Kapisilinniarnermut aqutsiveqarfinni tamani inuussutissarsiutigalugu aalisartut kapisilinniarnerat Oktoberip 31-iani 2024-mi unitsinneqassaaq

Kalaallit Nunaanni Aalisarnermut Piniarnermullu Nakkutilliisoqarfik nalunaaruteqarpoq kapisilinniarnermi aqutsiveqarfinni tamani inuussutissarsiutigalugu aalisartunut kapisilinniarneq Oktoberip 31-iani 2024-mi unitsinneqassasoq, pisassiissutit nungunneqalermata.

Kapisilinnut qassutit tamarmik aqutsiveqarfinni pineqartuni kingusinnerpaamik ulloq aalisarnerup unitsinneqarfiani qaqinneqariissapput nalunaaqutaq 23.59 nallertinnagu.

KANUAPNA aammaarluni kaammattuivoq aalisartut pisatik piaarnerpaamik nalunaarutigisassagaat. Erseqqissaatigineqassaaq akuersissuteqartoq aalisariarsimanngikkaluarluni pisaqarsimanngikkaluarluniluunniit aamma nalunaaruteqartussaammat. Novembarip 14-ianni 2024-mi kingusinnerpaamik nalunaaruteqartoqassaaq. Novembarip 14-ianni 2024-mi kingusinnerpaamik nalunaaruteqartoqanngippat, 2025-mi kapisilinniarsinnaanermut akuersissummik tunineqartoqarsinnaanngilaq.

Kapisilittat pillugit paasissutissat amerlanerusut nittartakkami Sullissivik.gl-imi atuarneqarsinnaapput.

Annerusumik paasisaqarusukkuit attavigiuk Kalaallit Nunaanni Aalisarnermut Piniarnermullu Nakkutilliisoqarfik oqarasuaat 34 50 00 imaluunniit e-mail gfjk@nanoq.gl