AtuartigukVivian Motzfeldt Lars Løkke Rasmussenilu Nuummi naapipput, Issittumi Siunnersuisooqatigiit Siulittaasoqarfiannik tigusinissamut piareersaatit naammassigaluttuarput
Nassiussisuuvoq: Nunanut Allanut, Inuussutissarsiornermut Niuernermullu Naalakkersuisoqarfik
Vivian Motzfeldtip Nunanut Allanut Ministeri Lars Løkke Rasmussen Nuummi naapippaa. Issittumi Siunnersuisooqatigiinni Kunngeqarfiup siulittaasuuffigiligassaanut tunngasut ministerit taakku marluk oqaluuseraat.
Issittumi Siunnersuisooqatigiinni Kunngeqarfiup siulittaasuunissaanut piareersaatit akisussaaffiillu agguataarnerannut sulineq naammassigaluttuarpoq.
Nuummi mittarfissuup atoqqaartinneranut atatillugu Naalagaaffinngornissamut Nunanullu Allanut Naalakkersuisoq Vivian Motzfeldt danskillu Nunanut Allanut Ministeriat Lars Løkke Rasmussen tallimanngornermi novemberip 29-anni naapipput.
Issittumi Siunnersuisooqatigiinni siulittaasoqarfiup tigunissaanut akisussaaffiit agguataarnissaanut isumaqatigiinniarnerit pilersaarusiornerillu ingerlaqqipput. Siulittaasuuffiullu tigunissaanut piareersaasiornermi immikkualuttut kingulliit kisimik amigaataalerput.
Issittumi Siunnersuisooqatigiinni siulittaasuuffissami Nunatta siuttutut inissisimanissaa Naalakkersuisunut pingaaruteqarpoq. Kunngeqarfiup iluani tamanit tamanna paasilluarneqarpoq.
Nuummi 2023-mi nunanut allanut, sillimaniarnermut illersornissamullu attaveqaqatigiinnermi ataatsimiititaliami ataatsimiittoqarnerani naalakkersuisut siuttui pingasuusut isumaqatigiipput siulittaasuutitaqarnermi Kalaallit Nunaat immikkuullarissumik akisussaaffeqassasoq.
”Issittumi Siunnersuisooqatigiinni Siulittaasuutitaqarnermi Nunatta siuttutut inissisimanissaa Naalakkersuisunit nuannaarutigineqarpoq. Issittumi pissutsit pillugit samminninnerni Nunatta Kunngeqarfik sinnerlugu tutsuiginartumik oqariartuuteqartarneranik naqissusiisumik ineriartorneq Nunatsinnut pitsaasuuvoq. Tamannalu tunngavigalugu Naalakkersuisut nunanut allanut, sillimaniarnermut illersornissamullu politikkiminni siunnerfigisaat, Kunngeqarfimmi Nunarput Issittumi Siunnersuisoqatigiinni aallartitat siuttuattut inissinnissaanik kissaateqartoq, taamaalilluni politikkikkut ilisimasatigullu Issittumut tunngassuteqartunik paasissutissanik ineriartortitsinissamut suleqataassalluni. Kunngeqarfiup tamatuminnga paasinninnini ersersippaa, sulinerullu naammassinissaanut qilanaarpunga, tassanilu piffissami aggersumi sulinermi akusussaaffiit suliaqarfissallu agguataarneri saqqummiussinnaalissavagut, qujanarlu suleqatigiilluarnitsinnut ataatsimullu nukittuumik suliaqarnitsinnut”, taama oqaaseqarpoq Naalakkersuisoq Vivian Motzfeldt.
“Nunarsuarmi annertuumik allanngorartumi inissisimavugut. Allannguutit aamma Issittumi malugineqarsinnaassapput, tamatumalu Kalaallit Nunaata Danmarkillu akornanni ataatsimoorneq suleqatigiinnerlu pillugit nutaamik piumasaatinik malitseqarpoq. Taamaattumillu – Nuummi mittarfissuup ammaanersiorneqarnerata aqaguani – nunanut allanut tunngasuni unammilligassat pillugit oqaloqatigiinneq pitsaasuuvoq, tamakkununnga ataatsimoorluta aaqqiissutissanik periarfissanillu nutaanik nassaarniaqatigiissaagut. Issittumi Siunnersuisooqatigiinni Kunngeqarfiup siulittaasuutitaqarnissaanut aammalu Kunngeqarfiup Issittumi aallartitaanut tunngasuni pitsaasunik pingaarutilinnillu oqaloqatigiinnitsinni alloriarpugut. Ataatsimut siulittaasuuffimmut pilersaarusiornermut sulinerup naammassigaluttuarneranut taamatullu Kalaallit Nunaata Savalimmiut Danmarkillu ataatsimoorlutik Issittumi aammalu Issittumi Siunnersuisooqatigiinni ataatsimut sulinissatsinnut qilanaarpunga”, taama oqaaseqarpoq nunanut allanut ministeri Lars Løkke Rasmussen.
Issittumi Siunnersuisooqatigiinni Kunngeqarfiup siulittaasuunissaanut piareersaatit akisussaaffiillu agguataarnerannut sulineq naammassigaluttuarpoq.
Nuummi mittarfissuup atoqqaartinneranut atatillugu Naalagaaffinngornissamut Nunanullu Allanut Naalakkersuisoq Vivian Motzfeldt danskillu Nunanut Allanut Ministeriat Lars Løkke Rasmussen tallimanngornermi novemberip 29-anni naapipput.
Issittumi Siunnersuisooqatigiinni siulittaasoqarfiup tigunissaanut akisussaaffiit agguataarnissaanut isumaqatigiinniarnerit pilersaarusiornerillu ingerlaqqipput. Siulittaasuuffiullu tigunissaanut piareersaasiornermi immikkualuttut kingulliit kisimik amigaataalerput.
Issittumi Siunnersuisooqatigiinni siulittaasuuffissami Nunatta siuttutut inissisimanissaa Naalakkersuisunut pingaaruteqarpoq. Kunngeqarfiup iluani tamanit tamanna paasilluarneqarpoq.
Nuummi 2023-mi nunanut allanut, sillimaniarnermut illersornissamullu attaveqaqatigiinnermi ataatsimiititaliami ataatsimiittoqarnerani naalakkersuisut siuttui pingasuusut isumaqatigiipput siulittaasuutitaqarnermi Kalaallit Nunaat immikkuullarissumik akisussaaffeqassasoq.
”Issittumi Siunnersuisooqatigiinni Siulittaasuutitaqarnermi Nunatta siuttutut inissisimanissaa Naalakkersuisunit nuannaarutigineqarpoq. Issittumi pissutsit pillugit samminninnerni Nunatta Kunngeqarfik sinnerlugu tutsuiginartumik oqariartuuteqartarneranik naqissusiisumik ineriartorneq Nunatsinnut pitsaasuuvoq. Tamannalu tunngavigalugu Naalakkersuisut nunanut allanut, sillimaniarnermut illersornissamullu politikkiminni siunnerfigisaat, Kunngeqarfimmi Nunarput Issittumi Siunnersuisoqatigiinni aallartitat siuttuattut inissinnissaanik kissaateqartoq, taamaalilluni politikkikkut ilisimasatigullu Issittumut tunngassuteqartunik paasissutissanik ineriartortitsinissamut suleqataassalluni. Kunngeqarfiup tamatuminnga paasinninnini ersersippaa, sulinerullu naammassinissaanut qilanaarpunga, tassanilu piffissami aggersumi sulinermi akusussaaffiit suliaqarfissallu agguataarneri saqqummiussinnaalissavagut, qujanarlu suleqatigiilluarnitsinnut ataatsimullu nukittuumik suliaqarnitsinnut”, taama oqaaseqarpoq Naalakkersuisoq Vivian Motzfeldt.
“Nunarsuarmi annertuumik allanngorartumi inissisimavugut. Allannguutit aamma Issittumi malugineqarsinnaassapput, tamatumalu Kalaallit Nunaata Danmarkillu akornanni ataatsimoorneq suleqatigiinnerlu pillugit nutaamik piumasaatinik malitseqarpoq. Taamaattumillu – Nuummi mittarfissuup ammaanersiorneqarnerata aqaguani – nunanut allanut tunngasuni unammilligassat pillugit oqaloqatigiinneq pitsaasuuvoq, tamakkununnga ataatsimoorluta aaqqiissutissanik periarfissanillu nutaanik nassaarniaqatigiissaagut. Issittumi Siunnersuisooqatigiinni Kunngeqarfiup siulittaasuutitaqarnissaanut aammalu Kunngeqarfiup Issittumi aallartitaanut tunngasuni pitsaasunik pingaarutilinnillu oqaloqatigiinnitsinni alloriarpugut. Ataatsimut siulittaasuuffimmut pilersaarusiornermut sulinerup naammassigaluttuarneranut taamatullu Kalaallit Nunaata Savalimmiut Danmarkillu ataatsimoorlutik Issittumi aammalu Issittumi Siunnersuisooqatigiinni ataatsimut sulinissatsinnut qilanaarpunga”, taama oqaaseqarpoq nunanut allanut ministeri Lars Løkke Rasmussen.