AtuartigukInunnguaq Petrussen Kalaallit Nunaanni Filminstitutimi aqutsisunngussaaq
Nassiussisuuvoq: Ilinniartitaanermut, Kulturemut, Timersornermut Ilageeqarnermullu Naalakkersuisoqarfik
Kalaallit Nunaanni Filminstitutip siulersuisuisa Inunnguaq Petrussen 1. december 2025-mi institutimi siullersaalluni aqutsisunngortussanngorlugu atorfinitsippaat. Inunnguaq Petrussen allaffissornikkut kulturimullu tunngasunik annertuunik misilittagaqarluni filminstitutip nutaap aallartisarnerani ineriartortinneqarneranilu siuttunngortussanngorpoq.
Filminstitutimi siulersuisut Inunnguaq Petrussen allaffissornikkut naalakkersuinikkullu ingerlaatsinik Kalaallit Nunaanilu kulturimut tunngasunik ilisimasaqarluarnera tunngavigalugu toqqarpaat.
Kalaallit Nunaanni Filminstituti nunatsinni filmiliortarnerup ineriartortinnerani qitiusumik inissisimasup siunertaraa:
• Filmiliortarnerup, filmertarfeqarnerup festivalertitsisarnerillu nunarput tamakkerlugu siuarsarneqarnissaa
• Filmiliortartut TVkkullu aallakaatitassiortartut nunanit allaneersut nunatsinnukarsinnaanissaanut kajumilersitsiniarnissaq
• Kalaallit filmiliaasa nunatsinni nunanilu allani ilisimaneqarnerulernissaat
• Piukkunnaatilinnik aammalu filmiliortarnerup eqqumiitsuliatut ingerlanneqarnissaanut ineriartortitsineq
• Nuna tamakkerlugu filmkommisionitut akisussaaffimmik isumaginninneq
Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Nivi Olsen ima oqarpoq:
“Kalaallit Nunaata Filminstitutianik pilersitsinikkut toqqammavissat pilersinneqareerput Filminstitutillu pisortartaavata Inunnguaq Petrussenip pitsaasumik angusaqarfiussussamillu suleqatiginissaa qilanaaraara.”
Kalaallit Nunaanni Filminstitutti sinnerlugu siulittaasoq Malik Kleist ima oqarpoq:
”Kalaallit Nunaanni Filminstitutimi aqutsisussatut siullertut Inunnguaq Petrussen ilisaritissinnaagatsigu siulittaasuni nuannaarutigaarput. Inunnguaq kulturimut tunngasunik annertuunik piginnaasaqarpoq aaqqissuusaasumillu sulisinnaassuseqarluni allaffissornikkullu suleriaatsinik ilisimasaqarluarluni, piginnaasassallu pineqartut aallartisarnitsinni atorfissaqarteqigatsigit atorluassavagut. Filminstititutimik ingerlalluartumik siunissamullu isiginnittumik kalaallit filmiliaannik kulturiannillu nunatsinni nunanilu allani saqqummersitsisarnissatsinni siuttussatsinnik siulersuisut suleqateqarnissartik qilanaaraat.”
Inunnguaq Petrussen oqarpoq:
“Atorfimmut pissanganartumut nutaajusumullu aallartinnissara qilanaareqaara. Filmiliortortatta periarfissaasa annertusarnissaat, nunattalu qissiminneqarnera atorluarlugu filminstitutteqalernikkut periarfissanik ujartueqataaffiginissai qilanaarivara.”
Filminstitutip, Inunnguaq Petrussen siuttoralugu, kulturikkut aningaasarsiornikkullu ineriartornermi siuttutut inissisimanissaa aammalu kalaallit nipaasa oqaluttuaasalu - nunatsinni nunanilu allani - tusaaneqarneqarnerulernissaanut siuttutut inissisimanissaa naatsorsuutigineqarpoq.
Annertunerusumik paasisaqarusukkuit una attavigiuk: Naalakkersuisup allataa Kresten Lennert, oqa. +299 345675, krlt@nanoq.gl
Filminstitutimi siulersuisut Inunnguaq Petrussen allaffissornikkut naalakkersuinikkullu ingerlaatsinik Kalaallit Nunaanilu kulturimut tunngasunik ilisimasaqarluarnera tunngavigalugu toqqarpaat.
Kalaallit Nunaanni Filminstituti nunatsinni filmiliortarnerup ineriartortinnerani qitiusumik inissisimasup siunertaraa:
• Filmiliortarnerup, filmertarfeqarnerup festivalertitsisarnerillu nunarput tamakkerlugu siuarsarneqarnissaa
• Filmiliortartut TVkkullu aallakaatitassiortartut nunanit allaneersut nunatsinnukarsinnaanissaanut kajumilersitsiniarnissaq
• Kalaallit filmiliaasa nunatsinni nunanilu allani ilisimaneqarnerulernissaat
• Piukkunnaatilinnik aammalu filmiliortarnerup eqqumiitsuliatut ingerlanneqarnissaanut ineriartortitsineq
• Nuna tamakkerlugu filmkommisionitut akisussaaffimmik isumaginninneq
Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Nivi Olsen ima oqarpoq:
“Kalaallit Nunaata Filminstitutianik pilersitsinikkut toqqammavissat pilersinneqareerput Filminstitutillu pisortartaavata Inunnguaq Petrussenip pitsaasumik angusaqarfiussussamillu suleqatiginissaa qilanaaraara.”
Kalaallit Nunaanni Filminstitutti sinnerlugu siulittaasoq Malik Kleist ima oqarpoq:
”Kalaallit Nunaanni Filminstitutimi aqutsisussatut siullertut Inunnguaq Petrussen ilisaritissinnaagatsigu siulittaasuni nuannaarutigaarput. Inunnguaq kulturimut tunngasunik annertuunik piginnaasaqarpoq aaqqissuusaasumillu sulisinnaassuseqarluni allaffissornikkullu suleriaatsinik ilisimasaqarluarluni, piginnaasassallu pineqartut aallartisarnitsinni atorfissaqarteqigatsigit atorluassavagut. Filminstititutimik ingerlalluartumik siunissamullu isiginnittumik kalaallit filmiliaannik kulturiannillu nunatsinni nunanilu allani saqqummersitsisarnissatsinni siuttussatsinnik siulersuisut suleqateqarnissartik qilanaaraat.”
Inunnguaq Petrussen oqarpoq:
“Atorfimmut pissanganartumut nutaajusumullu aallartinnissara qilanaareqaara. Filmiliortortatta periarfissaasa annertusarnissaat, nunattalu qissiminneqarnera atorluarlugu filminstitutteqalernikkut periarfissanik ujartueqataaffiginissai qilanaarivara.”
Filminstitutip, Inunnguaq Petrussen siuttoralugu, kulturikkut aningaasarsiornikkullu ineriartornermi siuttutut inissisimanissaa aammalu kalaallit nipaasa oqaluttuaasalu - nunatsinni nunanilu allani - tusaaneqarneqarnerulernissaanut siuttutut inissisimanissaa naatsorsuutigineqarpoq.
Annertunerusumik paasisaqarusukkuit una attavigiuk: Naalakkersuisup allataa Kresten Lennert, oqa. +299 345675, krlt@nanoq.gl