2025-mi misileraalluni aalisarneq

Naalakkersuisut aalajangerput aalisakkanik misileraalluni arlalinnik 2025-mi aalisartoqassasoq, siunertaralugu nunatta imartarujussuani nutaanik aalisarfigineqarsinnaasunik periarfissarsiornissaq.

Taamaattumik aalajangiunneqarpoq aalisakkanik assigiinngitsunik misileraalluni aalisartoqassasoq, sumiiffiit aalisakkanik siumorneqarsimanngitsut aamma sumiiffiit aalisarfigineqarsimanngisaannartut aalisarfigineqassallutik.

Misileraalluni aalisarneq ima nassuiarneqarsinnaavoq, uku siunertaralugit aalisarnertut:

• aalisagaqatigiinnik misissuineq, ilisimasaqarfigineqanngitsunik
• aalisarfinnik misileraaneq, ilisimasaqarfigineqanngitsunik
• aalisariaatsit atortullu nutaat atorlugit aalisarnermik misileraaneq

Misileraalluni aalisarnissamut akuersissutinik kingusinnerpaamik februaarip 20-at 2025 nallertinnagu qinnuteqartoqarsinnaavoq.

Misileraalluni 2025-mi aalisarnermi aalisakkat uku aalisarneqarsinnaasut uani atuarneqarsinnaapput.

Immersuiffissaq atorlugu misileraalluni aalisarnissamut qinnuteqartoqassaaq.

Qinnuteqarfissaq misileraallunilu paasissutissat uaniipput qinnuteqarfissaq

Misileraalluni aalisarsinnaanermut akuersissutit qinnuteqartoqareernermi tunniunneqarsinnaapput. Pinngortitaleriffiup aamma Aalisarnermut Piniarnermullu Naalakkersuisoqarfiup innersuussutai tunngavigalugit misileraalluni aalisartoqassaaq. Misileraalluni aalisartoqareerpat aalisarneq pillugu nalunaarusiortoqassaaq.

Qinnuteqartunut pisassiisoqareerpat Naalakkersuisullu pisasseereerpata qinnuteqarsimasunut pisassinneqarsimasunullu aalisarsinnaanermut akuersissutinik tunniussisoqassaaq, aalisarsinnaanermullu akuersissummik tunineqanngitsut akuersissummik tunineqannginnerinut tunngavilersuummik ilisimatinneqassallutik.

Aalisakkanik taaneqanngitsunik misileraassalluni kissaateqartoqarpat, taakku pillugit Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl

Attavigineqarsinnaavoq Aaliarnermut Piniarnermullu Naalakkersuisoqarfik. E-mail: apn@nanoq.gl