AtuartigukPinerluttuliortarnernut eqqartuussutinullu innuttaasutu isumaat nalunaarusiami nutaani piareerput
Nassiussisuuvoq: Inuutissarsiornermut, Nukissiutinut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Eqqartuussutinut pineqaatissiisarnermilu killiffinnut innuttaasut isumaat pillugit misissuineq nutaaq ullumi tamanut saqqummiunneqarpoq. Misissuineq Naalakkersuisunit inniminnerneqarsimavoq.
Iliuutsinut pinerluttuliornerusunut pineqaatissiissutit killiffiinut innuttaasut isumaat nalunaarusiami misissorneqarput. Innuttaasut ataatsimiisinneqarnerinit, internetimut attaveqarnikkut apersuinermi immersugassaq atorlugu misissuineq aamma oqaaseqaateqaqqullugit nalileeqqullugillu toqqakkani peqataasut apeqqarissarfigineqarneri, taakkunani toqqakkat, hashimik anngiortumik eqqussineq, nakuuserneq, pinngitsaaliilluni atoqateqarneq, meeqqanik innarliineq, toqutseriarneq aamma mianersuaalliorluni toqutsineq pillugit suliat peqataasunut saqqummiunneqarput. Eqqartuussiveqarnermi suliat taakku qanoq eqqartuussutigineqarsimaneri pillugit apeqineqartut qanoq namminneq isumaqarneri, aamma pineqaatissiissut sorleq, namminneq eqqartuussutigerusunneraat misissuinermi takutinneqarput.
Isummaminnik ilanngussisimasut tamaasa Naalakkersuisut qutsavigiumavaat.
Eqqartuussivinnit piviusumik eqqartuussutigineqarsimasunit qajassuussinerusunik eqqartuussisoqarsimaneranik peqataasut naatsorsuuteqaqqajaanerat nalunaarusiap inerniliussaani takutinneqarpoq. Suut naapertuilluartutut isigissaneritik pillugit peqataasut namminneq isumaat, amerlanertigut eqqartuussiviit eqqartuussutigisimasaannut naapertuuttarput. Eqqartuussiviit sulisaasiat pingaarnertut innuttaasut naapertuilluartoqarneranik misigisimasaannut naapertuuttoq, tamatuma ilimanarsisippaa.
Meeqqanut innarliisarnerit sivisoorujussuarmik pineqaatissiissutaasariaqaraluarnerannik innuttaasut isumaqartut, aamma ilaat, pinerluttulerinermi inatsimmi killiliussat piusut qaangerujussuarlugit pineqaatissiisoqartariaqaraluarneranik isumaqartut, nalunaarusiap aamma taamaattoq takutippaa.
Danmarkip Kalaallit Nunaatalu akornanni suliani assigiiaartuni eqqartuussutit sivisussusaasa assersuunneqarnerat nalunaarusiap misilippaa. Danmarkimi eqqartuussutit assinginut naleqqiullugit, Kalaallit Nunaanni eqqartuussutit sivisussutsimikkut appasinnerusut, assersuussinerup takutippaa, kisianni inatsisip sivisunerpaamik pineqaatissiisinnaanera isiginiakanneraanni, sukangassusaat assigiissinnaapput. Ikiaroortartumut atassuteqartumik pinerluttuliornerit erseqqissumik tassani ilaanngillat, tassami Kalaallit Nunaanni eqqartuussutit annertuumik sukannernerupput.
Naalakkersuisoq, Naaja H. Nathanielsen, ima oqaaseqaateqarpoq:
”Pinerluttulerinermi inatsisip ullutsinnut naleqquttuunissaa aamma innuttaasut naapertuilluartoqarneranik misigisimanissaannut naammassinninnissaa, Naalakkersuisunut pingaaruteqarpoq. Siunissami eqqartuussiveqarfimmik qanoq aaqqissuussinissatsinnut isumaliutiginninnissatsinnut nalunaarusiap inerniliussaasa paasissutissanik tunngavittut atugassatsinnik tunivaatigut.
Ukiakkut ataatsimiinnerni matumani sivisunerpaamik pineqaatissiissutip ukiunit 10-nit ukiunut 16-inut qaffanneqarnissaa pillugu inatsisissatut siunnersuut Inatsisartut suliarissavaat. Siunissami eqqartuussiveqarnitsinnut eqqortumik sammivilimmik tamanna alloriarneruvoq aamma pineqaatissiinernik sivisuunerusunik kinguneqarnissaa naatsorsuutigineqartariaqarpoq, ingammik suliani ingasattuni, inunnut navianaatilimmik pinerluttuliornerusuni.”
Naaja H. Nathanielsenip ilanngullugu oqaatigaa:
”Eqqartuussiveqarneq pillugu killiliussat nutarterneqarnissaat siunertaralugu, nalunaarusiap inerniliineri inerniliussaalu oqallisiginiarlugit Inatsisartuni partiit tamaasa qaaqqusimavakka. Partiit isumaat tusaassallugit qilanaaraara, tassami eqqartuussiveqarput aamma eqqartuussiveqarnitsinni tunngaviusumik malittarisassat tassaasariaqarput tamatta tapersersorsinnaasassagut aamma tapersersugassagut.”
Misissuineq, Naalakkersuisunit inniminnerneqarsimasoq, Ilisimatusarfimmi adjunktitut professorimit Anette Storgaardimit aamma universitetimi inatsisinik ilisimatusartut pikkorissut ilaannit suliarineqarpoq. Nalunaarusiaq uani takuneqarsinnaavoq
Paasisaqarnerorusukkuit naalakkersuisup allattaa Jeanette L. Petersen, E-mailikkut ugguuna: jalp@nanoq.gl attavigiuk.
Iliuutsinut pinerluttuliornerusunut pineqaatissiissutit killiffiinut innuttaasut isumaat nalunaarusiami misissorneqarput. Innuttaasut ataatsimiisinneqarnerinit, internetimut attaveqarnikkut apersuinermi immersugassaq atorlugu misissuineq aamma oqaaseqaateqaqqullugit nalileeqqullugillu toqqakkani peqataasut apeqqarissarfigineqarneri, taakkunani toqqakkat, hashimik anngiortumik eqqussineq, nakuuserneq, pinngitsaaliilluni atoqateqarneq, meeqqanik innarliineq, toqutseriarneq aamma mianersuaalliorluni toqutsineq pillugit suliat peqataasunut saqqummiunneqarput. Eqqartuussiveqarnermi suliat taakku qanoq eqqartuussutigineqarsimaneri pillugit apeqineqartut qanoq namminneq isumaqarneri, aamma pineqaatissiissut sorleq, namminneq eqqartuussutigerusunneraat misissuinermi takutinneqarput.
Isummaminnik ilanngussisimasut tamaasa Naalakkersuisut qutsavigiumavaat.
Eqqartuussivinnit piviusumik eqqartuussutigineqarsimasunit qajassuussinerusunik eqqartuussisoqarsimaneranik peqataasut naatsorsuuteqaqqajaanerat nalunaarusiap inerniliussaani takutinneqarpoq. Suut naapertuilluartutut isigissaneritik pillugit peqataasut namminneq isumaat, amerlanertigut eqqartuussiviit eqqartuussutigisimasaannut naapertuuttarput. Eqqartuussiviit sulisaasiat pingaarnertut innuttaasut naapertuilluartoqarneranik misigisimasaannut naapertuuttoq, tamatuma ilimanarsisippaa.
Meeqqanut innarliisarnerit sivisoorujussuarmik pineqaatissiissutaasariaqaraluarnerannik innuttaasut isumaqartut, aamma ilaat, pinerluttulerinermi inatsimmi killiliussat piusut qaangerujussuarlugit pineqaatissiisoqartariaqaraluarneranik isumaqartut, nalunaarusiap aamma taamaattoq takutippaa.
Danmarkip Kalaallit Nunaatalu akornanni suliani assigiiaartuni eqqartuussutit sivisussusaasa assersuunneqarnerat nalunaarusiap misilippaa. Danmarkimi eqqartuussutit assinginut naleqqiullugit, Kalaallit Nunaanni eqqartuussutit sivisussutsimikkut appasinnerusut, assersuussinerup takutippaa, kisianni inatsisip sivisunerpaamik pineqaatissiisinnaanera isiginiakanneraanni, sukangassusaat assigiissinnaapput. Ikiaroortartumut atassuteqartumik pinerluttuliornerit erseqqissumik tassani ilaanngillat, tassami Kalaallit Nunaanni eqqartuussutit annertuumik sukannernerupput.
Naalakkersuisoq, Naaja H. Nathanielsen, ima oqaaseqaateqarpoq:
”Pinerluttulerinermi inatsisip ullutsinnut naleqquttuunissaa aamma innuttaasut naapertuilluartoqarneranik misigisimanissaannut naammassinninnissaa, Naalakkersuisunut pingaaruteqarpoq. Siunissami eqqartuussiveqarfimmik qanoq aaqqissuussinissatsinnut isumaliutiginninnissatsinnut nalunaarusiap inerniliussaasa paasissutissanik tunngavittut atugassatsinnik tunivaatigut.
Ukiakkut ataatsimiinnerni matumani sivisunerpaamik pineqaatissiissutip ukiunit 10-nit ukiunut 16-inut qaffanneqarnissaa pillugu inatsisissatut siunnersuut Inatsisartut suliarissavaat. Siunissami eqqartuussiveqarnitsinnut eqqortumik sammivilimmik tamanna alloriarneruvoq aamma pineqaatissiinernik sivisuunerusunik kinguneqarnissaa naatsorsuutigineqartariaqarpoq, ingammik suliani ingasattuni, inunnut navianaatilimmik pinerluttuliornerusuni.”
Naaja H. Nathanielsenip ilanngullugu oqaatigaa:
”Eqqartuussiveqarneq pillugu killiliussat nutarterneqarnissaat siunertaralugu, nalunaarusiap inerniliineri inerniliussaalu oqallisiginiarlugit Inatsisartuni partiit tamaasa qaaqqusimavakka. Partiit isumaat tusaassallugit qilanaaraara, tassami eqqartuussiveqarput aamma eqqartuussiveqarnitsinni tunngaviusumik malittarisassat tassaasariaqarput tamatta tapersersorsinnaasassagut aamma tapersersugassagut.”
Misissuineq, Naalakkersuisunit inniminnerneqarsimasoq, Ilisimatusarfimmi adjunktitut professorimit Anette Storgaardimit aamma universitetimi inatsisinik ilisimatusartut pikkorissut ilaannit suliarineqarpoq. Nalunaarusiaq uani takuneqarsinnaavoq
Paasisaqarnerorusukkuit naalakkersuisup allattaa Jeanette L. Petersen, E-mailikkut ugguuna: jalp@nanoq.gl attavigiuk.