AtuartigukPeqqinnissaqarfimmi atorfillit ilisimatusarfimmi ilinniartitaanermi nutaami siuttuupput
Nassiussisuuvoq: Peqqissutsimut inunnullu Innarluutilinnut Naalakkersuisoqarfik
Peqqinnissaqarfimmi atorfillit aqqaneq marluk suliitigaluni kandidatinngorniarneq aallarteqqammerpaat.
Peqqissaasut qulaaluat juumuullu pingasut, nunatsinni napparsimmavinni peqqissaavinnilu atorfillit, ukiuni tulliuttunmi sisamani suliitigalutik ilisimatusarfimmi kandidatinngorniassapput.
Nunatsinni Peqqinnissaqarfiup, Danmarkimi Syddansk Universitetip (SDU) Peqqissaanermik Pinngortitamillu Ilisimatusarfiup akornanni suleqatigiissut nutaaq, ilinniartut sivikillisamik suliitigalutik qaffasinnerusumik ilinniagaqarnissaannut periarfissiivoq. Ilinniartitsineq annertunerusumik internet aqqutigalugu Danmarkimi SDU-mi ilinniartitsisunit ingerlanneqassaaq.
Ilinniartitaanerup aallartinnerani, kalaallit ilinniartut Nuummi ilisimatusarfimmi katersuupput, tassani ilinniartitaaneq pillugu paasissutissinneqarlutik, minnerunngitsumillu ilinniaqatissaminnik naapitsillutik. suliitigaluni kandidatinngorniarneq nutaap aallarneneqarnera, ataasinngornermi septembarip ulluisa aallaqqaataanni, kaffillernermik suleqatigisanullu ilinniartunullu oqalugiarnermik ilaqartoq, pisortatigoortumik Ilisimatusarfimmi nalliussineqarpoq.
Suliitigaluni kandidatinngorniarnerit taakku marluk, suliitigaluni peqqissaasutut kandidatinngorniarneq peqqinnissamullu tunngatillugu kandidatinngorniarneq, peqqissaasunut, juumuunut, aaviisartunut peqqinnissamullu tunngasunik allanik ilinnigalinnut bachelorinut sammitinneqarput. Ilinniartunngortut ukiut sisamat ingerlanerini Peqqinnissaqarfimmi suliitigalutik kandidatinngorniarsinnaapput ilinniarnerminnilu aningaasarsiaqassallutik.
Nunatta Danmarkillu taama suleqatigiissuteqalernerat, nunatsinni Peqqinnissaqarfimmik nukittorsaassaaq, nunarput suliffillu qimanngikkaluarlugit qaffasinnerusumik ilinniagaqarnissamut periarfissanik nutaanik pilersitsissalluni.
”Ilinniartitaanerit Peqqinnissaqarfimmi massakkorpiaq unammilligassanut, tassalu sulisussarsiniarnermut aalaakkaasunillu sulisoqarniarnermut, nunatsinni piginnaasatigut inerisaanissamik ulluinnarnilu nunatsinni napparsimasunik sullissinermi pitsaassutsimik nukittorsaanissamik kissaateqarnermut aaqqiissutaasussaassapput. Tamanna aamma neriuuteqalersitsivoq. Siunissamissaaq pikkorissunik nunarsuarmi pitsanerpaanik sulisussarsisinnaanissamut aalaakkasunillu sulisoqarsinnaanissamut neriunneq. Innuttaasunut nakorsaanermik qaffasissumik pitsaassusilimmik najukkamullu sapinngisamik qaninnerpaami neqeroorsinnaajuarnissamut neriunneq, minnerunngitsumillu ileqqunik, ilisimasat nutaat ilinniagaqartuutullu piginnaasat, nunatsinni peqqinnissakkut sullissinermi pisusissamisoortutut akuulernissaannik neriunneq,” Peqqissutsinut Inunnullu Innarluutilinnut Naalakkersuisoq Anna Wangenheim oqarpoq.
Naatsorsuutigisamit amerlanerit unammilligassinninneqarnissamik, tassalu suliitigaluni ilinniarnissamik tamatuminnga toqqaasimanerat, taamaalillutillu ilisimalikaminnik immikkoortortaminnut oqqussisalernissaat, Peqqinnissaqarfiup qullersaqarfiani nuannaarutigineqaqaaq.
”Tamanna pitsaassumik kinguneqarluartitsisussamillu, Peqqinnissaqarfimmut pitsaanerulersitseqataasinnaasumik- peqqinnermut nappateqarnermullu nutaamik isiginnilersitsissaaq. Sulisut suliassaminnut pikkorissut qaffasissumik ilinniagallit, taamaalillutillu suliffimmi ineriartornermik ilisimasanillu nutaanerpaanik, ilisimatusarnermik tunngaveqartunik atassusiisinnaasut pisariaqartippagut. Ilinniarlutik aallartittut aqqaneq marluk taakku siuttuupput tamannalu sapiissuseqarnermik piumasaqaatitaqarpoq. Taakku amerlaqisugut tapersersortigaluta ilisimassavaat,” Dronning Ingridip Napparsimmavissuani pisortaanermut tullersorti Aka Olesen oqarpoq.
Suliitigaluni Ilisimatusarfimmi ilinniartitaasut ukiut sisamat qaangiuppata nalinginnaasumik kandidatitut taaguuteqalissapput.
Peqqissutsimut inunnullu Innarluutilinnut Naalakkersuisup Anna Wangenheimip oqaaseqarluni oqalugiaataa, Ilisimatusarfik 1. september 2025
Paasissutissat sukumiinerusut pisortaanermut tullersorti -Dronning Ingridip Napparsimmavissua Aka Olesen imal. pisortaanermut tullersorti Ella Skifte- sinerissami qitiusumik immikkoortut, mailikkut: kommunikation@peqqik.gl attavigalugit pissarsiarineqarsinnaapput.
Peqqissaasut qulaaluat juumuullu pingasut, nunatsinni napparsimmavinni peqqissaavinnilu atorfillit, ukiuni tulliuttunmi sisamani suliitigalutik ilisimatusarfimmi kandidatinngorniassapput.
Nunatsinni Peqqinnissaqarfiup, Danmarkimi Syddansk Universitetip (SDU) Peqqissaanermik Pinngortitamillu Ilisimatusarfiup akornanni suleqatigiissut nutaaq, ilinniartut sivikillisamik suliitigalutik qaffasinnerusumik ilinniagaqarnissaannut periarfissiivoq. Ilinniartitsineq annertunerusumik internet aqqutigalugu Danmarkimi SDU-mi ilinniartitsisunit ingerlanneqassaaq.
Ilinniartitaanerup aallartinnerani, kalaallit ilinniartut Nuummi ilisimatusarfimmi katersuupput, tassani ilinniartitaaneq pillugu paasissutissinneqarlutik, minnerunngitsumillu ilinniaqatissaminnik naapitsillutik. suliitigaluni kandidatinngorniarneq nutaap aallarneneqarnera, ataasinngornermi septembarip ulluisa aallaqqaataanni, kaffillernermik suleqatigisanullu ilinniartunullu oqalugiarnermik ilaqartoq, pisortatigoortumik Ilisimatusarfimmi nalliussineqarpoq.
Suliitigaluni kandidatinngorniarnerit taakku marluk, suliitigaluni peqqissaasutut kandidatinngorniarneq peqqinnissamullu tunngatillugu kandidatinngorniarneq, peqqissaasunut, juumuunut, aaviisartunut peqqinnissamullu tunngasunik allanik ilinnigalinnut bachelorinut sammitinneqarput. Ilinniartunngortut ukiut sisamat ingerlanerini Peqqinnissaqarfimmi suliitigalutik kandidatinngorniarsinnaapput ilinniarnerminnilu aningaasarsiaqassallutik.
Nunatta Danmarkillu taama suleqatigiissuteqalernerat, nunatsinni Peqqinnissaqarfimmik nukittorsaassaaq, nunarput suliffillu qimanngikkaluarlugit qaffasinnerusumik ilinniagaqarnissamut periarfissanik nutaanik pilersitsissalluni.
”Ilinniartitaanerit Peqqinnissaqarfimmi massakkorpiaq unammilligassanut, tassalu sulisussarsiniarnermut aalaakkaasunillu sulisoqarniarnermut, nunatsinni piginnaasatigut inerisaanissamik ulluinnarnilu nunatsinni napparsimasunik sullissinermi pitsaassutsimik nukittorsaanissamik kissaateqarnermut aaqqiissutaasussaassapput. Tamanna aamma neriuuteqalersitsivoq. Siunissamissaaq pikkorissunik nunarsuarmi pitsanerpaanik sulisussarsisinnaanissamut aalaakkasunillu sulisoqarsinnaanissamut neriunneq. Innuttaasunut nakorsaanermik qaffasissumik pitsaassusilimmik najukkamullu sapinngisamik qaninnerpaami neqeroorsinnaajuarnissamut neriunneq, minnerunngitsumillu ileqqunik, ilisimasat nutaat ilinniagaqartuutullu piginnaasat, nunatsinni peqqinnissakkut sullissinermi pisusissamisoortutut akuulernissaannik neriunneq,” Peqqissutsinut Inunnullu Innarluutilinnut Naalakkersuisoq Anna Wangenheim oqarpoq.
Naatsorsuutigisamit amerlanerit unammilligassinninneqarnissamik, tassalu suliitigaluni ilinniarnissamik tamatuminnga toqqaasimanerat, taamaalillutillu ilisimalikaminnik immikkoortortaminnut oqqussisalernissaat, Peqqinnissaqarfiup qullersaqarfiani nuannaarutigineqaqaaq.
”Tamanna pitsaassumik kinguneqarluartitsisussamillu, Peqqinnissaqarfimmut pitsaanerulersitseqataasinnaasumik- peqqinnermut nappateqarnermullu nutaamik isiginnilersitsissaaq. Sulisut suliassaminnut pikkorissut qaffasissumik ilinniagallit, taamaalillutillu suliffimmi ineriartornermik ilisimasanillu nutaanerpaanik, ilisimatusarnermik tunngaveqartunik atassusiisinnaasut pisariaqartippagut. Ilinniarlutik aallartittut aqqaneq marluk taakku siuttuupput tamannalu sapiissuseqarnermik piumasaqaatitaqarpoq. Taakku amerlaqisugut tapersersortigaluta ilisimassavaat,” Dronning Ingridip Napparsimmavissuani pisortaanermut tullersorti Aka Olesen oqarpoq.
Suliitigaluni Ilisimatusarfimmi ilinniartitaasut ukiut sisamat qaangiuppata nalinginnaasumik kandidatitut taaguuteqalissapput.
Peqqissutsimut inunnullu Innarluutilinnut Naalakkersuisup Anna Wangenheimip oqaaseqarluni oqalugiaataa, Ilisimatusarfik 1. september 2025
Paasissutissat sukumiinerusut pisortaanermut tullersorti -Dronning Ingridip Napparsimmavissua Aka Olesen imal. pisortaanermut tullersorti Ella Skifte- sinerissami qitiusumik immikkoortut, mailikkut: kommunikation@peqqik.gl attavigalugit pissarsiarineqarsinnaapput.
