AtuartigukPinerluttuliornerit akiorniarlugit suliniutit Naalakkersuisut patajaallisarpaat
Nassiussisuuvoq: Inuutissarsiornermut, Nukissiutinut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Pineqatissiinermi piffissap sivisunerpaap sivitsorneqarnissaa pillugu Naalakkersuisut Inatsisartullu piumasaqaataat ullumikkut Folketingip naammassillugu suliara. Massakkut ukiunit 10-nit taarsiullugu ukiut 16-it tikillugit paarsaarussaanissamik eqqartuussiviit eqqartuussisinnaanngornerat, tamatuma kinguneraa.
Inatsisit atuutsinneqarnerannut akisussaasutut Naalakkersuisuusoq, Naaja H. Nathanielsen, oqaaseqarpoq:
”Pinerluttulerinermi inatsisip ineriartornermut malinnaanissaa, tamatsinnut pingaaruteqarpoq. Eqqartuussiveqarnermut tatiginninneq attanneqaannassappat, eqqartuussiviit iliuusereriikkanut kingunerititaasa aamma eqqugaasut inuiaqatigiillu naapertuilluartoqarneranik isiginninnerisa akornanni ataqatigiittoqassaaq. Kisianni ukiorpassuarni qummut killiliussamit sivisunerpaamik ukiunik 10-nik sivisussuseqartumit eqqartuussiviit killilerneqartarsimapput. Qallunaat ministeriisa taarseraattuartut ataanni kalaallit kissaataasa akuersorneqarnissaata pilersinneqarnissaa ukiunik arlalinnik sivisussuseqarsimavoq, taamaammallu ulloq una pitsaasuuvoq, tassani siunnersuut inaarutaasumik akuersissutigineqarpoq.
Massakkut eqqartuussiveqarnerup aaqqissuussiffigeqqinneqarnissaa Naalakkersuisut suliaraat, tassani pinerluttulerineq pillugu inatsiseqartitsineq tiguneqassalluni. Tamanna iluatsissappat, siunissami pinerluttulerinermi inatsisip allanngortinneqarnerisa suliarineqarnissaat Inatsisartut kisimik aalajangertassavaat. Aaqqissuusseqqinneq politikkikkut partiit qanittumik oqaloqatigalugit aamma soorunami innuttaasut ilanngunneqarnerisigut pissaaq. Eqqartuussiveqarneq tamat oqartussaaqataaneranni sukarsuummat atatitsisoq, aaqqissuusseqqinnerup politikikkut innuttaasunillu atituumik tapersersorneqarnissaa Naalakkersuisut anguniassavaat”.
Paasissutissat:
Inatsisip allanngortinneqarnissaa Inatsisartuni ulloq 22. oktober 2025 akuersissutigineqarpoq, aamma ulloq 1. januar 2026 atuutilersussanngorlugu ullumikkut inaarutaasumik Folketingimi akuersissutigineqarluni.
Inatsisit atuutsinneqarnerannut taamanikkut naalakkersuisuusumit Martha Abelsenimit pineqaatissiinermut piffissap sivisunerpaap qaffanneqarnissaanik kissaat, siullerpaamik qallunaat naalakkersuisuinut 2018-imi decemberimi saqqummiunneqarpoq.
Paasisaqarnerorusukkuit naalakkersuisup allattaa Jeanette L. Petersen, jalp@nanoq.gl attavigiuk.
Inatsisit atuutsinneqarnerannut akisussaasutut Naalakkersuisuusoq, Naaja H. Nathanielsen, oqaaseqarpoq:
”Pinerluttulerinermi inatsisip ineriartornermut malinnaanissaa, tamatsinnut pingaaruteqarpoq. Eqqartuussiveqarnermut tatiginninneq attanneqaannassappat, eqqartuussiviit iliuusereriikkanut kingunerititaasa aamma eqqugaasut inuiaqatigiillu naapertuilluartoqarneranik isiginninnerisa akornanni ataqatigiittoqassaaq. Kisianni ukiorpassuarni qummut killiliussamit sivisunerpaamik ukiunik 10-nik sivisussuseqartumit eqqartuussiviit killilerneqartarsimapput. Qallunaat ministeriisa taarseraattuartut ataanni kalaallit kissaataasa akuersorneqarnissaata pilersinneqarnissaa ukiunik arlalinnik sivisussuseqarsimavoq, taamaammallu ulloq una pitsaasuuvoq, tassani siunnersuut inaarutaasumik akuersissutigineqarpoq.
Massakkut eqqartuussiveqarnerup aaqqissuussiffigeqqinneqarnissaa Naalakkersuisut suliaraat, tassani pinerluttulerineq pillugu inatsiseqartitsineq tiguneqassalluni. Tamanna iluatsissappat, siunissami pinerluttulerinermi inatsisip allanngortinneqarnerisa suliarineqarnissaat Inatsisartut kisimik aalajangertassavaat. Aaqqissuusseqqinneq politikkikkut partiit qanittumik oqaloqatigalugit aamma soorunami innuttaasut ilanngunneqarnerisigut pissaaq. Eqqartuussiveqarneq tamat oqartussaaqataaneranni sukarsuummat atatitsisoq, aaqqissuusseqqinnerup politikikkut innuttaasunillu atituumik tapersersorneqarnissaa Naalakkersuisut anguniassavaat”.
Paasissutissat:
Inatsisip allanngortinneqarnissaa Inatsisartuni ulloq 22. oktober 2025 akuersissutigineqarpoq, aamma ulloq 1. januar 2026 atuutilersussanngorlugu ullumikkut inaarutaasumik Folketingimi akuersissutigineqarluni.
Inatsisit atuutsinneqarnerannut taamanikkut naalakkersuisuusumit Martha Abelsenimit pineqaatissiinermut piffissap sivisunerpaap qaffanneqarnissaanik kissaat, siullerpaamik qallunaat naalakkersuisuinut 2018-imi decemberimi saqqummiunneqarpoq.
Paasisaqarnerorusukkuit naalakkersuisup allattaa Jeanette L. Petersen, jalp@nanoq.gl attavigiuk.