Piffissami aalajangersimasumi aaqqiissutaasoq suliffissaqartitsinermut qulakkeerinnippoq

Isumaginninnermut, Suliffeqarnermut, Nunamut Namminermut, Avatangiisinullu Naalakkersuisoq Bentiaraq Ottosenip maluginiarpaa, suli.gl-imiit Jobindex.gl-imut ikaarsaariarnermi oqallinneq pinngorsimasoq, ulloq 8. juli 2025-mi Sermitsiami allaaserisami takuneqarsinnaasutuut isummat aarleqqutillu qaqilerneqarput.

Naalakkersuisut aalajangiussaqarnerat pillugu, aamma tamatumunnga tunngavigisaq pillugu kikkunnut tamanut paasisitsiissutigisatut ulloq 23. april 2025-mi tusagassiorfinnut nalunaarummik saqqummiussaqartoqartoq oqaatigineqassaaq. Tassani ilaatigut Jobindex.gl-imut ikaarsaariarnerup taamaakkallartussatut iluarsiissutaanera nassuiarneqarpoq, Suli.gl-imi atugassarititaasut taamaatsillugit attanneqarsinnaajunnaarnera pissutigalugu.

Innuttaasut aamma suliffeqarfiit atorfinnik inuttassarsiuisarnernut suli attaveqartuarnissaat qulakkeerniarlugu 1. maj 2025-mit Jobindex.gl-ip atuukkallartussatut aalajangiussaqartoqarpoq.
Ukiup aallartinnerani atajuartussatut iluarsiissutip nutaap pilersinnissaa siunertaralugu neqeroortitsinermik aallartisarneqarpoq, 2025-llu naanerani nutaamik saqqummiussaqarsinnaanertik Naalakkersuisut naatsorsuutigaat.

Ikaarsaariarnermut atatillugu nunatsinnit suliaqartuusunit isummat saqqummiussat Isumaginninnermut, Suliffeqarnermut, Nunamut Namminermut Avatangiisinullu Naalakkersuisoq Bentiaraq Ottosenip ilisimavai. Taamaattorli piffissaq ungasinnerusumut nunatta avataaneersuniit atorfinnik inuttassarsiuisarnermi suliaqartunut nuunnissaa pineqanngilaq. Pineqartoq taamaallaat tassaavoq, aaqqiisoqarnissaata tungaanut iluarsiingallarneq.

Paasissutissanik annertunerusunik piniarnermi, naalakkersuisoqarfiup pisortarigallangaa Aka Grønvold attaveqarfigisinnaavat e-mailimut: akgr@nanoq.gl imaluunniit oqarasuaatikkut: +299 34 65 48.