EU-p aamma Kalaallit Nunaata akornanni iliniartitaanermi immikkoortortaqarfiup iluani suleqatigiinnerat pitsaasoq

Assi: Tomas Sniegon

Europami Kommissionip 2007-mili suleqatigiinnissamut isumaqatigiissutit aqqutigalugit ilinniartitaanerit tapersersorpai. Suleqatigiinnerup taassuma ukiut 18-nit sinnerpai, taamaattumillu Kalallit Nunaanni ilinniartitaanerup nukittorsarneqarneranut peqataasimalluni, aammalu ukiuni arlalinni ilinniarfeqarfiutitsinnut iluaqutaasimalluni.

Suleqatigiinnermi pingaartinneqartut ataatsimut naleqartitat, kiisalu Kalallit Nunaanni innuttaasunut ilinniarsinnaanermut inuunerlu tamaat ilinniarsinnaanermut periarfissanik qulakkeerniarlugu piffissaq ungasinnerusoq eqqarsaatigalugu takorluugaqarneq. Tamanna kingumut aasaanerani policy dialogue ataatsimiinnerani uppernarsarneqarpoq, tassani EU-Kommissioni ataatsimiinnermut tikimmat oqaluuserisassallu assigiinngitsut pillugit oqalliseqataalluni, tamatumunnga ilanngullugu ilinniartitaaneq.

EU-mit aningaasat ilaatigut Imarsornermik Ilinniarfimmut, PI/SPS (Perorsaanermik ilinniarfik/Socialpædagogisk Seminarium) ilinniagaqarfinnullu allanut tuttarput.

Imarsiornermik Ilinniarfinni ukiuni kingullerni pingaartinneqarsimasoq piviusuusaartitsissummik ingerlatsineq aserfallatsaaliinerlu, taanna atortorissaarut ilinniartitaanermi qitiulluinnartuuvoq. Tamatuma saniatigut ilinniartunut atugassarititaasut pitsanngorsarneqarnissaannut aningaasaliisoqarpoq, tamatumunnga ilanngullugu Paamiuni suliffeqarfinnut igaffik, taannalu ilinniartut inuulluarnerunissaanut ulluinnarnilu atugaannut tunngavissanik pitsanngorsaaqataassaaq. Imarsiornermik Ilinniarfimi atortussanut aningaasartuutissat aalajangersimasut ilinniagaqarfimmi ilinniartaanermi sinaakkutissani annertuumik atuuttuupput.

Ilulissani PI/SPS-mi ilinniartut inaannik sanaatorneq aallartinneqarsimavoq, taakkua atulernissaat naatsorsuutigineqarluni ulloq 1. september 2025. Tamanna illoqarfimmi ilinniartunut nutaaliaasunik toqqissisimanartunillu atugassaqarnissamut qulakkeerinnippoq. ilinnialernissamullu amerlanerusunik periarfissiilluni.

Taamaalilluni EU-mik suleqateqarneq Kalaallit Nunaanni ilinniagaqarnermut immikkoortortaqarfimmut annertuumik tapersersuisuuvoq. Ilinniagaqarfiit ulluinnarni ingerlanneqarneraniit Paamiuni igaffimmut, kiisalu Ilulissani ilinniagaqartunut inissialiorneq annertuumut.

Annertunerusumik paasisaqarusunnermi saaffigineqarsinnaavoq Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik oqa. (+299) 34 50 00, mail iktin@nanoq.gl