AtuartigukNaalakkersuisut angerlarsimaffiit ajornartoornermi piareersarnissaannut siunnersuutinik nassiussipput
Nassiussisuuvoq: Pinngortitamut Avatangiisinullu Naalakkersuisoqarfik
Naalakkersuisut quppersagaaraq ”Ajornartoornermut piareersarneq – ullut tallimat ingerlanerini napatinnissannut piareersarit” ullumikkut nittarsaappaat, taanna ajornartoortoqassagaluarpat ulluni tallimani angerlarsimaffiit qanoq ajornanngitsunnguamik suliassatigullu qanoq piareersarnissaannik siunnersuutinik imaqarpoq. Quppersagaaraq ukiut siuliini arlaleriarluni sivisunerusumik sivikinnerusumillu innaallagiaaruttaqattaarnerit tunngavigalugit suliarineqarpoq. Inuiaqatigiit toqqissisimalernerunissaat anguniarlugu aamma inuiaqatigiinni upalungaarsimasuutitat tamarmiusut nukittunerulernissaat qulakkeerniarlugit siunnersuutit suliarineqarput. Quppersagaaraq massakkut upalungaarsimasuutitanut tapertaavoq aamma inuit ataasiakkaat iluaqutissaattut isigineqassaaq - ataatsimoornermut nukittorsaatitut aamma isigineqassalluni.
”Ajornartoornermut piareersarneq - ullut tallimat ingerlanerini napatinnissannut piareersarit” innaallagiaaruttarnerup nalaani iluaqutissatut suliarineqarpoq
Inuiaqatigiit toqqissisimalernerunissaat anguniarlugu aamma inuiaqatigiinni upalungaarsimasuutitat tamarmiusut nukittunerulernissaat qulakkeerniarlugit siunnersuutit suliarineqarput. Quppersagaaraq taamaalilluni inuiaqatigiinni ernumanernut tuppallersaataassanngilaq, kisiannili piffissaalluarallartillugu iliuuseqarnissamik siunertaqarluni. Innuttaasut imminnut qanigisaminnullu sapinngisamik piffissami sivikitsumi napatissinnaassappata, oqartussat pisariaqartitsinerpaanik samminninnissartik sammisinnaalissavaat - aamma pisup nalinginnaasunngortinnissaanut sukkasuumik suliaqarsinnaalissallutik.
Quppersagaaqqamik ”Ajornartoornermut piareersarneq - ullut tallimat ingerlanerini napatinnissannut piareersarit”-mik suliaqarneq naalakkersuisoqarfiit, kommunit, Kalaallit Nunaanni Politiit, Issittumi Sakkutooqarfiup suleqatigiinnerini aamma Namminersorlutik Oqartussat suliffeqarfiutaasa suliffeqarfiillu namminersortitat isumassarsianik tunniussuinerisa kingunerisaanik piviusunngortinneqarpoq. Taamaalilluni siunnersuutit Kalaallit Nunaata Upalungaarsimanissamut ataatsimiititaliarsuani aamma eqqartorneqarnikuupput.
”Angerlarsimaffiit suliassaannik siunnersuutillu paasiuminartut pillugit quppersagaaqqamik saqqummersitsineq ajornartoortoqarnissaanik naatsorsuuteqarnitsinnik oqariartornerunngilaq. Siunnersuusiorpugut akisussaaffimmik tigusisoqarnissaanik aamma piffissaalluarallartillugu piareersimanissamik iliuuseqartoqarnissaanik quppersagaaraq siunertaqartutut paasineqassaaq. Piareersarneq eqqissinermik pilersitsisarpoq, aamma imminut napatissinnaanermik inunnillu allanik ulluni arlalinni ikiunissamut nukissaqalersitsisarluni, taamaalilluni ataatsimoorluni nukittunerulersitsinermik aamma pilersitsisarluni. Siunnersuutit malikkutsigit, inuttut ataasiakkaatut nukittunerulissaagut, inuiaqatigiittullu nukittunerulissalluta. Nunatta upalungaarsimasuutitaasa piareersimaneri innuttaasut qularutigissanngilluinnarpaat, aamma upalungaarsimasutut suliassat suliassanik ilisimasalinnit, misilittagalinnit suliassaqarfimmillu ilisimasalinnit suliarineqarnissaat - aamma pisoq immikkorluinnaq ittuutillugu suliarineqassaqqaartut ilisimassavaat. Ajutoortoqarnerani eqaatsumik suliarinnittussaqarpugut, erseqqissumik akisussaaffilersuisoqareerluta aamma immikkoortortaqarfiit immikkoortuini oqartussanilu nukittoorujussuarmik suleqatigiittartunik peqarluta”, Aalisarnermut, Piniarnermut, Nunalerinermut, Imminut Pilersornermut Avatangiisinullu Naalakkersuisoq Peter Borg taama oqarpoq nangillunilu:
”Inuiaqatigiittut nukittunerpaaffitta ilisarnaatittalu ilaat ataaseq tassaavoq ikioqatigiillaqqissuserput, aammalu ajornartoornerit naatsorsuutiginngilluinnakkamik pisinnaasarnerat nalunnginnatsigu. Piareersarluarsimanissaq ileqqoraarput, silap qanoq innerata silallu pissusiata unerisimanngitsuusarnerat ulluinnarsiutigigatsigu. Ilaanneeriarluta pisunit immitsinnut sanngiinnerulersittarnerput misigisarparput, soorlu tamanna innaallagiaarunnermi misiginikuugipput. Taamaattumik - ataasiakkaatut aammali inuiaqatigiittut - piareersarnissarput aamma pingaaruteqarpoq. Sunik tamanik sapigaarunnissaq imaluunniit suut tamarmik ataatsikkut pissarsiarineqarnissaat naatsorsuutigineqanngilaq, kisiannili piareersimannginnermit piareersimaneq pitsaaneruvoq”, Naalakkersuisoq Peter Borg naggasiivoq.
Siunnersuutit paasiuminartut inunnut ataasiakkaanut nalimmassarneqarsinnaapput
Quppersagaaraq imermik imerneqarsinnaasumik, nerisassanik, nakorsaatinik, kiassarnermik, attaveqaqatigiissinnaanermik aamma immikkut ittumik pisariaqartitsisinnaanermik ilaatigut ilitsersuussivoq. Siunnersuutit aqqutissiuussisuupput aamma angerlarsimaffiit ataasiakkaat qanorissussaannut, aningaasaqarnermut najukkamilu pissutsinut nalimmassarneqartussaallutik. Kikkut tamarmik assigiimmik tunngavissaqanngitsut aamma ilisimaarineqartoq oqaatigissallugu pingaaruteqarpoq, aamma iluaqutitalimmik ataatsimoorussilluni - ilaquttat, eqqaamiut imaluunniit najukkani inuiaqatigiit - ilagalugit piareersartoqarsinnaavoq.
Quppersagaaraq ”Ajornartoornermut piareersarneq – ullut tallimat ingerlanerini napatinnissannut piareersarit”
Quppersagaaraq ”Ajornartoornermut piareersarneq – ullut tallimat ingerlanerini napatinnissannut piareersarit” uani aaneqarsinnaavoq.
Attavissaq
Paasisaqarnerorusukkuit Pinngortitamut Avatangiisinullu Naalakkersuisoqarfik pan@nanoq.gl-imut attavigiuk
”Ajornartoornermut piareersarneq - ullut tallimat ingerlanerini napatinnissannut piareersarit” innaallagiaaruttarnerup nalaani iluaqutissatut suliarineqarpoq
Inuiaqatigiit toqqissisimalernerunissaat anguniarlugu aamma inuiaqatigiinni upalungaarsimasuutitat tamarmiusut nukittunerulernissaat qulakkeerniarlugit siunnersuutit suliarineqarput. Quppersagaaraq taamaalilluni inuiaqatigiinni ernumanernut tuppallersaataassanngilaq, kisiannili piffissaalluarallartillugu iliuuseqarnissamik siunertaqarluni. Innuttaasut imminnut qanigisaminnullu sapinngisamik piffissami sivikitsumi napatissinnaassappata, oqartussat pisariaqartitsinerpaanik samminninnissartik sammisinnaalissavaat - aamma pisup nalinginnaasunngortinnissaanut sukkasuumik suliaqarsinnaalissallutik.
Quppersagaaqqamik ”Ajornartoornermut piareersarneq - ullut tallimat ingerlanerini napatinnissannut piareersarit”-mik suliaqarneq naalakkersuisoqarfiit, kommunit, Kalaallit Nunaanni Politiit, Issittumi Sakkutooqarfiup suleqatigiinnerini aamma Namminersorlutik Oqartussat suliffeqarfiutaasa suliffeqarfiillu namminersortitat isumassarsianik tunniussuinerisa kingunerisaanik piviusunngortinneqarpoq. Taamaalilluni siunnersuutit Kalaallit Nunaata Upalungaarsimanissamut ataatsimiititaliarsuani aamma eqqartorneqarnikuupput.
”Angerlarsimaffiit suliassaannik siunnersuutillu paasiuminartut pillugit quppersagaaqqamik saqqummersitsineq ajornartoortoqarnissaanik naatsorsuuteqarnitsinnik oqariartornerunngilaq. Siunnersuusiorpugut akisussaaffimmik tigusisoqarnissaanik aamma piffissaalluarallartillugu piareersimanissamik iliuuseqartoqarnissaanik quppersagaaraq siunertaqartutut paasineqassaaq. Piareersarneq eqqissinermik pilersitsisarpoq, aamma imminut napatissinnaanermik inunnillu allanik ulluni arlalinni ikiunissamut nukissaqalersitsisarluni, taamaalilluni ataatsimoorluni nukittunerulersitsinermik aamma pilersitsisarluni. Siunnersuutit malikkutsigit, inuttut ataasiakkaatut nukittunerulissaagut, inuiaqatigiittullu nukittunerulissalluta. Nunatta upalungaarsimasuutitaasa piareersimaneri innuttaasut qularutigissanngilluinnarpaat, aamma upalungaarsimasutut suliassat suliassanik ilisimasalinnit, misilittagalinnit suliassaqarfimmillu ilisimasalinnit suliarineqarnissaat - aamma pisoq immikkorluinnaq ittuutillugu suliarineqassaqqaartut ilisimassavaat. Ajutoortoqarnerani eqaatsumik suliarinnittussaqarpugut, erseqqissumik akisussaaffilersuisoqareerluta aamma immikkoortortaqarfiit immikkoortuini oqartussanilu nukittoorujussuarmik suleqatigiittartunik peqarluta”, Aalisarnermut, Piniarnermut, Nunalerinermut, Imminut Pilersornermut Avatangiisinullu Naalakkersuisoq Peter Borg taama oqarpoq nangillunilu:
”Inuiaqatigiittut nukittunerpaaffitta ilisarnaatittalu ilaat ataaseq tassaavoq ikioqatigiillaqqissuserput, aammalu ajornartoornerit naatsorsuutiginngilluinnakkamik pisinnaasarnerat nalunnginnatsigu. Piareersarluarsimanissaq ileqqoraarput, silap qanoq innerata silallu pissusiata unerisimanngitsuusarnerat ulluinnarsiutigigatsigu. Ilaanneeriarluta pisunit immitsinnut sanngiinnerulersittarnerput misigisarparput, soorlu tamanna innaallagiaarunnermi misiginikuugipput. Taamaattumik - ataasiakkaatut aammali inuiaqatigiittut - piareersarnissarput aamma pingaaruteqarpoq. Sunik tamanik sapigaarunnissaq imaluunniit suut tamarmik ataatsikkut pissarsiarineqarnissaat naatsorsuutigineqanngilaq, kisiannili piareersimannginnermit piareersimaneq pitsaaneruvoq”, Naalakkersuisoq Peter Borg naggasiivoq.
Siunnersuutit paasiuminartut inunnut ataasiakkaanut nalimmassarneqarsinnaapput
Quppersagaaraq imermik imerneqarsinnaasumik, nerisassanik, nakorsaatinik, kiassarnermik, attaveqaqatigiissinnaanermik aamma immikkut ittumik pisariaqartitsisinnaanermik ilaatigut ilitsersuussivoq. Siunnersuutit aqqutissiuussisuupput aamma angerlarsimaffiit ataasiakkaat qanorissussaannut, aningaasaqarnermut najukkamilu pissutsinut nalimmassarneqartussaallutik. Kikkut tamarmik assigiimmik tunngavissaqanngitsut aamma ilisimaarineqartoq oqaatigissallugu pingaaruteqarpoq, aamma iluaqutitalimmik ataatsimoorussilluni - ilaquttat, eqqaamiut imaluunniit najukkani inuiaqatigiit - ilagalugit piareersartoqarsinnaavoq.
Quppersagaaraq ”Ajornartoornermut piareersarneq – ullut tallimat ingerlanerini napatinnissannut piareersarit”
Quppersagaaraq ”Ajornartoornermut piareersarneq – ullut tallimat ingerlanerini napatinnissannut piareersarit” uani aaneqarsinnaavoq.
Attavissaq
Paasisaqarnerorusukkuit Pinngortitamut Avatangiisinullu Naalakkersuisoqarfik pan@nanoq.gl-imut attavigiuk