiit inuillu ataasiakkaat ernumaammerlutik isummersorlutillu peqataalluarnerat, isummiussanillu pitsaasunik ilanngussinerat inuiaqatigiinni demokratiskiusuni peqataanermut pitsaasumut peqqinnartumullu takussutissaasoq – kikkullu tamarmik oqallinnermut pitsaasumut peqataanerat qujassutigaara”, Ilinniartitaanermut Naalakkersuisoq, Nivi Olsen, taama oqarpoq nangillunilu: ”meeqqat atuarfiat pillugu inatsimmut allannguutissatut siunnersuutikkut atuartut nukarliit ullut atuarfigisaasa pisariusuunnginnissaat ataqatigiinnerulernissaallu siunnerfigineqarpoq, atuartitsissutit ikinnerulersillugit atuartullu itisiliinissaminnut piffissaqarnerulersillugit, meeqqat atuarfiata anguniagaa annikillisanngikkaluarlugu. Kalaallit oqaasii, nunatsinni oqaaserisagut meeqqallu atuarfianni atuartut amerlanerpaat oqaaserisaat, pingaartippagut nunatsinni ilisimasatigut kulturikkullu tunngaviullutik oqaasiummata, atuartullu taakkuninnga eqarisaqaratik atuinissaat pingaartuummat – tamanna ilisimatusarnerni assigiinngitsuni atuartut oqaatsini assigiinngitsuni atuartitsissutinilu allani ilinniagaqaqqinnissaannut tunngaviusutut isigineqarpoq. Oqaatsinik allanartanik pitsaanerpaamik atuisinnaalissagutta tunngaviuvoq nammineq ilitsoqqussaralugu oqaatsitsinnik atuilluarsinnaanissarput tamanna oqaatsinik allanik ilikkarnissamut tunngaviliisuussammat. Tamatumunnga peqatigitillugu pingaartutut erseqqissarusuppara, qallunaat oqaasii qallunaallu oqaasiini imaluunniit ilitsoqqussaralugu oqaatsini allani atuartitsineq suli nukarliit alloriarfianni pisariaqartitsisoqartillugu ingerlanneqarsinnaassammat. Atuartitsissutit qallunaat tuluillu oqaasii meeqqat atuarfianni suli atuartitsissutaassapput, taakkuali alloriarfinni tullerni atuartitsissutigineqartartussaapput. Allannguutissat ataatsimut isigalugit atugarissaarnerulersitsisussaapput, tunngaviusutigut piginnaasaqarfinnik nukittunerulersitsisussaapput meeqqallu atuarnerannik ataqatigiinnerulersitsisussaallutik.”
Ilinniartitaanermut Naalakkersuisup inatsimmut allannguutissatut siunnersuutip tusarniaassutiginerani akissuteqaatit tamarmiusut misissuataaleruttorpai suliarineqaqqinnissaalu qilanaaraa.
Meeqqat atuarfiat pillugu inatsisip allanngortinnissaanut Inatsisartut inatsisissaattut siunnersuummut (nukarliit alloriarfianni atuartitsissutit tiimillu ikilineqarnissaannik klassillu inuussutissarsiutinut sammitinneqartunut aaqqissuunnissaannut imaqartumut) tunngatillugu Ilinniartitaanermut Naalakkersuisoq tusarniaanermi akissuteqaatinut tiguneqartunut, maannakkullu tusarniaanerup 10. februar 2026-imi naammassineqareernerani naalakkersuisoqarfiup sulissutigiligaanut, qujassuteqarpoq. Taamatuttaaq Naalakkersuisup akissuteqaatit isumaliutillu tamaasa qujassutigai, pingaartumillu maannakkut inatsisissatut siunnersuutaasumi nukarliit alloriarfiannik allanngortitsinissamut oqaaseqaataasut, tusagassiuutitigut inuillu attaveqatigiittarfiitigut innuttaasut qisuariaataat immikkut qujassutigerusuppai.
Ullumikkut nukarliit alloriarfianni atuartut atuartitsissutit assigiinngitsut amerlavallaartut skemaminniittut atuarfigisussaavaat. Atuartitsissutit amerlavallaartut nikittarnernik amerlavallaartunik pilersitsisarput, eqqissiviinnermik kinguneqarsinnaasunik, ammalu ukkatarinninnermik atuarnerullu ingerlanerani eqqissisimanissamik annikinnerulersitsisinnaasunik, aammalu atuartut atuartitsinerup qaapiaannagaasutut uippakajaarnartutullu misigisaqarfigisinnaasaannik. Meeqqat atuarfiat pillugu oqallinnermi atuartitsissutit tiimillu atuartitsiviusartut amerlassusaannik eqqartugaqartarneq atuarfik pillugu oqallinnerup ilagivaa pingaaruteqartoq. Naalakkersuisut atuartut artukkernagit uippakajaalersinnagillu ilikkariartornermut, atugarissaarnermut sammisanullu inerikkiartuutaasunut ikorfartuutaasumik atuartitsissutit tiimillu amerlassusaasa aalajangersorneqartariaqarnerat pingaartippaat. Pitsaassuseq oqimaaqatigiinnerlu – minnerunngitsumillu isumaliortaatsikkut peqqissuuneq – isiginiarneqartariaqarput, annertussuseq pingaarnerutinnagu. Atuartut atuartitsissutini tamani piginnaasaminnik ineriartortitsinissaminnut itisiliinissaminnullu pitsaanerpaanik periarfissaqartariaqarput.
”Meeqqat atuarfianni atuartut nukarliit atuartinneqarnerannut allannguutissatut siunnersuutaasunut annertuunut amerlasuut qisuariaataat paasilluarpakka. Isumaqarpunga meeqqanut atuarfitta oqallisiginerani kattuffiit inuillu ataasiakkaat ernumaammerlutik isummersorlutillu peqataalluarnerat, isummiussanillu pitsaasunik ilanngussinerat inuiaqatigiinni demokratiskiusuni peqataanermut pitsaasumut peqqinnartumullu takussutissaasoq – kikkullu tamarmik oqallinnermut pitsaasumut peqataanerat qujassutigaara”, Ilinniartitaanermut Naalakkersuisoq, Nivi Olsen, taama oqarpoq nangillunilu: ”meeqqat atuarfiat pillugu inatsimmut allannguutissatut siunnersuutikkut atuartut nukarliit ullut atuarfigisaasa pisariusuunnginnissaat ataqatigiinnerulernissaallu siunnerfigineqarpoq, atuartitsissutit ikinnerulersillugit atuartullu itisiliinissaminnut piffissaqarnerulersillugit, meeqqat atuarfiata anguniagaa annikillisanngikkaluarlugu. Kalaallit oqaasii, nunatsinni oqaaserisagut meeqqallu atuarfianni atuartut amerlanerpaat oqaaserisaat, pingaartippagut nunatsinni ilisimasatigut kulturikkullu tunngaviullutik oqaasiummata, atuartullu taakkuninnga eqarisaqaratik atuinissaat pingaartuummat – tamanna ilisimatusarnerni assigiinngitsuni atuartut oqaatsini assigiinngitsuni atuartitsissutinilu allani ilinniagaqaqqinnissaannut tunngaviusutut isigineqarpoq. Oqaatsinik allanartanik pitsaanerpaamik atuisinnaalissagutta tunngaviuvoq nammineq ilitsoqqussaralugu oqaatsitsinnik atuilluarsinnaanissarput tamanna oqaatsinik allanik ilikkarnissamut tunngaviliisuussammat. Tamatumunnga peqatigitillugu pingaartutut erseqqissarusuppara, qallunaat oqaasii qallunaallu oqaasiini imaluunniit ilitsoqqussaralugu oqaatsini allani atuartitsineq suli nukarliit alloriarfianni pisariaqartitsisoqartillugu ingerlanneqarsinnaassammat. Atuartitsissutit qallunaat tuluillu oqaasii meeqqat atuarfianni suli atuartitsissutaassapput, taakkuali alloriarfinni tullerni atuartitsissutigineqartartussaapput. Allannguutissat ataatsimut isigalugit atugarissaarnerulersitsisussaapput, tunngaviusutigut piginnaasaqarfinnik nukittunerulersitsisussaapput meeqqallu atuarnerannik ataqatigiinnerulersitsisussaallutik.”
Ilinniartitaanermut Naalakkersuisup inatsimmut allannguutissatut siunnersuutip tusarniaassutiginerani akissuteqaatit tamarmiusut misissuataaleruttorpai suliarineqaqqinnissaalu qilanaaraa.