AtuartigukPeqqinnissaqarfiup nittartagaanut Sundhedsplatformen-imut isersinnaalerneq napparsimasut isumannaatsuunissaannik nukittorsaassaaq
Nassiussisuuvoq: Peqqissutsimut inunnullu Innarluutilinnut Naalakkersuisoqarfik
Maanna København-imi Kalaallit Peqqissartut Illuanni peqqinnissaqarfimmi sulisut akuerisaasut, peqqinnissaqarfiup nittartagaani, Sundhedsplatformen-imi, qarasaasiatigoortumik napparsimasut pillugit allagaatinik toqqortaasivimmiittunik atuarsinnaalerput, ilaatigut Rigshospitalet-imi atorneqartartumi. Taamaalilluni kalaallinut napparsimasunut Danmarkimi suliaritittunut napparsimasut isumannaatsuunissaat malunnaateqarluartumik pitsanngoriaateqartinneqassaaq.
- Peqqinnissaqarfiup nittartagaani, Sundhedsplatformen-imi atuarsinnaalerneq, Kalaallit Nunaata aamma Danmarkip akornanni napparsimasunik suliarinnittarnerup ataqatigiissaarneqarnerata nukittorsaaffigineranut tamanna alloriarneruvoq pingaarutilik. Danmarkimi Indenrigs- og Sundhedsministereqarfiup pitsaasumik suleqatiginerata tamanna inernerivaa aalajangersimasoq,” Peqqissutsimut inunnullu Innarluutilinnut Naalakkersuisoq, Anna Wangenheim oqarpoq.
Peqqinnissaqarfiup nittartagaanut, Sundhedsplatformen-imut isersinnaalerneq arlalinnik malunnaatilinnik iluaqutinik tunniussaqarpoq:
Napparsimasut isumannaatsuunissaannik pitsaanerulersitsineq: Kalaallit Peqqissartut Illuanni peqqinnissaqarfimmi sulisut akuerisaasut toqqaannartumik napparsimasut pillugit allagaatinik atuarsinnaalissapput, taamaalillutillu suliaritinnerit pilersaarutillu pillugit tapersersuinissamut periarfissaqalissapput, tamanna kukkusinnaanernut aarlerinaammik minnerulersitsissaaq.
Suleriaatsit pitsaasut: Atuarsinnaalerneq eqaannerusumik suliat ingerlanissaannik periarfissiivoq, tamanna napparsimasunik pingaarutilimmik tapersersuilluni sulinermut piffissamik atorsinnaasamik pilersitsissaaq.
Pilersaarusiorneq pitsaanerusoq: Napparsimasunik Kalaallit Nunaannit aggersaanermi, piffissat pilersaarutaasut periusissallu assersuutigalugu nereqqusaaffiit, maannakkut sulisunit misissorneqarsinnaalerput, tamanna pilersaarusiornermik pitsaanerusumik periarfissiissaaq.
Malitseqartitsineq sukkanerusoq: Napparsimasut Danmarkimi inaarlugit suliarineqareeraangata, aallartussanngornermi nakorsap nakorsamut allakkiai pissarsiarineqarsinnaanersut sulisut takusinnaalerpaat, taamaalilluni nakorsat Kalaallit Nunaanniittut taakkuninnga pilertortumik tigusisinnaalissallutik. Nakorsap nakorsamut allakkiaa tassaavoq, napparsimasup nappaataata oqaluttuassartaa napparsimmaviullu suliarinninnera pillugu naatsumik allakkiaq.
Peqqinnissaqarfiup nittartagaa, Sundhedsplatformen, tassaavoq Region Hovedstaden-ip aamma Region Sjælland-ip qarasaasiatigoortumik napparsimasut pillugit allagaatinut toqqorsiviat. Peqqinnissaqarfiup nittartagaa, Sundhedsplatformen, napparsimasoq pillugu allagaatinik, misiligutinut akissutinik isumaqatigiissutinillu tamakkiisumik paasissutissiinernut peqqinnisssaqarfimmi sulisut atuarsinnaanerannik periarfissiissaaq. Napparsimasut aamma paasissutissat taakku amerlanersaannik pissarsisinnaapput, peqqinnissaqarfiup nittartagaa, Sundhedsplatformen, aqqutigalugu.
Sukumiinerusumik paasissutissat pillugit Peqqissutsimut inunnullu Innarluutilinnut Naalakkersuisoqarfik saaffigisinnaavat. E-mail: pn@nanoq.gl, oqarasuaat +299 34 50 00.
- Peqqinnissaqarfiup nittartagaani, Sundhedsplatformen-imi atuarsinnaalerneq, Kalaallit Nunaata aamma Danmarkip akornanni napparsimasunik suliarinnittarnerup ataqatigiissaarneqarnerata nukittorsaaffigineranut tamanna alloriarneruvoq pingaarutilik. Danmarkimi Indenrigs- og Sundhedsministereqarfiup pitsaasumik suleqatiginerata tamanna inernerivaa aalajangersimasoq,” Peqqissutsimut inunnullu Innarluutilinnut Naalakkersuisoq, Anna Wangenheim oqarpoq.
Peqqinnissaqarfiup nittartagaanut, Sundhedsplatformen-imut isersinnaalerneq arlalinnik malunnaatilinnik iluaqutinik tunniussaqarpoq:
Napparsimasut isumannaatsuunissaannik pitsaanerulersitsineq: Kalaallit Peqqissartut Illuanni peqqinnissaqarfimmi sulisut akuerisaasut toqqaannartumik napparsimasut pillugit allagaatinik atuarsinnaalissapput, taamaalillutillu suliaritinnerit pilersaarutillu pillugit tapersersuinissamut periarfissaqalissapput, tamanna kukkusinnaanernut aarlerinaammik minnerulersitsissaaq.
Suleriaatsit pitsaasut: Atuarsinnaalerneq eqaannerusumik suliat ingerlanissaannik periarfissiivoq, tamanna napparsimasunik pingaarutilimmik tapersersuilluni sulinermut piffissamik atorsinnaasamik pilersitsissaaq.
Pilersaarusiorneq pitsaanerusoq: Napparsimasunik Kalaallit Nunaannit aggersaanermi, piffissat pilersaarutaasut periusissallu assersuutigalugu nereqqusaaffiit, maannakkut sulisunit misissorneqarsinnaalerput, tamanna pilersaarusiornermik pitsaanerusumik periarfissiissaaq.
Malitseqartitsineq sukkanerusoq: Napparsimasut Danmarkimi inaarlugit suliarineqareeraangata, aallartussanngornermi nakorsap nakorsamut allakkiai pissarsiarineqarsinnaanersut sulisut takusinnaalerpaat, taamaalilluni nakorsat Kalaallit Nunaanniittut taakkuninnga pilertortumik tigusisinnaalissallutik. Nakorsap nakorsamut allakkiaa tassaavoq, napparsimasup nappaataata oqaluttuassartaa napparsimmaviullu suliarinninnera pillugu naatsumik allakkiaq.
Peqqinnissaqarfiup nittartagaa, Sundhedsplatformen, tassaavoq Region Hovedstaden-ip aamma Region Sjælland-ip qarasaasiatigoortumik napparsimasut pillugit allagaatinut toqqorsiviat. Peqqinnissaqarfiup nittartagaa, Sundhedsplatformen, napparsimasoq pillugu allagaatinik, misiligutinut akissutinik isumaqatigiissutinillu tamakkiisumik paasissutissiinernut peqqinnisssaqarfimmi sulisut atuarsinnaanerannik periarfissiissaaq. Napparsimasut aamma paasissutissat taakku amerlanersaannik pissarsisinnaapput, peqqinnissaqarfiup nittartagaa, Sundhedsplatformen, aqqutigalugu.
Sukumiinerusumik paasissutissat pillugit Peqqissutsimut inunnullu Innarluutilinnut Naalakkersuisoqarfik saaffigisinnaavat. E-mail: pn@nanoq.gl, oqarasuaat +299 34 50 00.