AtuartigukAmmaannartumi ikuallaanissamut immikkut ittumik akuersissuteqarallarneq
Nassiussisuuvoq: Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik
Naalakkersuisut ulloq Januaarip 31-ani Qeqqata Kommuniani Kommuneqarfik Sermersuumilu ammaannartumi ikuallaanissamut immikkut ittumik akuersissuteqarallarniarlutik aalajangiuppaat.
Qeqqata kommuniani Kangerlussuarmi, Napasumi Atammimmilu ammasumi ikuallaanissamut immikkut ittumik akuersissuteqarallarnissaq aalajangiunneqarpoq. Kommuneqarfik Sermersuumilu Ittoqqortoormiini, Kulusummi, Kuummiini, Sermiligaami Tiilerilaamilu immikkut ittumik akuersissuteqarallarnissaq aalajangiunneqarluni.
Eqqagassalerineq kommuninit isumagineqartarpoq. Eqqagassat ikuallanneqarsinnaasut avatangiisinut akuerisanut ikuallanneqassapput. Naalakkersuisulli kommunit siulersuisuinit ammaannartumi eqqagassanik ikuallanneqarsinnaasunik ikuallaanissamut qinnuteqarpata Juulip 31-ata 2025-p tungaanut akuersissuteqarallarsinnaapput.
Eqqakkat pillugit iliuusissatut pilersaarusiaq 2020-2031
Eqqakkat pillugit iliuusissatut pilersaarusiamut 2020-2031-mi ikuallaaviit nuna tamakkerlugu aamma ullutsinnut naleqqussakkamik qanoq isillutik nunatsinni eqqakkanik suliaqartarnissaq allaaserineqarpoq.
Eqqagassat pillugit iliuusissatut pilersaarusiaq 2020-2031 uani atuaruk.
Paasisaqarnerorusukkaanni Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi pisortaq Natuk Lund Meire oqarasuaammut 346476 imaluunniit e-mail pan@nanoq.gl-mut attavigineqarsinnaavoq.