AtuartigukKalaallit Nunaanni Pinerluttunik Isumaginnittut atiat allanngortinneqarpoq
Nassiussisuuvoq: Inuutissarsiornermut, Nukissiutinut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Kalaallit Nunaanni Pinerluttunik Isumaginnittut atiat Kalaallit Nunaanni Parnaarussiveqarfinnut allanngortinneqarpoq, qallunaatut Grønlands Fængsler.
Atermik allanngortitsineq marlunnik siunertaqarpoq. Siullertut sullissivimmut, Kalaalli Nunaanni sullissisumut atip ilisarnaataasup kalaallisut oqaasiunissaa, aamma qallunaat naalagaaffiat suliassanik naammassisaqartarnermut akisussaasuugaluartoq, Naalakkersuisunut pingaaruteqarsimavoq. Aappaattut qallunaat taaguutaata “isertitsiviup” qimanneqarnissaa aamma tassunga taarsiullugu taaguutip “parnaarussiviup” atorneqarnissaa piffissanngortoq, Naalakkersuisut isumaqarput.
Atermik allanngortitsineq pinerluttulerinermi inatsisip allanngortinneqarnissaanut takkuttussamut atatillugu 2026-imi aasakkut pisortatigoortumik atuutilersinneqarnissaa naatsorsuutigineqarpoq, kisianni taaguutit nutaat taakku Naalakkersuisut maannamiit atulereerniarpaat.
Inatsisit atuutsinneqarnerannut Naalakkersuisoq akisussaasuusoq, Naaja H. Nathanielsen, atip allanngortinneqarnera pillugu ima oqaaseqarpoq:
”Sullissiviup atiata suliassaq kivinneqartoq ersersittariaqarpaa aamma inuiaqatigiinnit ateq paasineqarsinnaasariaqarpoq. Taamaammat Pinerluttunik Isumaginnittut pingaarnertut kalaallisut ateqalermata naammagisimaartorujussuuara. Tamatuma peqatigisaanik oqaatsip “isertitsiviup” oqaatsimik “parnaarussivimmik” taarserneqarnissaanut piffissaq pitsaasuusimavoq. Taamaaliorneq eqqornerusumik iliorneruvoq aamma piviusunik, inissinneqartut sulisullu inissisimaffiinik pitsaanerusumik ersersitsilluni. Kalaallit Nunaanni Parnaarussiveqarfiit aamma Danmarkimi Inatsiseqarnermut ministereqarfik atip allanngortinneqarnissaanut akuersaarmata Naalakkersuisut qutsavigaat.”
Kalaallit Nunaanni Parnaarussiveqarfiit ataanni immikkoortortaqarfiit arlallit, linkimi ilanngunneqartumi allaaserineqartut, aqqisa allanngortinneqarnerat, atip allanngortinneqarnerata kinguneraa.
Paasisaqarnerorusukkuit naalakkersuisup allattaa Jeanette L. Petersen, jalp@nanoq.gl-ikkut attaveqarfigiuk.
Atermik allanngortitsineq marlunnik siunertaqarpoq. Siullertut sullissivimmut, Kalaalli Nunaanni sullissisumut atip ilisarnaataasup kalaallisut oqaasiunissaa, aamma qallunaat naalagaaffiat suliassanik naammassisaqartarnermut akisussaasuugaluartoq, Naalakkersuisunut pingaaruteqarsimavoq. Aappaattut qallunaat taaguutaata “isertitsiviup” qimanneqarnissaa aamma tassunga taarsiullugu taaguutip “parnaarussiviup” atorneqarnissaa piffissanngortoq, Naalakkersuisut isumaqarput.
Atermik allanngortitsineq pinerluttulerinermi inatsisip allanngortinneqarnissaanut takkuttussamut atatillugu 2026-imi aasakkut pisortatigoortumik atuutilersinneqarnissaa naatsorsuutigineqarpoq, kisianni taaguutit nutaat taakku Naalakkersuisut maannamiit atulereerniarpaat.
Inatsisit atuutsinneqarnerannut Naalakkersuisoq akisussaasuusoq, Naaja H. Nathanielsen, atip allanngortinneqarnera pillugu ima oqaaseqarpoq:
”Sullissiviup atiata suliassaq kivinneqartoq ersersittariaqarpaa aamma inuiaqatigiinnit ateq paasineqarsinnaasariaqarpoq. Taamaammat Pinerluttunik Isumaginnittut pingaarnertut kalaallisut ateqalermata naammagisimaartorujussuuara. Tamatuma peqatigisaanik oqaatsip “isertitsiviup” oqaatsimik “parnaarussivimmik” taarserneqarnissaanut piffissaq pitsaasuusimavoq. Taamaaliorneq eqqornerusumik iliorneruvoq aamma piviusunik, inissinneqartut sulisullu inissisimaffiinik pitsaanerusumik ersersitsilluni. Kalaallit Nunaanni Parnaarussiveqarfiit aamma Danmarkimi Inatsiseqarnermut ministereqarfik atip allanngortinneqarnissaanut akuersaarmata Naalakkersuisut qutsavigaat.”
Kalaallit Nunaanni Parnaarussiveqarfiit ataanni immikkoortortaqarfiit arlallit, linkimi ilanngunneqartumi allaaserineqartut, aqqisa allanngortinneqarnerat, atip allanngortinneqarnerata kinguneraa.
Paasisaqarnerorusukkuit naalakkersuisup allattaa Jeanette L. Petersen, jalp@nanoq.gl-ikkut attaveqarfigiuk.