AtuartigukNunarsuaq tamakkerlugu peqqissaasut ulluat: Peqqissaasunut peqqinnissaqarfimmilu sulisunut nersorinninneq
Nassiussisuuvoq: Peqqissutsimut inunnullu Innarluutilinnut Naalakkersuisoqarfik
Nunarsuaq tamakkerlugu peqqissaasut ullumi maajip aqqaneq aappaanni nalliussivavut – nunatsinni peqqissaasut immikkuullarissumik inissisimanerat pillugu ullumikkut nersornissaannut pingaaruteqarpoq. Taakkumi inuunermut pisariaqavissumik sullissipput, innuttaasullu peqqissuutinniarlugit atugarissaartinniarlugillu ullut tamaasa sullipput.
Peqqinnissaqarfilli nammineerluni ingerlasinnaanngilaq. Suliaqarfiit assigiinngitsut nukittuunit kivinneqarput: nakorsat, isumaginninnermi peqqissarnermullu ikikortit, ernisussiortut, katsorsaasut, portørit, eqqiaasut, allaffimmiut allarpassuillu – peqqinnissaqarfiup ataqatigiissinneqarnissaanut taakku tamaavimmik ullut tamaasa pinngitsoorneqarsinnaanngillat. Taakkuuppummi pitsaasumik katsorsaasoqarnissaanut paaqqutarinnittoqarnissaanullu ataqatigiissaarinissamut pilersitsisut.
Ingammik Nunatsinni, atugassarititat ilungersunartillugit, sulisussarsiornerlu annertuumik ajornartorsiutaatillugu, ulluinnaat ingerlalluaqqullugit sapiissuseqartumik, akisussaaffilimmik ataatsimooqatigiinnermillu pilersitsisoqartarpoq. Taamaammat ataatsimoorfeqarneq ersarissumik maajip aallaqqaataani takutinneqartoq ataqqivara. Tamaani peqqissaasut suliaqarfinnilu sulisut allat peqatigalugit sanileriillutik nikorfasut, innuttaasullu qassinik ukioqarneq apeqqutaatinnagu paasineqarnissamik ataatsimoorlutik kissaateqartut, atugassarititallu aaqqikkusullugit ataatsimooqatigiipput. Tamanna peqqinnissaqarfimmik ilusilersuillutalu minitaqarnata nammannitsinnik takutitsivoq.
Peqqissaasunut peqqinnissaqarfimmilu sulisunut Peqqissutsimut inunnullu Innarluutilinnut naalakkersuisutut paasinnillunga qujarusuppunga. Allanngueqataavusi – ullumikkuunaanngitsoq taamaattorli ullut tamaasa.
Paasisaqarnerorusukkuit Naalakkersuisumut allattaanermut Nivé Lynge Biilmannimut e-mail: nilb@nanoq.gl imaluunniit oq.: +299 34 52 84 attaviginnigit.
Peqqinnissaqarfilli nammineerluni ingerlasinnaanngilaq. Suliaqarfiit assigiinngitsut nukittuunit kivinneqarput: nakorsat, isumaginninnermi peqqissarnermullu ikikortit, ernisussiortut, katsorsaasut, portørit, eqqiaasut, allaffimmiut allarpassuillu – peqqinnissaqarfiup ataqatigiissinneqarnissaanut taakku tamaavimmik ullut tamaasa pinngitsoorneqarsinnaanngillat. Taakkuuppummi pitsaasumik katsorsaasoqarnissaanut paaqqutarinnittoqarnissaanullu ataqatigiissaarinissamut pilersitsisut.
Ingammik Nunatsinni, atugassarititat ilungersunartillugit, sulisussarsiornerlu annertuumik ajornartorsiutaatillugu, ulluinnaat ingerlalluaqqullugit sapiissuseqartumik, akisussaaffilimmik ataatsimooqatigiinnermillu pilersitsisoqartarpoq. Taamaammat ataatsimoorfeqarneq ersarissumik maajip aallaqqaataani takutinneqartoq ataqqivara. Tamaani peqqissaasut suliaqarfinnilu sulisut allat peqatigalugit sanileriillutik nikorfasut, innuttaasullu qassinik ukioqarneq apeqqutaatinnagu paasineqarnissamik ataatsimoorlutik kissaateqartut, atugassarititallu aaqqikkusullugit ataatsimooqatigiipput. Tamanna peqqinnissaqarfimmik ilusilersuillutalu minitaqarnata nammannitsinnik takutitsivoq.
Peqqissaasunut peqqinnissaqarfimmilu sulisunut Peqqissutsimut inunnullu Innarluutilinnut naalakkersuisutut paasinnillunga qujarusuppunga. Allanngueqataavusi – ullumikkuunaanngitsoq taamaattorli ullut tamaasa.
Paasisaqarnerorusukkuit Naalakkersuisumut allattaanermut Nivé Lynge Biilmannimut e-mail: nilb@nanoq.gl imaluunniit oq.: +299 34 52 84 attaviginnigit.