AtuartigukTunumi aalisarnermik 2024-mi ineriartortitsinermut 1.366.000 kr.-nit
Nassiussisuuvoq: Aalisarnermut, Piniarnermut, Nunalerinermut Imminullu Pilersornermut Naalakkersuisoq
Aalisarnermut, Piniarnermut, Nunalerinermut Imminullu Pilersornermut Naalakkersuisoq Tunumi aalisarnermik 2024-mi ineriartortitsinissamut 1.366.000 mio kr.-nik tapissuteqarsimavoq. Aningaasat aalisarneq pillugu isumasioqatigiinnermut, aalisartunik pikkorissaanernut kiisalu Tunu tamakkerlugu aalisartut aalisarnermi atortuinut tapiissutaapput.
Tunumi sinerissap qanittuani aalisarnermi ineriartornermut pilersaarut 2024-2030-mut taperserniarlugu Tunumi aalisarnermik 2024-mi ineriartortitsinissamut Inatsisartut 1 mio. kr.-nik aningaasanut inatsisip kontoanut 50.01.20-mut aningaasaliipput. Aningaasanilli amerlanerusunik aningaasartalinnik qinnuteqaatinik tigusereernerup kingorna Naalakkersuisut aningaasaqarnermut ataatsimiititaliamut aningaasat 350.000 kr.-nik amerlinissaat qinnuteqaatigaat. Tassunga atatillugu 1.350.000 kr.-nik Tunumi aalisarnermik 2024-mi ineriartortitsinermut aningaasaliisoqarpoq. Tamatumama saniatigut ineriartortitsinermut kontomiit sinneruttut Tunumut agguaanneqarput 16.000 kr.-nit. Aalisartunut 17-inut atortut tunniussat saniatigut aalisartut 12-t pikkorissartinneqarput.
Inatsisartut aalisarnermik 2025-imut ineriartortitsinissamut 2 mio. kr.-nik aningaasaliipput.
Paasisaqarnerorusukkuit Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik attavigiuk ugguuna: apn@nanoq.gl