Katuami ataatsimiisitsineq 4. november tusagassiorfinnut nalunaarut

Katuami ataatsimiisitsineq 4. november tusagassiorfinnut nalunaarut

Eqqartuussiveqarnerput sorusunneripput, aamma ingammik innuttaasut inatsisitigut naapertuilluartoqarneranik misigisarnerat ullumikkut eqqartuussiveqarnitta ersersinneraa pillugit apeqqutit pillugit innuttaasut ilanngunneqarnissaat, Naalakkersuisut sivisuumik kissaatigisimavaat.
Tassunga ilanngussatut, Ilisimatusarfimmi ilisimatusartumik arlaannaannulluunniit attuumassuteqanngitsumik Naalakkersuisut 2023-imi isumaqatigiissusiorsimapput, taannalu ilaatigut misissuinerminut ilaatillugu nunatsinni sumiiffinni assigiinngitsuni ataatsimeeqatiginnittassaaq, ataatsimeeqatigiinnernilu inuit namminneq isummaminnik oqaatiginninnissaq periarfissaqarfigissavaat.

Tassunga atatillugu Naalakkersuisoq Naaja H. Nathanielsen ima oqaaseqarpoq:

”Massakkut eqqartuussiveqarnerput siunissamilu eqqartuussiveqarnissarput pillugit soqutiginnittut kikkulluunniit takkuteqqullugit isummaminnillu oqaatiginneqqullugit kajumissaarumavakka, taamaalilluni uagut politikeriusugut ukiuni tulliuttuni pitsaasumik tunngavilersorluakkanillu ingerlatitseqqinnissatsinnut tunngavissaqalerniassagatta. Innuttaasut inatsisitigut naapertuilluartoqarneranik misiginerannut eqqartuussiveqarnerup naleqquttuunissaa pingaaruteqarluinnarpoq, aamma inoqatinut attaveqaatitigut taamaallaat oqaaseqartarnerinnaanngitsumik, kisiannili aamma oqaatigiumasat pingaaruteqarluinnartut ilisimatusarnermut atasumik misissuinermi ilaalernissaat, taamaammat assorujussuaq pingaaruteqarpoq.

Qaaqqusissut:

Pinerlunneq pineqaatissiisarnerlu massakkut inuiaqatigiinni sammi-neqartorujussuupput. Sammisat pingaaruteqarput, innuttaasullu tamarmik oqaaseqarnissaminnut periarfissinneqartariaqarput.
Ulluni makkunani eqimattat Ilisimatusarfimmeersut misissuipput, tassanilu inuiaqatigiit isumaat tusarniarneqarlutik.
Misissuinermut tassunga ilaatillugu tamanut ammasumik oqallitsitsinissamut qaaqqusivugut:
Ataasinngorneq 4. november 2024 nal. 19.00-21.00 Katuaq-mi, Imaneq 21, Nuuk (inimi: Ikinngutigiit Inaat)

Oqallinnerit kalaallisut qallunaatullu ingerlanneqartussat peqataaffigisin-naavatit. Kammalaatit, sanilit, ilaquttalluunniit nassariuk.
Peqataasinnaanngikkuit suliniummut akisussaasumut professor Anette Storgaard-imut, Ilisimatusarfik, attaveqarsinnaavutit uunga asto@uni.gl paasini-arlugu qaqugu sumilu misissuinerit ingerlanneqaqqissanersut, tassani isummat tusartinnissaanut periarfissaqassagavit.
Kaffi, kaagit sodavandillu sassaalliutaajumaarput qilanaarpugullu sammisanik soqutiginartunik pingaarutilinnillu oqallinnissamut.