Avataani qaleralittassat 2025-mut TAC-iat aalajangerneqarpoq

Aalisarnermut Piniarnermullu Naalakkersuisoq Naalakkersuisunit piginnaatinneqarpoq nunatta kitaata avataani 2025-mi qaleralittassat aalajangissagai. Aalisarnermut Piniarnermullu Naalakkersuisoq decembarip 18-ianni aalajangiivoq avataani 2025-mi qaleralittassat TAC-at 16.502,5 tonsiussasoq, 2024-mi pisassat amerlaqataattut.

Avataani qaleralittassatut siunnersuutigineqartut ukiunut marlunnut 2025-2026 atuupput. Innersuussutigineqarpoq qalerallit ukiumut pisarineqartartut 29.970 tonsinik amerlanerussanngitsut.
Taakku ukiuni kingullerni marlunni siunnersuisarnernit 300 tonsinik amerlanerupput, amerleriaatit 1,1 procentiullutik.

Pisassatut siunnersuutigineqartut ukiuni kingullerni ikileriartoraluartut taamaattoq aalisagaqatigiit nangittumik peqqissuusut nalilerneqarput. Ilanngullugu oqaatigineqarsinnaavoq siunnersuisarnerit nalorninartorujussuummata, pasissutissat misissuinernit tunngaveqarmata.

Pisassiissutit Canadalu avinneqartarput
Kalaallit Nunaat aamma Canada aalisarnermi MSC-mik meqqeqartitsisarput.
Taamaattumik Canada qanittumik suleqatigineqarlunilu ataqatigissaaqatigineqartarpoq, assigiimmik TAC-mik aalajangiisarneq qulakkeerniarlugu, TAC kitaani qaleralinnut aqutsinissamut pilersaarummi periuseritinneqartumut naapertuutinneqassalluni.
Taamaattumik Aalisarneq pillugu Siunnersuisooqatigiit 2025-mut TAC pillugu siunersiorneqarsimapput.

TAC-it aamma pisassiissutit uani atuarneqarsinnaapput Naalakkersuisut.gl

Sukumiinerusumik paasisaqarusukkaanni Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl