PNNP soqutigineqarluarpoq

Aalisarnermut inatsit nutaaq aqutsiveqarfimmi 47-mi Uummannami,  Upernavimmi aamma Qeqertarsuup Tunuani umiatsiaararsortunut periarfissiivoq, kissaatigigunikku qaleralinnik pag-gatassanik aalisartut PNNP tunngavigalugu, qaleralinnik pisassiissutinik niuerutigineqarsin-naasunik nammineq pigisanik  aalisalersinnaassasut. 

Tamannalu pillugu Aalisarnermut Piniarnermullu Naalakkersuisoq Kim Kielsen aamma Aalisar-nermut Piniarnermullu Naalakkersuisoqarfik PNNP-mik aaqqissisuussineq pillugu aalisartut tikillugit aamma internetikkut qaammatip aappaata affaani kingullermi paasititsiniaallutik ataatsimiititsisarput. 

Aalisartut tikinneqarlutik paasititsiniavigineqarlutik ataatsimeeqatigineqartut aaqqissuussi-nermut soqutiginnittorujussuupput, taanna pillugu ataatsimeeqataanissamut periarfissaqar-titaanertik atorluartarlugu. Umiatsiaararsortut aaqqissuussinermut paasissutissinneqartar-nertik iluarisimaartarpaat, PNNP-mut qinnuteqarnissamut tamatumunngalu maleruagassanut tunngasunik ilisimatinneqartarnertik ilisimasaqarfigilertarlugu. 

Umiatsiaararsortut aaqqissuussineq pillugu apeqqutissaaleqineq ajorput, PNNP-mullu na-ngaassuteqartut imaluunniit qularinnittut aaqqissuussinermut paasisaqarnerulersarput. 

PNNP tunngavigalugu januaarip aallaqqaataanit 2025-mi aalisalernissamut qinnuteqarfissaq oktobarip 15-iannut killeqarpoq. Piumagaanni PNNP tunngavigalugu aalisalernissaq ukiuni arlalinnut kinguartinneqarsinnaavoq. Aalisarnermut Piniarnermullu Naalakkersuisoqarfik PNNP tunngavigalugu januaarip aallaqqaataanit aalisalerusullutik soqutiginnillutik qinnuteqartut oktobarip qulinganni 376-upput. Taakku aqutsiveqarfik 47-mi 2023-mi aalisartut katillugit ... procenteraat.  

Qinnuteqarfissaq qaangiuppat qinnuteqarsimasut tamarmik Naalakkersuisoqarfimmit tusarni-aavigineqassapput pisassiissutinit pigisassat qanoq amerlatiginissaasa naatsorsuutaagallar-neri pillugit 2025-milu pisassat aamma qanoq amerlatiginissaat pillugit. Pisassiissutinit pigisassat ukiuni tallimanit ukiut pingasut aalisarluarfigineqarnerpaat tunngavigalugit pisassiissutaassapput, ukiuni aalisarfiusuni 2019-imit 2023-mut. Pisassat aalajangerneqartarput pisassiissutit pigisassat tunngavigalugit, aamma 2025-mut TAC-ip aalajangerneqarnera tunngavigalugu. Aalisartut qinnuteqarsimasut naatsorsuutaagallartunut qaammammik ataatsimik sivisussusilimmik maalaaruteqarnissaminnut periarfissaqassapput. Qinnuteqaat decembarip aallaqqaataata tungaanut 2024-mi utertinneqarsinnaavoq.     

PNNP pillugu paasissutissat aamma qinnuteqarfissaq uani aamma atuarneqarsinnaavoq: https://www.sullissivik.gl/Emner/E_Fiskeri/Ansoeg-om-IOK-for-joller?sc_lang=kl-GL&segment=business 

Akuersissut pisassiissutinit pigisanik aamma 2025-mi pisassat pillugit allassimasut decemba-rip aallaqqaataata kingorna nassiunneqassaaq. Taamaalilluni PNNP tunngavigalugu aalisarsin-naalerneq nalunaarutigineqassaaq. Nalunaarfigitinneqareernerup kingorna paggatassanik aa-lisartoqaqqissinnaanngilaq, pisassiissutinit pigisat tunineqaraluarpataluunniit uteqqittoqar-sinnaanani. 

Ukioq manna oktobarip 15-iat 2024 nallertinnagu qinnuteqartoqarsimanngippat aappaagu oktobarip 15-iat nallertinnagu qinnuteqartoqarsinnaavoq, taamaalilluni PNNP tunngavigalugu januaarip aallaqqaataanit 2026-mi aalisartoqarsinnaalissalluni. 

Sumiiffiini ukunani umiatsiaararsortut PNNP pillugu paasititsiniaalluni ataatsimeeqatigineqarput:

Ilulissani aalisarneq pillugu saqqummersitsisoqarmat Polar Expo Fishing and Hunting Aalisarnermut Piniarnermullu Naalakkersuisoqarfik paasititsiniaalluni ataatsimiisitsivoq. Naalakkersuisoqarfik saqqummersitsiveqarpoq aalisartut tassani PNNP annerusumik paasiniaaffigisinnaallugu.

Innuttaasut ilisimassavaat inuussutissarsiortutut nalunaarsuiffimmut (CVR-nr.) -mut ilanngussimanissaq januaarip aallaqqaataanit 2025-mi piumasaqaataammat, tamatumani aalisarnermut akuersissut aamma piumasaqaataalluni. Suliffeqarfimmik pilersitsinissamut ilitsersuut linkimi uani atuarneqarsinnaavoq: https://aka.gl/emner/erhverv/ny-virksomhed/registrering-i-cvr?sc_lang=kl-gl. CVR-mik pilersitsinissaq pillugu paasissutissat  Akileraartarnermut Aqutsisoqarfimmi pineqarsinnaapput, Kalaallit Nunaanni suliffeqarfimmik pilersitsisoqassappat, taanna pillugu linkimi uani atuarneqarsinnaapput: https://aka.gl/emner/erhverv/ny-virksomhed/kontakt-cvr?sc_lang=kl-gl