Naartunaveersaatinik atuisitsineq pillugu suliamut tunngasoq erseqqissaaneq

Arnanut akuersitinneqaratik siumulluunniit ilisimatinneqaratik 1992-ip peqqinnis-saqarfiup tiguneqarnerata kingorna naartunaveersaatinik atortulersinneqarsi-masunut taasiissutissatut 2025-mut aningaasanut inatsimmi 4,5 mio.kr-t immik-koortinneqarput

Aningaasanut inatsit pillugu isumaqatigiissummi allaqqavoq, aningaasat naar-tunaveersaatiliisarnikuunernik misissuinerni aallartinneqarnikuusuni paasisat poli-tikkikkut suliarineqarnerat aallaavigalugit akilerneqassasut.

Naalakkersuisut erseqqissassavaat arnat sulimi pineqartut amerlassuserpiaat suli ilisimanngikkipput, aamma arnanut pineqartunut aningaasat tunniunneqartussat inaarutaasumik amerlassusissaat ilisimanngikkipput.

Naalakkersuisut suliaq pillugu misissuinerit marluk aallartinnikuuaat. Ataaseq Danmarkip naalagaaffia peqatigalugu aappaalu Naalakkersuisut namminneq mi-sissuinerat. Naalakkersuisut ilimagaat naartunaveersaatilersuinikuuneq pillugu mi-sissuinerni ingerlasuni paasisat kingusinnerpaamik septembarimi 2025-mi tigussal-lugit.

Maannakkut Naalakkersuisuusut nalunaarutiginikuuaat arnanut 1992-ip kingorna eqqunngitsuliornerit tamaasa akuerinissaannut piareersimalluta, tassunga ilann-gullugit utoqqatsinermik tamanut nalunaaruteqarnissaq taarsiinissarlu. Taamatut piumassuseqarneq aningaasanut inatsimmi uppernarsaqqinneqarpoq.

Misissuinernik aallartinneqarnikut naammassinikullu pillugit paasissutissat

Ingerlanneqartut:

• Kalaallit Nunaanni aamma Danmarkimi efterskoleni ilinniartunik 1960-imit 1991-imut naartunaveersaatiliisarnernik Kalaallit Nunaata-Danmarkip sumulluunniit attuumassuteqanngitsunik misissuisitsinerat ilisimatusartunit ingerlanneqartoq. Ingerlanneqarneqarpoq aammalu septembari 2025-mi naammassinissaa ilimagineqarpoq.
• Naartunaveersaatilersuinikuuneq pillugu suliami aamma allatut naartuna-veersaatilersuisarnerni inunnut tunngasunik misissuineq immikkut ilisi-masalinnit nunat tamat akornanni akuerisaasunit ingerlanneqartoq. Inger-lavoq aamma septembari 2025-mi naammassinissaa ilimagineqarpoq.

Naammassinikut:

• Peqqinnissaqarfiup 1992-imi Kalaallit Nunaanni tiguneqarnerata kingorna akuersititsisoqarani naartunaveersaatiliisarnerit pillugit takussutissiaq, Nu-natta Nakorsaaneqarfianit ingerlanneqartoq. Naalakkersuisut tamanna tunngavigalugu 1992-ip kingorna itinerusumik siamasinnerusumillu misis-sueqqissaarnissaq kissaatiginikuuaat, tamannalu inunnut tunngasunik mi-sissuinikkut qulaani taaneqartukkut ingerlanneqarpoq.

Paasissutissat annertunerusut
Naartunaveersaatinik atuisitsineq pillugu suliaq aamma inuit pisinnaatitaaffii pillugit misissuineq pillugit nalinginnaasumik paasissutissat Naalakkersuisut internettikkut nittartagaanni nassaarineqarsinnaapput.

Kalaallit-qallunaat oqaluttuarisaaneq pillugu qulaajaanerat pillugu paasissutissat Ilisimatusarfiup internettikkut nittartagaanni nassaarineqarsinnaapput.

Paasissutissanik annertunerusunik piumasoqarpat, asn@nanoq.gl-imut allattoqarsinnaavoq.