AtuartigukKalaallit Nunaanni tuttoqatigiit ingerlalluarnissaat Pinngortitaleriffik naliliivoq.
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
KNR ullormi 20. aggustimi 2025 ”Issittumi tuttut ikileriarujussuarnissaannik ilisimatusartut ilimasaaripput”-mik taaguutilimmik allaaserisaqarpoq. Allaaserisami Københavns Universitetimeersoq misissuinermut innersuussisoqarpoq, tassani inerniliisoqarluni Issittumi sumiiffinni aalajangersimasuni tuttoqatigiit ukiumi 2100-mi silap pissusiata allanngoriartornerata kingunerisaanik 80% angullugu ikileriarsimasinnaassasut, tamannalu Amerikap avannaani ajornerpaarpaassalluni.
Tamanna pillugu Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik Pinngortitaleriffimmut saaffiginnippoq, misissuineq Kalaallit Nunaanni tuttoqatigiinnut qanoq attuumassuteqarnersoq paasiniarlugu.
Misissuineq pingaarnertut Amerikap avannaanut tunngassuteqartoq pillugu Pinngortitaleriffik naliliivoq issittumi tuttut qanoq inneranik nutaarsiassaqanngitsoq. Kalaallit Nunaanneersut tuttut timip kingornussaanut tunngasumik ilanngussisoqarsimarpasinngilaq, naatsorsoriaatsit statistikimut tunngasut tuttoqatigiit assigiinngitsut annertussusaannik, katitigaanerannik agguaannerannillu paasissutissanik imaqanngillat imaluunniit naasoqassutsip piffissap ingerlanerani allanngorneranik siulittuutinik imaqaratik.
Inuit pilersitaannik tuttut uumaffigisinnaasaannik annaasaqarneq aamma tuttunik nujuitsunik timip kingornussaanut tunngasumik akuliunneq pissutigalugu Canadami aamma Norgemi tuttoqatigiit arlallit kinguariartorput. Kalaallit Nunaanni Issittumi tuttut uumaffigisinnaasaannik inuit pilersitaannik ajornerulersitsisoqarnikuunngilaq mikisukkuuttaanngorlugillu immikkoortitsisoqarnikuunani, tuttoqatigiillu taakku aalaakkaasuupput ingerlalluarlutillu. Kalaallit Nunaanni nunaminertat maannakkut sermeqqasut silap kiatsikkiartornerata aatsissavai tuttullu uumaffigisinnaasaat taamaalillutik tikikkuminarnerulissapput, Pinngortitaleriffik naliliivoq.
Pinngortitaleriffiup naliliinera naapertorlugu KNR-mi allaaserisaq pineqartoq Kalaallit Nunaanni tuttoqatigiinnut attuumassuteqanngitsoq Naalakkersuisoqarfimmiit maluginiarneqarpoq.
Sukumiinerusumik paasisaqarusukkaanni Immikkoortortaqarfimmi pisortaq Amalie A. Jessen, Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: amalie@nanoq.gl
Tamanna pillugu Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik Pinngortitaleriffimmut saaffiginnippoq, misissuineq Kalaallit Nunaanni tuttoqatigiinnut qanoq attuumassuteqarnersoq paasiniarlugu.
Misissuineq pingaarnertut Amerikap avannaanut tunngassuteqartoq pillugu Pinngortitaleriffik naliliivoq issittumi tuttut qanoq inneranik nutaarsiassaqanngitsoq. Kalaallit Nunaanneersut tuttut timip kingornussaanut tunngasumik ilanngussisoqarsimarpasinngilaq, naatsorsoriaatsit statistikimut tunngasut tuttoqatigiit assigiinngitsut annertussusaannik, katitigaanerannik agguaannerannillu paasissutissanik imaqanngillat imaluunniit naasoqassutsip piffissap ingerlanerani allanngorneranik siulittuutinik imaqaratik.
Inuit pilersitaannik tuttut uumaffigisinnaasaannik annaasaqarneq aamma tuttunik nujuitsunik timip kingornussaanut tunngasumik akuliunneq pissutigalugu Canadami aamma Norgemi tuttoqatigiit arlallit kinguariartorput. Kalaallit Nunaanni Issittumi tuttut uumaffigisinnaasaannik inuit pilersitaannik ajornerulersitsisoqarnikuunngilaq mikisukkuuttaanngorlugillu immikkoortitsisoqarnikuunani, tuttoqatigiillu taakku aalaakkaasuupput ingerlalluarlutillu. Kalaallit Nunaanni nunaminertat maannakkut sermeqqasut silap kiatsikkiartornerata aatsissavai tuttullu uumaffigisinnaasaat taamaalillutik tikikkuminarnerulissapput, Pinngortitaleriffik naliliivoq.
Pinngortitaleriffiup naliliinera naapertorlugu KNR-mi allaaserisaq pineqartoq Kalaallit Nunaanni tuttoqatigiinnut attuumassuteqanngitsoq Naalakkersuisoqarfimmiit maluginiarneqarpoq.
Sukumiinerusumik paasisaqarusukkaanni Immikkoortortaqarfimmi pisortaq Amalie A. Jessen, Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: amalie@nanoq.gl