AtuartigukUtoqqarnut suliassaqarfimmi piginnaasanik inerisaanissamut periarfissat pitsaanerulertut
Nassiussisuuvoq: Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik
Naalakkersuisut Utoqqaat pillugit Periusissiaata ilaatut piginnaasanik inerisaanissamut piumasaqaatit appartinneqarput, taamaalilluni utoqqarnut suliassaqarfimmi sulinermi qaffassarnissamut periarfissagissaarnerulerluni. Tapersersuisutut aamma peqqissaanermi ikiortitut piginnaasanik naliliivigineqarnikkut sivikillisaaffigineqartumik pikkorissaanermut ukiunut piumasaqaateqarneq aamma sulinermik misilittagaqarnissamut piumasaqaateqarneq appartinneqarput.
Piginnaasatigut naliliivigineqarnikkut sivikillisaaffigineqartumik pikkorissarnerit ilinniarsimanngitsunut sulinermik misilittagaqartunut neqeroorutaavoq, piffissaq sivikitsoq atorlugu ilinniarsimanngitsutut sulisartumiit ilinniarsimasutut sulisartunngorsinnaallutik. Peqqissaanermik Ilinniarfimmi peqqissaanermi ikiortitut aamma tapersersuisutut ilnniartoqarsinnaavoq. Peqqissaanermi ikiortitut aamma tapersersuisutut ilinniarsimanngitsutut piginnaasanik naliliivigineqarnikkut ingerlataqarnissamut piumasaqaatit maannakkut imaakkaluarput, pikkorissartoq 30-leereersimassasoq isumassuinermillu sulinermik ukiuni pingasuni misilittagaqassasoq imaluunniit inuussutissarsiummik allamik ukiuni sisamani misilittagaqassasoq. Piumasaqaatit utoqqaat pillugit periusissiamut ataqatigiissillugit allanngortinneqarput. Maannakkut 25-leereersimanissaq aamma ukiut marluk sulinermik misilittagaqarnissaq taamaallaat piumasaqaataalerput.
”Utoqqarnut suliassaqarfik maannakkut sulisussanik amigaateqareerpoq. Siunissami utoqqaat amerlanerulerneri pissutigalugit sulisussat suli amerlanerusut amigaatigineqalissapput. Naalakkersuisut neriuutigaat piumasaqaatit appasinnerusut kommuninut utoqqaat illuanni sulisuminnik piginnaasanik inerisaatitsinissamut ajornannginnerulersitsissasut aamma sulisut attatiinnarneqarsinnaassasut, taamaalilluta utoqqartavut pitsaanerpaamik sullissinnaalerlugit”, Isumaginninnermut, Ilaqutariinnermut, Suliffeqarnermmut Nunamullu Namminermut Naalakkersuisoq, Jess Svane oqaaseqarpoq, nangillunilu:
”Pingaaruteqarpoq erseqqissassallugu, utoqqarnut suliassaqarfik sulisussanik amigaateqarmat, aamma siunissami sulisussanik suli amerlanerusunik amigaateqartussaalluni. Utoqqarnut suliassaqarfimmi sulinerup sulisut aalaakkaasumik suliffeqarnissaat, aalaakkaasumik isertitaqarnissaat qulakkiissavai, aamma minnerunngitsumik inuiaqatigiit akornanni inunnut amerlaqisunut allannguinissamut periarfissiissaaq”.
Jess Svane Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisumit, Aqqaluaq B. Egedemit taperserneqarpoq:
”Naalakkersuisut ilinniartitaanermut neqeroorutit inuiaqatigiit pisariaqartitaannik naammassinninnissaat qulakkiissallugu suliassaraat. Piumasaqaatit allanngortinneqarnerisigut, Naalakkersuisut kommunit sulisumi ilinniaqqinnissaat pillugu pitsaanerpaamik periarfississavaat. Ilinniartitaaneq inuiaqatigiinni piginnaasanik pitsaassutsimillu kivitsinissamut qitiulluinnarpoq. Taamaattumik ilinnialersinnaanermut piumasaqaatit kommunini piviusunut naapertuuttunngortinnissaat anguniarlugu ingerlaavartumik naliliiffigineqartariaqarput. Piumasaqaatit allanngortinneqartut kommunit siusinnerusumut sanilliullugu sulisumi ilinniaqqinnissaat suli annertunerusumik isiginiarnerulersissavaat”.
Peqqissaanermik Ilinniarfimmi (PI) forstanderi, Betina Johansen, isumaqataalluni oqaaseqarpoq:
”Ilinniartitaanermik neqeroorutigut utoqqaat, napparsimasut aamma innarluutillit namminneq angerlarsimaffianni aamma utoqqaat illuanni tunngaviusumik paaqqutarinninnermik suliaqarnissamut pitsaanerpaanik tunngaviliipput. Peqqissaanermi ikiortitut sulineq annertuumik tunisisarpoq. Innuttaasut inuuneri qanimut malinnaaffigilissavatit atorfimmullu atatillugu annertuumik qanilaassusermik misigisaqarlutit akisussaaffeqalerlutillu”.
Piumasaqaatit nutaat 2025-mi atuutilissapput.
Piginnaasanik naliliivigineqarnikkut sivikillisaaffigineqartumik pikkorissaanerit ilinniarsimanngitsunut sulinermik misilittagaqartunut neqeroorutaapput, piffissaq sivikitsoq atorlugu sulisut ilinniarsimanngitsumiit sulisutut ilinniarsimasumut.
Peqqissaanermik ikiortitut ilinniarneq nalinginnaasumik ukioq ataatsimik qaammatinillu pingasunik sivisussuseqartartoq, piginnaasatigut naliliivigineqarnikkut sivikillisaaffigineqartumik ingerlanneqarsinnaalerpoq, sapaatit akunneri taamaallaat 47-it ingerlaneranni sulisut ilinniarsimanngitsumiit sulisutut ilinniarsimasunngorlutik.
Tapersersuisutut ilinniarneq nalinginnaasumik ukiup aappata affaanik sivisussuseqartoq,
piginnaasatigut naliliivigineqarnikkut sivikillisaaffigineqartumik ingerlanneqarsinnaalerpoq sapaatit akunnerini 55-ini.
Piginnaasanik naliliivigineqarnikkut ingerlataqarneq innersuussunikkut imaluunniit qitiusumik ilinniarfik aqqutigalugu piginnaasanik inerisaanermik neqeroorutitut ingerlanneqarsinnaavoq. Qitiusumik ilinniarfik aqqutigalugu piginnaasanik inerisaanermik neqeroorutaatillugu, Namminersorlutik Oqartussanit aningaasaliiffigineqartoq, taava naalakkersuisoqarfiit marluk akornanni suleqatigiinnertut ingerlanneqartussaavoq.
Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfiup angalanernut najugaqarnernullu aningaasartuutit kiisalu pikkorissaanermut taartisiaqarnerit matussusissavai. Atuagarsornermut aningaasartuutit taxameteri malillugu Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmit matussuserneqassapput. Piginnaasanik naliliivigineqarnikkut ingerlataqarnerit pilersinneqartut tamarmik naalakkersuisunit marlunnit akuersissutigineqaqqaassapput aamma ilinniarnermik aaqqissuussineq Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmit akuersissutigineqartussaalluni.
Taamaalilluni sulisitsisup, pikkorissaanermut taartisianik tunineqartup, sulisup piginnaasanik inerisaanerata nalaani taarteqarnissaq taamaallaat qulakkiissavaa.
Oqaatigineqassaaq, piginnaasatigut naliliivigineqarnikkut sivikillisaaffigineqartumik ingerlataqarneq, tassaasoq sulisunik ilinniarsimanngitsunik piginnaasaannik inerisaanermik ingerlataqarneq, sapinngisamik sulisitsisut aningaasartuutaannut sunniuteqanngitsumik atorneqassasoq.
Namminersorlutik Oqartussat piginnaasanik naliliivigineqarnikkut sivikillisaataasumik ingerlataqarnernut aningaasartuutit matussusissavaat, angalanernut najugaqarnermullu kiisalu akissarsianik taartisiaqarnerit sulisitsisumut 718 kr-it Suliniut Ilinniagaqanngitsunut Piginnaasanik Ineriartortitsineq (PKU) aqqutigalugu matussuserneqassapput aamma atuagarsornermut aningaasartuutit taxameteri malillugu matussuserneqassallutik.
Attaveqarfissaq
Annertunerusumik paasisaqarniaruit attaveqarfigikkit Jess Svanep allattaa Helene S. Pedersen e-mailikkut: hspd@nanoq.gl imaluunniit oqarasuaatikkut + 299 34 56 11 imaluunniit Aqqaluaq B. Egedep allattaa Mona Hansen på e-mailikkut: mohan@nanoq.gl
Piginnaasatigut naliliivigineqarnikkut sivikillisaaffigineqartumik pikkorissarnerit ilinniarsimanngitsunut sulinermik misilittagaqartunut neqeroorutaavoq, piffissaq sivikitsoq atorlugu ilinniarsimanngitsutut sulisartumiit ilinniarsimasutut sulisartunngorsinnaallutik. Peqqissaanermik Ilinniarfimmi peqqissaanermi ikiortitut aamma tapersersuisutut ilnniartoqarsinnaavoq. Peqqissaanermi ikiortitut aamma tapersersuisutut ilinniarsimanngitsutut piginnaasanik naliliivigineqarnikkut ingerlataqarnissamut piumasaqaatit maannakkut imaakkaluarput, pikkorissartoq 30-leereersimassasoq isumassuinermillu sulinermik ukiuni pingasuni misilittagaqassasoq imaluunniit inuussutissarsiummik allamik ukiuni sisamani misilittagaqassasoq. Piumasaqaatit utoqqaat pillugit periusissiamut ataqatigiissillugit allanngortinneqarput. Maannakkut 25-leereersimanissaq aamma ukiut marluk sulinermik misilittagaqarnissaq taamaallaat piumasaqaataalerput.
”Utoqqarnut suliassaqarfik maannakkut sulisussanik amigaateqareerpoq. Siunissami utoqqaat amerlanerulerneri pissutigalugit sulisussat suli amerlanerusut amigaatigineqalissapput. Naalakkersuisut neriuutigaat piumasaqaatit appasinnerusut kommuninut utoqqaat illuanni sulisuminnik piginnaasanik inerisaatitsinissamut ajornannginnerulersitsissasut aamma sulisut attatiinnarneqarsinnaassasut, taamaalilluta utoqqartavut pitsaanerpaamik sullissinnaalerlugit”, Isumaginninnermut, Ilaqutariinnermut, Suliffeqarnermmut Nunamullu Namminermut Naalakkersuisoq, Jess Svane oqaaseqarpoq, nangillunilu:
”Pingaaruteqarpoq erseqqissassallugu, utoqqarnut suliassaqarfik sulisussanik amigaateqarmat, aamma siunissami sulisussanik suli amerlanerusunik amigaateqartussaalluni. Utoqqarnut suliassaqarfimmi sulinerup sulisut aalaakkaasumik suliffeqarnissaat, aalaakkaasumik isertitaqarnissaat qulakkiissavai, aamma minnerunngitsumik inuiaqatigiit akornanni inunnut amerlaqisunut allannguinissamut periarfissiissaaq”.
Jess Svane Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqarnermullu Naalakkersuisumit, Aqqaluaq B. Egedemit taperserneqarpoq:
”Naalakkersuisut ilinniartitaanermut neqeroorutit inuiaqatigiit pisariaqartitaannik naammassinninnissaat qulakkiissallugu suliassaraat. Piumasaqaatit allanngortinneqarnerisigut, Naalakkersuisut kommunit sulisumi ilinniaqqinnissaat pillugu pitsaanerpaamik periarfississavaat. Ilinniartitaaneq inuiaqatigiinni piginnaasanik pitsaassutsimillu kivitsinissamut qitiulluinnarpoq. Taamaattumik ilinnialersinnaanermut piumasaqaatit kommunini piviusunut naapertuuttunngortinnissaat anguniarlugu ingerlaavartumik naliliiffigineqartariaqarput. Piumasaqaatit allanngortinneqartut kommunit siusinnerusumut sanilliullugu sulisumi ilinniaqqinnissaat suli annertunerusumik isiginiarnerulersissavaat”.
Peqqissaanermik Ilinniarfimmi (PI) forstanderi, Betina Johansen, isumaqataalluni oqaaseqarpoq:
”Ilinniartitaanermik neqeroorutigut utoqqaat, napparsimasut aamma innarluutillit namminneq angerlarsimaffianni aamma utoqqaat illuanni tunngaviusumik paaqqutarinninnermik suliaqarnissamut pitsaanerpaanik tunngaviliipput. Peqqissaanermi ikiortitut sulineq annertuumik tunisisarpoq. Innuttaasut inuuneri qanimut malinnaaffigilissavatit atorfimmullu atatillugu annertuumik qanilaassusermik misigisaqarlutit akisussaaffeqalerlutillu”.
Piumasaqaatit nutaat 2025-mi atuutilissapput.
Piginnaasanik naliliivigineqarnikkut sivikillisaaffigineqartumik pikkorissaanerit ilinniarsimanngitsunut sulinermik misilittagaqartunut neqeroorutaapput, piffissaq sivikitsoq atorlugu sulisut ilinniarsimanngitsumiit sulisutut ilinniarsimasumut.
Peqqissaanermik ikiortitut ilinniarneq nalinginnaasumik ukioq ataatsimik qaammatinillu pingasunik sivisussuseqartartoq, piginnaasatigut naliliivigineqarnikkut sivikillisaaffigineqartumik ingerlanneqarsinnaalerpoq, sapaatit akunneri taamaallaat 47-it ingerlaneranni sulisut ilinniarsimanngitsumiit sulisutut ilinniarsimasunngorlutik.
Tapersersuisutut ilinniarneq nalinginnaasumik ukiup aappata affaanik sivisussuseqartoq,
piginnaasatigut naliliivigineqarnikkut sivikillisaaffigineqartumik ingerlanneqarsinnaalerpoq sapaatit akunnerini 55-ini.
Piginnaasanik naliliivigineqarnikkut ingerlataqarneq innersuussunikkut imaluunniit qitiusumik ilinniarfik aqqutigalugu piginnaasanik inerisaanermik neqeroorutitut ingerlanneqarsinnaavoq. Qitiusumik ilinniarfik aqqutigalugu piginnaasanik inerisaanermik neqeroorutaatillugu, Namminersorlutik Oqartussanit aningaasaliiffigineqartoq, taava naalakkersuisoqarfiit marluk akornanni suleqatigiinnertut ingerlanneqartussaavoq.
Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfiup angalanernut najugaqarnernullu aningaasartuutit kiisalu pikkorissaanermut taartisiaqarnerit matussusissavai. Atuagarsornermut aningaasartuutit taxameteri malillugu Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmit matussuserneqassapput. Piginnaasanik naliliivigineqarnikkut ingerlataqarnerit pilersinneqartut tamarmik naalakkersuisunit marlunnit akuersissutigineqaqqaassapput aamma ilinniarnermik aaqqissuussineq Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmit akuersissutigineqartussaalluni.
Taamaalilluni sulisitsisup, pikkorissaanermut taartisianik tunineqartup, sulisup piginnaasanik inerisaanerata nalaani taarteqarnissaq taamaallaat qulakkiissavaa.
Oqaatigineqassaaq, piginnaasatigut naliliivigineqarnikkut sivikillisaaffigineqartumik ingerlataqarneq, tassaasoq sulisunik ilinniarsimanngitsunik piginnaasaannik inerisaanermik ingerlataqarneq, sapinngisamik sulisitsisut aningaasartuutaannut sunniuteqanngitsumik atorneqassasoq.
Namminersorlutik Oqartussat piginnaasanik naliliivigineqarnikkut sivikillisaataasumik ingerlataqarnernut aningaasartuutit matussusissavaat, angalanernut najugaqarnermullu kiisalu akissarsianik taartisiaqarnerit sulisitsisumut 718 kr-it Suliniut Ilinniagaqanngitsunut Piginnaasanik Ineriartortitsineq (PKU) aqqutigalugu matussuserneqassapput aamma atuagarsornermut aningaasartuutit taxameteri malillugu matussuserneqassallutik.
Attaveqarfissaq
Annertunerusumik paasisaqarniaruit attaveqarfigikkit Jess Svanep allattaa Helene S. Pedersen e-mailikkut: hspd@nanoq.gl imaluunniit oqarasuaatikkut + 299 34 56 11 imaluunniit Aqqaluaq B. Egedep allattaa Mona Hansen på e-mailikkut: mohan@nanoq.gl