AtuartigukKuultisiorfik Nalunaq pillugu nutaarsiassat
Nassiussisuuvoq: Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik
2025-p ingerlanerani Nanortallip avannaani kuultisiorfiup tamakkiisumik ammaqqinnissaa Naalakkersuisut naatsorsuutigaat.
2024-mi novembarip naalernerani ingerlatseqatigiiffik ingerlatassat aalajangersimasut aallartinnissaat pillugu arlalinnik akuersissuteqarfigineqarallarpoq. Akuersissuteqarallarnermut siunertaavoq, ingerlatseqatigiiffiup teknikkikkut suliat ilaannik ingerlatsinerup aallartikkiartuaarnissaannut periarfissinneqarnissaa. Taamaalilluni ingerlatseqatigiiffik aatsitassarsiorfiup ammaqqikkiartuaarnissaamut aammalu Kalaallit Nunaata kujataani kuultinik tunisassioqqilernissamut periarfissinneqarpoq.
Oqartussat suliassaq aammalu akuersissuteqarnissat tulliuttut pillugit ingerlatseqatigiiffik ingerlaavartumik oqaloqatigaat.
Video-mut linki
Ingerlatseqatigiiffik (tuluttut) video-mik naatsumik, YouTube-mi takuneqarsinnaasumik, suliaqarpoq
Suliassaq pillugu nalunaarusiap tamanut saqqummiunneqarneranut linki
2024-mi juunimi Avatangiisinut Sunniutaasussanik Nalilersuineq (VVM) aamma Inuiaqatigiinni Piujuaannartitsisumik Ingerlatsinissamik nalilersuineq (VSB) pillugit ingerlatseqatigiiffiup nassuiaatai Naalakkersuisut akueraat. Nassuiaatit aamma tusarniaanermut akissuteqaatit tiguneqartut Naalakkersuisut tusarniaanermut nittartagaanni atuarsinnaavatit (link).
Attaveqarfissaq
Tusagassiortut saaffiginninneranni: Jørgen T. Hammeken-Holm, tlf. 346800 imaluunniit asn@nanoq.gl
Saaffiginninnerit allat: Aatsitassanut Ikummatissanullu Aqutsisoqarfik, mlsa@nanoq.gl