AtuartigukNunatta nakorsaaneqarfiani Paneeraq Noahsen nakorsaaninngussaaq
Nassiussisuuvoq: Peqqissutsimut Naalakkersuisoqarfik
Naalakkersuisut Paneeraq Noahsen atorfinitsippaat, inuisaqatigiit peqqissusaannik nappaataannillu immikkut ilisimasalittut nakorsatut ilinniagaqarsimasoq. Paneeraq Noahsen ulloq 1. oktober 2024-mi atorfimmut ivertinneqassaaq.
Nakorsaaninngorlaaq Paneeraq Noahsen, Nuummi inunngorlunilu peroriartornikuuvoq, nunatsinnilu peqqinnissaqarfimmiit misilittagarpassuaqarluni. Dronning Ingridip Napparsimmavissuata immikkoortortaani tamani kiisalu Dronning Ingridip peqqissaaviani nakorsatut sulinikuuvoq. Taakku saniatigut napparsimmavimmi nakorsatut kiisalu Danmarkimi Sundhedsstyrelsimi allaffissorluni nakorsatut sulinikuunerminit misilittagaqarpoq, tassani Inuiaqatigiit peqqissusaannik nappaataannillu immikkut ilisimasalittut ilinniakkami ilaa naammassisimavaa.
”Paneeraq Noahsen maannakkut nunatta nakorsaanertaavatut atorfinitsissinnaagatsigu assut tulluusimaarutigaara. Inuiaqatigiit peqqissusaannik nappaataannillu immikkut ilisimasalittut nakorsaagami, atorfiup isumaginissaanut Paneeraq Noahsen tulluaqqissaartuuvoq, kalaallit arnartaanni siullersaalluni Nunatta nakorsaanerilissallugu”, Agathe Fontain, Peqqissutsimut Naalakkersuisoq oqarpoq.
”Periarfissaq iluatsillugu nakorsaanermut soraartussanngortumut, Henrik L. Hansen-imut, qujassuteqarumavunga, ukiorpassuit ingerlaneranni qasusueqaluni suliarpassuinut. Nunatta nakorsaaneqarfiani ilinniartutut atorfiit nakorsanut kalaallinut qulakkeerneqarnissaat Henrik-ip sulinermini pimoorussimavaa, taamaattumillu maanna nakorsaanermik kalaallimik siulliusumik atorfinitsitsisinnaanitsinnut sunniuteqarsimaqaluni”.
Ukiuni aalajangersimasuni atorfeqarnini ulloq 1. oktober 2024-imi naammat, nakorsaanerup Henrik L. Hansen-ip qinnuteqaqqinnginnissani toqqarmagu, Nunatta nakorsaaneqarfiani nakorsaanertut atorfik inuttaaruppoq. Henrik L. Hansen ulloq 1. oktober 2017-imili nakorsaaneruvoq.
Paasisaqarnerorusukkuit naalakkersuisup allattaa Nivé Lynge Biilmann e-mailikkut: nilb@nanoq.gl imaluunniit oqarasuaatikkut ugguuna attaveqarfigineqarsinnaavoq: +299 34 52 84
Nakorsaaninngorlaaq Paneeraq Noahsen, Nuummi inunngorlunilu peroriartornikuuvoq, nunatsinnilu peqqinnissaqarfimmiit misilittagarpassuaqarluni. Dronning Ingridip Napparsimmavissuata immikkoortortaani tamani kiisalu Dronning Ingridip peqqissaaviani nakorsatut sulinikuuvoq. Taakku saniatigut napparsimmavimmi nakorsatut kiisalu Danmarkimi Sundhedsstyrelsimi allaffissorluni nakorsatut sulinikuunerminit misilittagaqarpoq, tassani Inuiaqatigiit peqqissusaannik nappaataannillu immikkut ilisimasalittut ilinniakkami ilaa naammassisimavaa.
”Paneeraq Noahsen maannakkut nunatta nakorsaanertaavatut atorfinitsissinnaagatsigu assut tulluusimaarutigaara. Inuiaqatigiit peqqissusaannik nappaataannillu immikkut ilisimasalittut nakorsaagami, atorfiup isumaginissaanut Paneeraq Noahsen tulluaqqissaartuuvoq, kalaallit arnartaanni siullersaalluni Nunatta nakorsaanerilissallugu”, Agathe Fontain, Peqqissutsimut Naalakkersuisoq oqarpoq.
”Periarfissaq iluatsillugu nakorsaanermut soraartussanngortumut, Henrik L. Hansen-imut, qujassuteqarumavunga, ukiorpassuit ingerlaneranni qasusueqaluni suliarpassuinut. Nunatta nakorsaaneqarfiani ilinniartutut atorfiit nakorsanut kalaallinut qulakkeerneqarnissaat Henrik-ip sulinermini pimoorussimavaa, taamaattumillu maanna nakorsaanermik kalaallimik siulliusumik atorfinitsitsisinnaanitsinnut sunniuteqarsimaqaluni”.
Ukiuni aalajangersimasuni atorfeqarnini ulloq 1. oktober 2024-imi naammat, nakorsaanerup Henrik L. Hansen-ip qinnuteqaqqinnginnissani toqqarmagu, Nunatta nakorsaaneqarfiani nakorsaanertut atorfik inuttaaruppoq. Henrik L. Hansen ulloq 1. oktober 2017-imili nakorsaaneruvoq.
Paasisaqarnerorusukkuit naalakkersuisup allattaa Nivé Lynge Biilmann e-mailikkut: nilb@nanoq.gl imaluunniit oqarasuaatikkut ugguuna attaveqarfigineqarsinnaavoq: +299 34 52 84