AtuartigukAtorfinitsitsinermi uppernarsaanermut inatsit 1. januar 2026-mi ikaarsaarnermi aalajangersagaq atorunnaarpoq– nalunaarut nutaaq takkukkumaarpoq
Nassiussisuuvoq: Isumaginninnermut, Suliffeqarnermut Nunamullu Namminermut Naalakkersuisoqarfik
Ulloq 1. januar 2026 aallarnerfigalugu sulisitsisup akissarsialimmut atorfininnermi atugassarititaasut (atorfininnermi uppernarsaanermut inatsit) pillugit ilisimatitsisussaatitaanera pillugu Inatsisartut inatsisaat ikaarsaarnermi aalajangersagaa atorunnaarpoq. Inatsisartut Inatsisaat sulisunut atorfininnermi atugassarititaasut, atorfininnermi paasissutissat sorliit tunniunneqartassanersut, ersarissuunissaannut ammasumillu suleriaaseqarnissamut pisinnaatitaaffii nukittorsarneqarput.
Inatsisartut inatsisaannik nutaanik atuutilersitsisoqarnerani atorfinitsitsinerit atuutereersimasut qanoq pineqarnissaat aalajangersarniarlugu piffissaq atuutilersitsinermut aalajangersagaq siunertaasimavoq. „Atorfinitsitsinermut uppernarsaat pillugu inatsimmi“ piffissaq atuutilersitsinermut aalajangersagaq atorunnaarsinneqarpat, tamanna isumaqarpoq, atorfinitsitsinerit siornatigut pilersinneqarsimasut pillugit immikkut, piffissami killilimmi atuuttussanik aalajangersakkanik maanna atuuttunik peqartoqarunnaartoq.
Namminersorlutik Oqartussat nalunaarut maannakkorpiaq suliarileruttorpaat, ukiumi nutaami saqqummiunneqartussaq. Nalunaarummi atorfiit sorliit Inatsisartut inatsisaanni ilaatinneqannginnersut ersarissarneqassaaq.
”Inatsisartut inatsisaanni sulisartut pisinnaatitaaffitik pillugit nalornissuteqarunnaarnerat qulakkeerneqarpoq. Atorfininnermi atugassarititaasut ersarissut tassaapput suliffeqarnermut naapertuuttumik ingerlalluartumillu tunngavigisassat” Isumaginninnermut, Suliffeqarnermut, Ineqarnermut, Attaveqaasersuutinut Isorliunerusunullu Naalakkersuisoq, Aqqaluaq B. Egede, oqaaseqarpoq.
Taamaattumik inatsisip maanna ukioq affaq missaani atuutilersimammat aammalu suliffeqarfiit allaffissornikkut naleqqussaasinnaasimammata, Naalakkersuisut maanna Fast Track-imik aaqqissuussinermut ilanngunneqarsimasut suliffeqarfiit attaveqarfigissavaat nunani allaniit sulisussarsiornermut tunngatillugu, siunertaralugu siusinnerusukkut akuersissutigineqarsimasut nutarterneqarnissaat nalilersoqqinneqassammata. Tamanna pissutigalugu qulakkeerneqassaaq siusinnerusukkut akuersissuteqarsimasut suliffeqarfiit tamarmik atorfinitsitsinermi atugassarititaasut pillugit maleruagassat aamma piumasaqaatit nutaat naapertorlugit ingerlatsinersut.
Paasissutissat allat pissarsiarineqarnissaannut nalunaarut Nalunaarutit.gl-imi tamanut saqqummiunneqarneri peqatigalugit atortussat ilitsersuutillu nassiunneqarumaarput.
Attaveqarfissaq
Erseqqinnerusumik paasissutissat pissarsiariniarlugit attaveqarfigiuk naalakkersuisup allattaa Lars-Salik Henningsen Kielsen emailikkut lskh@nanoq.gl imaluunniit oqarasuaatikkut +299 34 54 45 imaluunniit Naalakkersuisoqarfik attaveqarfigiuk emailikkut ISN@nanoq.gl
Inatsisartut inatsisaannik nutaanik atuutilersitsisoqarnerani atorfinitsitsinerit atuutereersimasut qanoq pineqarnissaat aalajangersarniarlugu piffissaq atuutilersitsinermut aalajangersagaq siunertaasimavoq. „Atorfinitsitsinermut uppernarsaat pillugu inatsimmi“ piffissaq atuutilersitsinermut aalajangersagaq atorunnaarsinneqarpat, tamanna isumaqarpoq, atorfinitsitsinerit siornatigut pilersinneqarsimasut pillugit immikkut, piffissami killilimmi atuuttussanik aalajangersakkanik maanna atuuttunik peqartoqarunnaartoq.
Namminersorlutik Oqartussat nalunaarut maannakkorpiaq suliarileruttorpaat, ukiumi nutaami saqqummiunneqartussaq. Nalunaarummi atorfiit sorliit Inatsisartut inatsisaanni ilaatinneqannginnersut ersarissarneqassaaq.
”Inatsisartut inatsisaanni sulisartut pisinnaatitaaffitik pillugit nalornissuteqarunnaarnerat qulakkeerneqarpoq. Atorfininnermi atugassarititaasut ersarissut tassaapput suliffeqarnermut naapertuuttumik ingerlalluartumillu tunngavigisassat” Isumaginninnermut, Suliffeqarnermut, Ineqarnermut, Attaveqaasersuutinut Isorliunerusunullu Naalakkersuisoq, Aqqaluaq B. Egede, oqaaseqarpoq.
Taamaattumik inatsisip maanna ukioq affaq missaani atuutilersimammat aammalu suliffeqarfiit allaffissornikkut naleqqussaasinnaasimammata, Naalakkersuisut maanna Fast Track-imik aaqqissuussinermut ilanngunneqarsimasut suliffeqarfiit attaveqarfigissavaat nunani allaniit sulisussarsiornermut tunngatillugu, siunertaralugu siusinnerusukkut akuersissutigineqarsimasut nutarterneqarnissaat nalilersoqqinneqassammata. Tamanna pissutigalugu qulakkeerneqassaaq siusinnerusukkut akuersissuteqarsimasut suliffeqarfiit tamarmik atorfinitsitsinermi atugassarititaasut pillugit maleruagassat aamma piumasaqaatit nutaat naapertorlugit ingerlatsinersut.
Paasissutissat allat pissarsiarineqarnissaannut nalunaarut Nalunaarutit.gl-imi tamanut saqqummiunneqarneri peqatigalugit atortussat ilitsersuutillu nassiunneqarumaarput.
Attaveqarfissaq
Erseqqinnerusumik paasissutissat pissarsiariniarlugit attaveqarfigiuk naalakkersuisup allattaa Lars-Salik Henningsen Kielsen emailikkut lskh@nanoq.gl imaluunniit oqarasuaatikkut +299 34 54 45 imaluunniit Naalakkersuisoqarfik attaveqarfigiuk emailikkut ISN@nanoq.gl