AtuartigukNakkutilliisoqarfimmi siulittaasoq taarserneqarpoq
Nassiussisuuvoq: Isumaginninnermut, Suliffeqarnermut Nunamullu Namminermut Naalakkersuisoqarfik
Nakkutilliisoqarfik nutaamik siulittaasoqalerpoq, maannakkut ukiut qulit sinnerlugit siulittaasooreertoq tunuarmat. Siulittaasoq nutaaq Nunatsinni Eqqartuussisuuneqarfimmit toqqagaavoq.
Nakkutilliisoqarfimmi siulittaasoq nutaaq, Morten Engberg, inatsisilerituutut ilinniagaqarpoq aamma Ilisimatusarfimmi kommunit pillugit inatsisilerinermik ilinniartitsisuulluni. 2020-p kingorna nunatsinni kommunit pillugit inatsisilerinermik ilinniartitsisuuvoq aamma 2022-mi atuagaq ilinniut Kommunestyret i Grønland saqqummersillugu, kommunit aqunneqarnerat pillugu aamma kommuninik nakkutilliineq pillugu nunatsinni malittarisassanut tunngasunik imaqartoq. Atuagaq Ilisimatusarfimmi atuarsimasassanut ilaavoq.
Morten Engberg Nunamut Namminermut Ministereqarfimmi 1983-imi Kommunit pillugit Immikkoortortaqarfimmi atorfinikkami, kommunit pillugit inatsisilerinermut soqutigisaqalerpoq. 1993-imiit 1997-imut Frederiksberg Kommunemi inatsisilerinermut pisortaavoq. 1985-imi kommunit pillugit inatsisilerinermi ilinniartitsisalerpoq aamma Kommunestyret i Danmark, sisamariarluni saqqummersinneqartoq atuakkiaralugu, kiisalu kommunit pillugit aamma ingerlatsinermut inatsisilerinernut tunngasunik atuakkianut ilanngutassianullu ilanngussaqartarluni.
Ullumikkut Morten Engberg Folketingip Ombudsmandiatut sulivoq, nakkutilliinermut immikkoortortaqarfimmiilluni. Ilaatigut Ombudsmandip nunatsinni isertitsivinni, politeeqarfinni kommunefogedinilu nakkutilliinerani peqataasarpoq.
Danmarkimi Foreningen for Kommunal- og Forvaltningsret (Danmarkimi kommunit pillugit aamma ingerlatsinermut inatsisilerinermut Peqatigiiffik) pilersinneqarmat pilersitseqataavoq sulilu peqatigiiffimmut siulersuisuinut ilaasortaalluni.
Sólja í Ólavsstovu Nakkutilliisoqarfimmi ukiuni qulit sinnerlugit siulittaasooreerluni tunuarpoq. Arnaq suliani pingaarutilinni pisariusunilu arlalinni suliarineqarneranni siuttuuvoq - tassunga ilanngullugu Nuummi inissiat pillugit suliaq piffissami sivisuumi suliarineqartoq ukiullu sisamat suliarineqareerluni ukioq kingulleq aggustimi naammassineqartoq.
Tunuarnerminut atatillugu oqaaseqarpoq:
”Periarfissaq iluatsillugu Nakkutilliisoqarfimmut siulittaasuunissamut periarfissinneqarama qujassutigerusuppara. Pingaartumik Nakkutilliisoqarfiup Allattoqarfiani sulisunut nikerartunut pitsaasumik suleqatigiinnermut qujassuteqarusuppunga.
Siulittaasutut tunuarnera uannut tussunngunarpoq. Kalaallit Nunaat inuuninni initoqaaq aamma uummatinni imartoqaaq – kisianni suna tamarmi naggatissaqarpoq”.
Sólja í Ólavsstovu inatsisilerituutut ilinniagaqarpoq Naalakkersuisunut siusinnerusukkut pisortatut, Savalimmiuni Lagtingimut ombudsmanditut aamma Savalimmiuni Ilinniartitsisut Kattuffiannut inatsisilerinermut siunnersortitut atorfeqarluni. Nuummi ukiuni 15-ini najugaqarlunilu sulivoq aamma piffissami sivisuumi pimoorussilluni pisortanik kiffartuussilluni.
Isumaginninnermut, Suliffeqarnermut, Nunamut Namminermut Avatangiisinullu Naalakkersuisoq, Bentiaraq Ottosen, oqaaseqarpoq:
“Naalakkersuisut sinnerlugit Sólja í Ólavsstovu ukiorpassuarni pimoorussilluni sulineranut qujassuteqarfiginiarpara. Kommuninik nakkutilliinermut suliamut paasisimannilluarluni unneqqarillunilu annertuumik suliniuteqarpoq.
Peqatigisaanik siulittaasoq nutaaq, Morten Engberg, tikilluaqqorusupparput, pitsaasumik angusaqarfiulluartumillu suleqatigiinnissarput qilanaaralugu”.
Attaveqarfissaq
Paasissutissat erseqqinnerusut pillugit Brandur Franklin Karlsson e-mailikkut: brka@nanoq.gl oqarasuaatikkulluunniit + 299 34 56 00 atorlugu attaveqarfigisinnaavat.
Nakkutilliisoqarfimmi siulittaasoq nutaaq, Morten Engberg, inatsisilerituutut ilinniagaqarpoq aamma Ilisimatusarfimmi kommunit pillugit inatsisilerinermik ilinniartitsisuulluni. 2020-p kingorna nunatsinni kommunit pillugit inatsisilerinermik ilinniartitsisuuvoq aamma 2022-mi atuagaq ilinniut Kommunestyret i Grønland saqqummersillugu, kommunit aqunneqarnerat pillugu aamma kommuninik nakkutilliineq pillugu nunatsinni malittarisassanut tunngasunik imaqartoq. Atuagaq Ilisimatusarfimmi atuarsimasassanut ilaavoq.
Morten Engberg Nunamut Namminermut Ministereqarfimmi 1983-imi Kommunit pillugit Immikkoortortaqarfimmi atorfinikkami, kommunit pillugit inatsisilerinermut soqutigisaqalerpoq. 1993-imiit 1997-imut Frederiksberg Kommunemi inatsisilerinermut pisortaavoq. 1985-imi kommunit pillugit inatsisilerinermi ilinniartitsisalerpoq aamma Kommunestyret i Danmark, sisamariarluni saqqummersinneqartoq atuakkiaralugu, kiisalu kommunit pillugit aamma ingerlatsinermut inatsisilerinernut tunngasunik atuakkianut ilanngutassianullu ilanngussaqartarluni.
Ullumikkut Morten Engberg Folketingip Ombudsmandiatut sulivoq, nakkutilliinermut immikkoortortaqarfimmiilluni. Ilaatigut Ombudsmandip nunatsinni isertitsivinni, politeeqarfinni kommunefogedinilu nakkutilliinerani peqataasarpoq.
Danmarkimi Foreningen for Kommunal- og Forvaltningsret (Danmarkimi kommunit pillugit aamma ingerlatsinermut inatsisilerinermut Peqatigiiffik) pilersinneqarmat pilersitseqataavoq sulilu peqatigiiffimmut siulersuisuinut ilaasortaalluni.
Sólja í Ólavsstovu Nakkutilliisoqarfimmi ukiuni qulit sinnerlugit siulittaasooreerluni tunuarpoq. Arnaq suliani pingaarutilinni pisariusunilu arlalinni suliarineqarneranni siuttuuvoq - tassunga ilanngullugu Nuummi inissiat pillugit suliaq piffissami sivisuumi suliarineqartoq ukiullu sisamat suliarineqareerluni ukioq kingulleq aggustimi naammassineqartoq.
Tunuarnerminut atatillugu oqaaseqarpoq:
”Periarfissaq iluatsillugu Nakkutilliisoqarfimmut siulittaasuunissamut periarfissinneqarama qujassutigerusuppara. Pingaartumik Nakkutilliisoqarfiup Allattoqarfiani sulisunut nikerartunut pitsaasumik suleqatigiinnermut qujassuteqarusuppunga.
Siulittaasutut tunuarnera uannut tussunngunarpoq. Kalaallit Nunaat inuuninni initoqaaq aamma uummatinni imartoqaaq – kisianni suna tamarmi naggatissaqarpoq”.
Sólja í Ólavsstovu inatsisilerituutut ilinniagaqarpoq Naalakkersuisunut siusinnerusukkut pisortatut, Savalimmiuni Lagtingimut ombudsmanditut aamma Savalimmiuni Ilinniartitsisut Kattuffiannut inatsisilerinermut siunnersortitut atorfeqarluni. Nuummi ukiuni 15-ini najugaqarlunilu sulivoq aamma piffissami sivisuumi pimoorussilluni pisortanik kiffartuussilluni.
Isumaginninnermut, Suliffeqarnermut, Nunamut Namminermut Avatangiisinullu Naalakkersuisoq, Bentiaraq Ottosen, oqaaseqarpoq:
“Naalakkersuisut sinnerlugit Sólja í Ólavsstovu ukiorpassuarni pimoorussilluni sulineranut qujassuteqarfiginiarpara. Kommuninik nakkutilliinermut suliamut paasisimannilluarluni unneqqarillunilu annertuumik suliniuteqarpoq.
Peqatigisaanik siulittaasoq nutaaq, Morten Engberg, tikilluaqqorusupparput, pitsaasumik angusaqarfiulluartumillu suleqatigiinnissarput qilanaaralugu”.
Attaveqarfissaq
Paasissutissat erseqqinnerusut pillugit Brandur Franklin Karlsson e-mailikkut: brka@nanoq.gl oqarasuaatikkulluunniit + 299 34 56 00 atorlugu attaveqarfigisinnaavat.