AtuartigukKalaallit Nunaanni Filminstituttip siulersuisuinut ilaasortassanik Naalakkersuisut toqqaapput
Nassiussisuuvoq: Ilinniartitaanermut, Kulturemut, Timersornermut Ilageeqarnermullu Naalakkersuisoqarfik
Novembarip 20-ani 2024-mi filmiliortarneq pillugu inatsit nutaaq Inatsisartut akuersissutigaat, inatsit Kalaallit Nunaanni filmiliornermik suliaqartartut patajaallisaaviginissaannik siunertaqartoq. Inatsisip malitsigisaanik Kalaallit Nunaanni filminstituttimik pilersitsisoqassaaq, pisortat suliffeqarfiutaat namminersortoq nutaaq, 2026-p ingerlanerani pilersinneqartussatut naatsorsuutigineqartoq.
Kalaallit Nunaanni Filminstittuti tallimanik ilaasortalimmit siulersuisunit aqunneqassaaq, ataatsimut isigalugu filmiliornermik suliaqarfimmiit misilittagaqarluartunik kiisalu tusagassiuutinik ingerlatsinermut, pilerisaarusiortarnermut, suliffeqarfimmik ingerlatsinermut, aningaasaqarnermut aqutsinermullu tunngasunut piginnaasaqarluartunik. Siulersuisut tassaassapput instituttimik qullersatut aqutsisussat aamma inatsisinut atuuttunut kiisalu instituttip ineriartorneranut ingerlassaanullu anguniakkat pillugit aalajangersarneqarsimasunut naapertuuttumik instituttip sulinerata qulakkeernissaanut akisussaasussat. Tamatuma saniatigut siulersuisut aningaasanik pigisanut aqutsisuussapput aamma instituttip anguniagaanut malitseqartitsisarnermik qulakkeerinnissallutik.
Siulersuisunut ilaasortat ukiuni marlunni atuuffeqartassapput. Naalakkersuisut siulersuisut siulittaasuannik inassutitaqanngitsumik toqqaassapput, ilaasortalli sinneri inuttut sinniisussallit, Film.gl-imit, Kalaallit Nunaanni Eqqumiitsuliornermut Aningaasaateqarfimmit, isiginnaartitsisartut peqatigiiffiannit SILA-mit kiisalu Sulisitsisunit aamma NUKUSA-mit toqqarneqartassapput.
Tulliuttut Naalakkersuisunit toqqarneqarput:
Siulersuisunut siulittaasoq Malik Kleist
Ilaasortaq Claus Erik Nielsen, Film.gl-imit innersuunneqartoq
Ilaasortaq Ulannaq Ingemann, Kalaallit Nunaanni Eqqumiitsuliornermut Aningaasaateqarfimmit innersuunneqartoq
Ilaasortaq Nukakkuluk Kreutzmann, isiginnaartitsisartut peqatigiiffiannit SILA-mit innersuunneqartoq
Ilaasortaq Julia Pars, Sulisitsisunit aamma NUSUKA-mit innersuunneqartoq.
Naalakkersuisoq Nivi Olsen oqarpoq: ”Kalaallit Nunaanni filmiliornermik suliaqarfimmik ineriartortitsinermi alloriarneq pingaarutilik filminstituttimik pilersitsinerup takussuserpaa, nunatsinnilu filmiliortarnerup siuarsarnissaanik anguniagaq taperserlugu aamma innuttaasut filmiliornermik suliaqartarnissamut periarfissaannik amerlanerulersitsivoq.”
Naalakkersuisut Kalaallit Nunaanni filminstituttip siulersuisui nutaat sulilluarnissaannik kissaappaat, nunatsinnilu filmiliornermik suliaqarfiup ineriartorneranut malinnaanissartik qilanaaralugu.
Annertunerusumik paasisaqarusunnermi saaffigineqarsinnaavoq Kresten Lennert (Ilinniartitaanermut, Kultureqarnermut, Ilisimatusarnermut, Ilageeqarnermullu Naalakkersuisoqarfik) Toqq/direkte 34 5675, KRLT@nanoq.gl
Kalaallit Nunaanni Filminstittuti tallimanik ilaasortalimmit siulersuisunit aqunneqassaaq, ataatsimut isigalugu filmiliornermik suliaqarfimmiit misilittagaqarluartunik kiisalu tusagassiuutinik ingerlatsinermut, pilerisaarusiortarnermut, suliffeqarfimmik ingerlatsinermut, aningaasaqarnermut aqutsinermullu tunngasunut piginnaasaqarluartunik. Siulersuisut tassaassapput instituttimik qullersatut aqutsisussat aamma inatsisinut atuuttunut kiisalu instituttip ineriartorneranut ingerlassaanullu anguniakkat pillugit aalajangersarneqarsimasunut naapertuuttumik instituttip sulinerata qulakkeernissaanut akisussaasussat. Tamatuma saniatigut siulersuisut aningaasanik pigisanut aqutsisuussapput aamma instituttip anguniagaanut malitseqartitsisarnermik qulakkeerinnissallutik.
Siulersuisunut ilaasortat ukiuni marlunni atuuffeqartassapput. Naalakkersuisut siulersuisut siulittaasuannik inassutitaqanngitsumik toqqaassapput, ilaasortalli sinneri inuttut sinniisussallit, Film.gl-imit, Kalaallit Nunaanni Eqqumiitsuliornermut Aningaasaateqarfimmit, isiginnaartitsisartut peqatigiiffiannit SILA-mit kiisalu Sulisitsisunit aamma NUKUSA-mit toqqarneqartassapput.
Tulliuttut Naalakkersuisunit toqqarneqarput:
Siulersuisunut siulittaasoq Malik Kleist
Ilaasortaq Claus Erik Nielsen, Film.gl-imit innersuunneqartoq
Ilaasortaq Ulannaq Ingemann, Kalaallit Nunaanni Eqqumiitsuliornermut Aningaasaateqarfimmit innersuunneqartoq
Ilaasortaq Nukakkuluk Kreutzmann, isiginnaartitsisartut peqatigiiffiannit SILA-mit innersuunneqartoq
Ilaasortaq Julia Pars, Sulisitsisunit aamma NUSUKA-mit innersuunneqartoq.
Naalakkersuisoq Nivi Olsen oqarpoq: ”Kalaallit Nunaanni filmiliornermik suliaqarfimmik ineriartortitsinermi alloriarneq pingaarutilik filminstituttimik pilersitsinerup takussuserpaa, nunatsinnilu filmiliortarnerup siuarsarnissaanik anguniagaq taperserlugu aamma innuttaasut filmiliornermik suliaqartarnissamut periarfissaannik amerlanerulersitsivoq.”
Naalakkersuisut Kalaallit Nunaanni filminstituttip siulersuisui nutaat sulilluarnissaannik kissaappaat, nunatsinnilu filmiliornermik suliaqarfiup ineriartorneranut malinnaanissartik qilanaaralugu.
Annertunerusumik paasisaqarusunnermi saaffigineqarsinnaavoq Kresten Lennert (Ilinniartitaanermut, Kultureqarnermut, Ilisimatusarnermut, Ilageeqarnermullu Naalakkersuisoqarfik) Toqq/direkte 34 5675, KRLT@nanoq.gl