AtuartigukAtaatsimoorluta nukittunerpaajusarpugut
Nassiussisuuvoq: Inuutissarsiornermut, Nukissiutinut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
Ullumikkut ulloq 28. juni Nuuk Pride ingerlanneqarpoq aqquserngillu nalliuttorsiorpalaarnermik ulikkaarsimapput.
Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoq, Naaja H. Nathanielsen, ullumikkut ingerlaaqatigiinnermi peqataavoq takkussimasunullu oqalugiarluni.
Pride tassaavoq inuit LGBT+-iusut ataatsimoorlutik nalliuttorsiutiginninnerat malunnartitsinerallu, kisianni aamma suli annertoorujussuarmik pisariaqartinneqartoq. LGBT+-i pillugu aalariaqatigiiffik aamma Pride nammineq inuuneqarnissaq pillugu pisinnaatitaaffiit pillugit akiuunnermik sivisuumik tunngaveqarpoq. Taamaakkaluartoq inuit LGBT+-usut suli isummanik pigiliutiinnakkanik, immikkoortinneqarnermik aamma qinngarsorneqarnermik naapinneqartarput. Taamaammat ataatsimoornissaq aamma inuit allatut ittuusinnaanerisa ileqqorpiaanerata, aamma kikkulluunniit qanoq ikkaluarunik inissaqartinneqarnerat takutissallugit pingaaruteqarpoq.
Inuussutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoq, Naaja H. Nathanielsen, ima oqarpoq:
”Allatut ittuusinnaanermut pisinnaatitaaffik pillugu ullumikkut ataatsimoorpugut. Kimulluunniit asanninnissamut pisinnaatitaaffeqarpugut. Qanoq ikkaluartumik isikkoqarnissatsinnik pisinnaatitaaffeqarpugut. Nammineersinnaatitaanermut namminerlu inuuneqarnissamut pisinnaatitaaffeqarpugut. Aamma uagut sioqqulluta suliniuteqarsimasut suliarisimasaat iluaqutigaagut. Taakkumi siulliullutik akiuussimapput.”
Naalakkersuisup oqalugiaataa tamakkerlugu uani atuaruk
Innuttaasut LGBT+-usut toqqissisimasumik inuuneqarnissamut pisinnaatitaaffii, aamma ataqqineqarlutik naligiimmillu pineqarlutik naapinneqartarnissaat, Naalakkersuisut tapersersorpaat.
Tamassi Pride-siorluarisi!