AtuartigukNalunaarsuisarfimmi CVR-mi nalunaarsorneqarnissaq pillugu aamma angallatinut 6 meterit ataallugit takitigisunut nalunaarsuinissamik piumasaqaatit pillugit ikaarsaariarnissamut aaqqissuussineq
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
Naalakkersuisut pingaartippaat inuit toqqissisimanissaat naak 2025-imi CVR-nr.-mik suli peqalersimanngikkaluarlutik imaaluunniit umiatsiaaraartik pisariaqartumik nalunaarsortissimanngikkaluarlugu, taamaattumillu 2026-mi aalisarnertik ingerlatiinnarsinnaassallugu.
CVR-imi nalunaarsuinissamik piumasaqaat ”Qitiusumik Suliffeqarfinnik Nalunaarsuiffimmi nalunaarsuisarneq pillugu Inatsisartut inatsisaat”-ni 2016-imi akuerineqartumik 2018-milu atuutilersinneqartumi aalajangersarneqarpoq. Inuussutissarsiummik ingerlatsiniarluni nalunaarsorneqarsimanissaq inatsisip kingunera. Suliffeqarfiit www.aka.gl aqqutigalugu nalunaarsorneqarsinnaapput, tassanilu ilitsersuut aamma takuneqarsinnaavoq. Innuttaasut annertunerusumik ikiorneqarniarlutik najukkaminni kommunip allaffianut imaluunniit Akileraartarnermut Aqutsisoqarfimmut saaffiginnissinnaapput.
Inuussutissarsiornermi angallatit aalisarsinnaanermut akuersissummik pissarsinissamut malittarisassat atuuttut naapertorlugit nalunaarsorneqarsimanissaat aalisarneq pillugu inatsimmut tapiliullugu aamma piumasaqaataavoq. Malittarisassat taakku uani ”Umiarsuit nalunaarsorneqartarnissaat pillugit Kalaallit Nunaannut nalunaarut, matumani umiarsuit inuttaqartinnagit attartortittakkat nalunaarsorneqartarnissaat aamma Dansk Skibsregister-imi (qallunaat umiarsuarnik nalunaarsuisarfianni) umiarsuit nalunaarsorneqarsimasut pisinnaatitaaffii aamma umiarsuit Kalaallit Nunaanni angerlarsimaffillit Fartøjsfortegnelse-mi (angallatit nalunaarsorneqarfianni) ilanngunneqartarnissaat ilanngullugit” allassimapput. Tamanna Danmarkimi Erhvervsministeriet ataani Søfartsstyrelsen-imit allaffissornikkut aqunneqarpoq.
Naalakkersuisulli maannamut paasisimavaat inuit pineqartut ilaat CVR-nr.-mik pissarsisimanngitsut imaluunniit umiatsiaarartik nalunaarsortissimanngikkaat.
Taamaattumik erseqqissarneqassaaq 2026-imi aalisarsinnaanermut akuersissummik pissarsinissamut naammassammat pisortanut pineqartut qinnuteqaammik nassitsisimanermut uppernarsaanissaq.
Taamaasilluni aalisartut nalunaarsuineq suli inissinneqanngikkaluartoq ukiumut pisassiiviusumut 2026-mut aalisarsinnaanermut akuersissummik pissarsisinnaanerat qulakkeerneqassaaq.
Naalakkersuisut aamma umiatsiaaqqanik nalunaarsuineq eqqarsaatigalugu sapinngisamik naleqquttumik ikaarsaariartoqarnissaa qulakkeerniarlugu Erhvervsminister Morten Bødskov-imut saaffiginnipput.
Annertunerusunik paasisaqarusukkuit Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik apn@nanoq.gl attavigiuk
CVR-imi nalunaarsuinissamik piumasaqaat ”Qitiusumik Suliffeqarfinnik Nalunaarsuiffimmi nalunaarsuisarneq pillugu Inatsisartut inatsisaat”-ni 2016-imi akuerineqartumik 2018-milu atuutilersinneqartumi aalajangersarneqarpoq. Inuussutissarsiummik ingerlatsiniarluni nalunaarsorneqarsimanissaq inatsisip kingunera. Suliffeqarfiit www.aka.gl aqqutigalugu nalunaarsorneqarsinnaapput, tassanilu ilitsersuut aamma takuneqarsinnaavoq. Innuttaasut annertunerusumik ikiorneqarniarlutik najukkaminni kommunip allaffianut imaluunniit Akileraartarnermut Aqutsisoqarfimmut saaffiginnissinnaapput.
Inuussutissarsiornermi angallatit aalisarsinnaanermut akuersissummik pissarsinissamut malittarisassat atuuttut naapertorlugit nalunaarsorneqarsimanissaat aalisarneq pillugu inatsimmut tapiliullugu aamma piumasaqaataavoq. Malittarisassat taakku uani ”Umiarsuit nalunaarsorneqartarnissaat pillugit Kalaallit Nunaannut nalunaarut, matumani umiarsuit inuttaqartinnagit attartortittakkat nalunaarsorneqartarnissaat aamma Dansk Skibsregister-imi (qallunaat umiarsuarnik nalunaarsuisarfianni) umiarsuit nalunaarsorneqarsimasut pisinnaatitaaffii aamma umiarsuit Kalaallit Nunaanni angerlarsimaffillit Fartøjsfortegnelse-mi (angallatit nalunaarsorneqarfianni) ilanngunneqartarnissaat ilanngullugit” allassimapput. Tamanna Danmarkimi Erhvervsministeriet ataani Søfartsstyrelsen-imit allaffissornikkut aqunneqarpoq.
Naalakkersuisulli maannamut paasisimavaat inuit pineqartut ilaat CVR-nr.-mik pissarsisimanngitsut imaluunniit umiatsiaarartik nalunaarsortissimanngikkaat.
Taamaattumik erseqqissarneqassaaq 2026-imi aalisarsinnaanermut akuersissummik pissarsinissamut naammassammat pisortanut pineqartut qinnuteqaammik nassitsisimanermut uppernarsaanissaq.
Taamaasilluni aalisartut nalunaarsuineq suli inissinneqanngikkaluartoq ukiumut pisassiiviusumut 2026-mut aalisarsinnaanermut akuersissummik pissarsisinnaanerat qulakkeerneqassaaq.
Naalakkersuisut aamma umiatsiaaqqanik nalunaarsuineq eqqarsaatigalugu sapinngisamik naleqquttumik ikaarsaariartoqarnissaa qulakkeerniarlugu Erhvervsminister Morten Bødskov-imut saaffiginnipput.
Annertunerusunik paasisaqarusukkuit Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik apn@nanoq.gl attavigiuk