AtuartigukKapisilinni imeqarfiup killeqarfiata nutarterneqarnissaa Naalakkersuisut akuersissutigaat
Nassiussisuuvoq: Avatangiisinut Pinngortitamullu Naalakkersuisoqarfik
Naalakkersuisuniit Kapisilinni imeqarfiup killeqarfiata nutarterneqarnissaa akuer-sissutigineqarpoq. Killeqarfissaq nutaaq Asiaq-p – Greenland Survey – suliaraa, tassanilu imeq pillugu paasissutissat nutartikkat aamma misissueqqissaariaatsit nutaaliaasut digitaliusut atorneqarput. Nutarterinermi sumiiffiup, imermik imerne-qarsinnaasumik, Kapisilinni atorneqartussamik milluaaviup inissisimaffiata eq-qornerusumik naleqqunnerusumillu illersorneqarnissaa qulak-keerneqarpoq.
Imeqarfiup killeqarfiani nutartikkami maanna pissusiusut, aammalu imermik mil-luaaviup inissisimaffippiaa takuneqarsinnaapput, taakkulu killeqarfiusimasut 2013-imeersut taarserpai. Nutarterineq imermik imerneqarsinnaasumik isumal-luutit pitsaanerusumik siunnerfeqarnerusumillu illersorneqarnissaannut iluaqu-taassaaq, tamatumalu peqatigisaanik oqartussaasut pilersaarusiorneranut aqutsi-nerannullu tunngavissat naleqqunnerunissaat qulakkeerneqassalluni.
“Kapisilinni imeqarfiup killeqarfiata nutarterneqarnissaa, imermik imerneqarsin-naasutut isumalluutitta naleqqunnerusumik illersorneqarnissaannut alloriarneru-voq pingaarutilik. Ingerlatsinitsinni, paasissutissat nutartikkat misissueqqissaa-riaatsillu nutaaliaasut tunngaviginissaat Naalakkersuisunit pingaartinneqarpoq. Naalakkersuisuni, ukiuni tulliuttuni nunatsinni imeqarfiit killeqarfii amerlanerit nutarterneqarnissaat naatsorsuutigaarput”, Isumaginninnermut, Suliffeqarnermut, Nunamut Namminermut Avatangiisinullu Naalakkersuisoq Bentiaraq Ottosen oqarpoq.
Pinngortitamut Avatangiisinullu Naalakkersuisoqarfik Asiaq qinnuigaa, killeqar-fiit nutaat NunaGIS-imi iluarseqqullugit, taamaalilluni pisortatigoortumik nunat assiliornermi ersilissammat, aammalu oqartussaasunit tamanillu takuneqarsin-naalissammata.
Asiaq pillugu
Asiaq ingerlatseqatigiiffiuvoq Namminersorlutik Oqartussanit pigineqartoq, Kalaallit Nunaanni nunap assiliornermik, imermut paasissutissiisarnernik aamma avatangiisit pillugit paasissutissiisarnernik suliaqartoq. Asiaq nunamut atorneqar-tumut nutaamut tassanilu imeqarfimmut killeqarfimmut paasissutissanik tunnga-viusunik nutartikkanik pilersuisimavoq naatsorsuisimallunilu
Paasissutissat amerlanerusut piniaraanni saaffigineqarsinnaavoq Pinngortitamut Avatangiisinullu Naalakkersuisoqarfik pan@nanoq.gl