2023-mut TAC pillugu nassuiaat tamanut saqqummiunneqarpoq

Aalisarnermut Piniarnermullu Naalakkersuisoqarfiup Inatsisartunut TAC-mik aalajangiisimanerit pillugit nassuiaat ukiut tamaasa suliarisarpaa (pisassiissutit akuerisaasut amerlanerpaaffissaat) aamma Kalaallit Nunaata imartaani aalisakkanik ukiup siuliani pisassiissutaasimasut nassuiaassutigineqartarlutik, Aalisarnermut Inatsit §5, immikkoortoq 1 aamma 2 naapertorlugu. Nassuiaat Inatsisartunut maanna saqqummiunneqarpoq.

Nassuiaammi ataasiakkaanik pisassiisarnernut tunngaviusut nassuiaassutigineqarput, aamma pisassiissutit Kalaallit Nunaata nunallu Kalaallit Nunaata aalisarnissamik isumaqatigiissutigisimasaanut qanoq agguaanneqartarnersut nassuiaassutigineqarput. Nassuiaammi TAC-it pisassiissutillu allaaserineqarput, taakkununnga ilanngullugit ukiup ingerlanerani allannguutaasimasut.

Aalisarnermut Piniarnermullu Naalakkersuisoqarfiup TAC-it pillugit nassuiaatit Naalakkersuisoqarfiup nittartagaanut, APN.gl-ikkut, 2022-mili saqqummersittalerpai, nassuiaatit 2009-mit nittartakkamiittut atuarneqarsinnaalerlutik. TAC pillugu nassuiaatit uaniipput: TAC Paasissutissiissutit (naalakkersuisut.gl)

Sukumiinerusumik paasisaqarusukkaanni immikkoortortaqarfimmi pisortaq Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl